Hovudbibliotekar / fagleg leiar i Seksjon for bibliotektenester
Søknadsfrist: 02.08.2020
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Universitetsbiblioteket (UB) yter tenester til forsking, undervisning, formidling og vitskapleg publisering ved Universitetet i Bergen. UB gjev studentar og vitskapleg tilsette tilgang til kunnskapskjelder, og gjev undervisning og rettleiing som har som mål å heva deira informasjonskompetanse. Vidare utviklar og driftar UB digital forskingsinfrastruktur, med særleg vekt på tenester som fremjar open vitskap. Les meir om Universitetsbiblioteket her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Om stillinga:
Ved Universitetsbiblioteket (UB) er det ledig ei 100 % fast stilling som fagleg leiar/hovudbibliotekar (stillingskode 1077 hovudbibliotekar). Stillinga er for tida knytt til Seksjon for bibliotektenester, med arbeidsstad på Bibliotek for humaniora. Stillinga er ledig frå 1. november 2020, tiltreding etter nærare avtale.
Arbeids- og ansvarsoppgåver:
Arbeidsleiing med ansvar for dagleg drift og utvikling av tenester som gir ein auka verdi for UB sine brukargrupper og UiB sin kjerneverksemd
Utvikling og profilering av biblioteket som ein formidlingsarena
Utvikling av det fysiske læringsmiljøet med vekt på brukarperspektivet
Vere pådrivar i digitaliseringsprosessar, effektivisering og fornying av arbeidsprosessar
Delta i øvrige oppgåver knytt til dokumentlevering, kurs og rettleiing, samt i førstelinetenesta fysisk og digitalt
Den som vert tilsett kan bli pålagt å delta i vaktordningar utanom ordinær kontorarbeidstid.
Kvalifikasjonar og eigenskapar:
Kvalifikasjonar:
Bibliotekfagleg utdanning på bachelor- eller masternivå i kombinasjon med relevant praksis
Relevant leiar- og arbeidserfaring frå biblioteksektoren er naudsynt
Gode kommunikasjons- og samarbeidsevner
Kjennskap til biblioteksystemet ALMA/Oria er ei føremon
God digital kompetanse er ei føremon
Gode språkkunnskapar både skriftleg og munnleg i norsk og engelsk er naudsynt
Leiareigenskapar og evne til sjølvstendig, resultatorientert arbeid vert vektlagt
Personlege eigenskapar vi etterspør:
Du er engasjert, initiativrik, løysingsorientert og har høg arbeidskapasitet
Du er ein tydeleg person som legg til rette for eit godt arbeidsmiljø
Du er endringsvillig og nytenkande
Du har gode evne til å lytte og motivera medarbeidarar
Du er fagleg nysgjerrig og likar å halde deg oppdatert, og du er opptatt av kunnskapsdeling
Du er serviceinnstilt, fleksibel og omgjengeleg med gode samarbeids- og formidlingsevner
Du har evne til å arbeide både sjølvstendig og i team
Ved vurdering av søkarane vil det bli lagt stor vekt på personlege eigenskapar som er naudsynte for stillinga.
Vi tilbyr:
Eit godt og fagleg utfordrande arbeidsmiljø
Spennande og motiverande kontakt med fagmiljø ved UiB
Løn som hovudbibliotekar etter lønssteg 58 – 68 (kode 1077) i det statlege lønsregulativet etter kvalifikasjonar. Dette utgjer for tida kr. 513 600 – 615 900. For særleg kvalifiserte søkjarar kan høgare løn vurderast.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.