OsloMet – storbyuniversitetet er det tredje største universitetet i Noreg, med nesten 22 000 studentar og over 2500 tilsette. Vi har campus i Oslo sentrum og på Romerike. OsloMet leverer forsking og utdanning med høg relevans for arbeidslivet, velferdsstaten og storbyregionen.
Instituttet er tilknyttet Fakultet for helsevitenskap og har omlag 3000 studenter og 250 tilsatte. Instituttet har virksomhet på Kjeller og i Pilestredet, Oslo.
Kan du tenkje deg å vere ein del av leiargruppa ved Institutt for sjukepleie og helsefremjande arbeid og leie fagmiljøet vårt innan psykisk helse-, rus- og avhengnadsarbeid?
Fakultet for helsevitskap,Institutt for sjukepleie og helsefremjande arbeidsøkjer ein inspirerande og utviklingsorientert avdelingsleiar for fagområdet psykisk helse-, rus- og avhengnadsarbeid med god innsikt i utdannings- og forskingssektoren. Fagområdet skal drive undervising og forsking av høg kvalitet og har for tida ansvaret for vidareutdanninga og masterprogrammet i fagområdet.
Tilsetjing skjer på åremål for ein periode på fire år med moglegheit til å kunne søkje same stilling for ytterlegare to periodar. Stillinga er ledig frå 1. februar 2025.
Instituttet er ein del av eit stort og tverrfagleg helsevitskapleg fakultet med ein brei portefølje av utdanningar og forsking. Dette skaper gode vilkår for eit tverrfagleg samarbeid på tvers av institutt og fagmiljø.
Instituttet har eit av landets største utdannings- og forskingsmiljø innan sjukepleie og helsefremjande arbeid og består av åtte avdelingar/studieleiarområde. Stillinga inngår i leiarteamet til instituttet som blir leia av instituttleiar. Fakultet for helsevitskap har eitt ph.d.- program og fleire forskingsgrupper er etablerte.
Ansvarsområde
Som avdelingsleiar har du fagleg og administrativt ansvar for avdelingsleiarområdet. Dette inneber resultatansvar for økonomistyring, personalforvalting og HMS, forsking, utdanning og formidling. Avdelingsleiar samarbeider med leiarar for dei andre fag- og studieområda med omsyn til disponering av personalressurser. Avdelingsleiar skal sørgje for eit godt og mangfaldig arbeidsmiljø.
Ansvarsområde og arbeidsoppgåver for avdelingsleiar er nærare skildra i stillingsskildringa.
Arbeidsoppgåvene dine vil i hovudsak vere:
leie og utvikle studieprogramma som ligg til ansvarsområdet i tett samarbeid med emneansvarlege
sørgje for at utdanninga blir utvikla i tråd med gjeldande lovverk, forskrift og vedtekne strategiar
personalleiing og økonomistyring
bidra til utvikling og gjennomføring av strategien til fakultetet, verksemdsutvikling og ressursstyring
bidra inn i leiargruppa til instituttet og vere pådrivar til at utdanningane skal vere leiande innan forsking og fagleg utviklingsarbeid
Kvalifikasjonskrav
relevant høgare utdanning innan fagområdet psykisk helse, rus- og avhengnadsarbeid
relevant førstestillingskompetanse. Søkjarar i sluttfasen av ph.d.-løp eller førstelektorløp kan vurderast.
relevant leiarerfaring, fortrinnsvis frå personalleiing
god kjennskap til økonomistyring
erfaring frå og god forståing av helsetenesta og særleg frå fagfeltet psykisk helsearbeid og/eller rus- og avhengnadsarbeid
gode munnlege og skriftlege evner i eit skandinavisk språk og i tillegg engelsk
Det er ein fordel at du har
formell leiarkompetanse
pedagogisk kompetanse og erfaring frå utdanningssektoren
nasjonalt og internasjonalt nettverk
erfaring med digital samhandling
Vi ønskjer deg som
er innovativ og har evne til å byggje gode relasjonar, motivere og inspirere medarbeidarar
er samlande og har ein tydeleg leiarstil med god gjennomføringsevne og dessutan evne til å ta avgjerder
har god arbeidskapasitet og evne til å handtere parallelle arbeidsprosessar
har evne til å samarbeide og byggje nettverk internt, nasjonalt og internasjonalt
At ein er personleg eigna og har god forståing for instituttet si rolle og posisjon vil bli tillagt stor vekt.
Det er viktig for OsloMet å gjenspegle befolkninga i regionen vår, og vi ønskjer alle kvalifiserte søkjarar velkomne. Vi arbeider aktivt med å utvikle oss vidare som ein inkluderande arbeidsplass og for å tilretteleggje arbeidsplassen om du har behov for det. Har du periodar i livet der du ikkje har vore i arbeid, utdanning eller opplæring, er du også velkomen til å søkje hos oss.
Vi kan tilby deg
interessante og utfordrande leiaroppgåver i eit aktivt, dynamisk og mangfaldig fagmiljø
godt arbeidsmiljø
leiarutviklingsprogram med mentorordning
gode låne- og pensjonsvilkår i Statens pensjonskasse
gode velferdsordningar og eit rikt tilbod av aktivitetar innan sport og kultur
Stillinga blir løna i samsvar med Hovudtariffavtalane i staten og Oslomet sin lønspolitikk i 1473 studieleiar, lønstrinn 75–83, dvs. kroner 759 100–942 700 pr. år. For spesielt kvalifiserte søkjarar kan vi vurdere høgare løn.
Søknadsprosess
Vil du søkje på stillinga må du søkje elektronisk gjennom rekrutteringssystemet vårt.
Innan søknadsfristen må du saman med søknaden laste opp følgjande dokument:
CV, attestar og alle sider av vitnemål
fullstendig publikasjonsliste
gjerne tre referansar med kontaktinformasjon (overordna, sideordna og underordna)
Vi behandlar berre søknader sende inn via rekrutteringssystemet vårt og alle dokument må lastast opp for at vi skal behandle søknaden din. Dokumenta må vere på eit skandinavisk språk eller engelsk, og omsetijngar må vere autoriserte. Du må vise fram originalar ved eit eventuelt intervju. OsloMet gjennomfører kontroll av dokument, slik at du som kandidat skal få ei reell evaluering og ein rettferdig konkurranse.
Tilsetjinga blir gjennomført etter prinsippa i Statsansatteloven (lovdata.no),og lovverk som regulerer eksport av kunnskap, teknologi og tenester.
Det kan bli gjort bakgrunnssjekk for å verifisere opplysningar som kjem fram av CV og tilgjengelege dokument. Bakgrunnssjekk blir ikkje gjennomført utan samtykke frå søkjar og aktuelle søkjarar vil få nærare informasjon om dette.
Andre opplysningar
Ønskjer du nærmare informasjon om stillinga kan du kontakte:
