Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.
Senter for populasjonshelse er ein seksjon i Forskingsavdelinga, Divisjon psykisk helsevern, Helse Bergen HF. Senteret søkjer ein seksjonsleiar, i ei stilling kombinert med ei rolle som forskar.
Seksjonsleiar vil ha ei sentral rolle i utviklinga og drifta av forskingssenteret og arbeide tett saman med senterleiar og øvrige fagmiljø. Rolla kombinerer personaleiing, økonomistyring, koordinering av forskingsaktivitet, forskingsadministrativt arbeid, bidrag til å sikre ekstern finansiering og strategisk utviklingsarbeid.
Som forskar vil kandidaten bidra til utvikling og gjennomføring av senterets forskingsprosjekt i samarbeid med nasjonale og internasjonale samarbeidspartnarar.
Konkret vil kandidaten bidra i utvikling og gjennomføring av senterets ambisjonar og forskingsprosjekt, inkludert akademisk publisering, samarbeid med internasjonale miljø og utvikling av nye forskingssøknader. Kandidatar som ønskjer å kvalifisere seg for PhD m.m. vert oppmoda til å søkje.Forskarrolla vil verte tett knytt til fleire aktivitetsområde ved senteret. Det er ønskjeleg at kandidatar har vore involverte i forsking av relevans for senterets verkeområde allereie.
Stillinga gjev ein unik moglegheit til å kombinere fagleg forsking med organisatorisk utviklingsarbeid i eit ambisiøst forskingsmiljø.
Arbeidsoppgåver
Seksjonsleiar 50%:
Leie og koordinere senterets daglege drift og bidra til god samhandling mellom forsking, administrasjon, og samarbeidspartnarar
Personalansvar og oppfølging av tilsette i seksjonen
Følgje opp senterets prosjektportefølje, inkludert oppfølging av forskingssøknader, samarbeidspartnarar og forskingsetiske prosessar
Ansvar for budsjettoppfølging og koordinering av administrative prosessar knytte til senterets prosjekt
Utvikle og vidareutvikle strukturar og arbeidsprosessar som understøttar senterets forskingsaktivitet
Bidra til utvikling av senterets strategi og satsingar i samarbeid med senterleiar.
Bidra til utvikling av nye forskingsprosjekt og søknader om ekstern finansiering
Bidra til koordinering av samarbeid med nasjonale og internasjonale forskingspartnarar
Forskingsadministrative oppgåver
Forskar 50%:
Delta i utvikling og gjennomføring av forskingsprosjekt ved senteret
Bidra til utvikling av nye forskingssøknader og prosjekt
Bidra til analyse, publisering og formidling av forskingsresultat
Samarbeide med nasjonale og internasjonale samarbeidspartnarar
Bidra til utvikling av senterets faglege profil og forskingsportefølje
Kvalifikasjonar
Norsk autorisasjon som helsepersonell er føretrekt, samt utdanning på mastergradsnivå.
Noko erfaring frå norsk psykisk helsevern eller tilsvarande klinisk verksemd
Erfaring med prosjektleiing, koordinering eller utvikling av forskingsprosjekt og forskingssøknader.
God forståing for samspelet mellom klinisk verksemd og forsking i norsk kontekst
Svært god skriftleg og munnleg formidlingsevne på norsk og engelsk, inkludert erfaring med akademisk skriving, vitskapleg publisering og faglege presentasjonar
Erfaring med forskingsformidling til ulike målgrupper og i ulike kontekstar.
Det er ønskjeleg med noko erfaring med personalleiing, økonomistyring av forskingsprosjekt, budsjettoppfølging, evne til å leie med tydeleg kommunikasjon, struktur, relasjonskompetanse og interesse for å utvikle seg som personalleiar.
Interesse og forståing for helsetenesteforskøing i eit befolknings- eller samfunnsperspektiv
Erfaring med utvikling og koordinering av forskingsprosjekt i samarbeid mellom kliniske og akademiske miljø
Erfaring frå tverrfagleg og internasjonalt forskingssamarbeid
Erfaring med brukarmedverknad og samarbeid med brukarorganisasjonar
Personlege eigenskapar
Evne til å arbeide strukturert og systematisk, og til å handtere fleire parallelle prosessar og oppgåver
Evne til å identifisere risikofaktorar og problem, og finne løysingar på desse
Evne til å arbeide sjølvstendig og ta ansvar i ei rolle med stort handlingsrom
Gode samarbeids- og kommunikasjonsevner
Evne til å skape framdrift og koordinere arbeid på tvers av miljø
Strategisk blikk kombinert med god gjennomføringsevne
God rolleforståing og evne til å navigere i ulike faglege og organisatoriske kontekstar
Evne til å byggje og vedlikehalde gode profesjonelle relasjonar nasjonalt og internasjonalt
Fagleg engasjement og nysgjerrigheit
Personleg eignaheit vil verte vektlagt.
Vi tilbyr
Ei sentral rolle i vidareutviklinga av eit ambisiøst forskingssenter
Eit dynamisk, tverrfagleg og internasjonalt forskingsmiljø
Eit inkluderande og fagleg sterkt miljø prega av samarbeid og utvikling, samt høge ambisjonar
Moglegheit til å bidra til forsking som har tyding for klinisk praksis og helsetenester
Ei variert og utfordrande stilling med utviklingsmoglegheiter
Løn etter avtale
Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
