Universitetslektor (mellombels) i logopedi/spesialpedagogikk

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det psykologiske fakultet består av fem institutter og to senter. Les meir om fakultet og tilhøyrande institutt.

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

...

(Video unable to load from YouTube. Accept cookie and refresh page to watch video, or click here to open video)

Universitetslektor

Ved Institutt for klinisk og biologisk psykologi og Institutt for pedagogikk, Det psykologiske fakultet, er det ledig ei mellombels 100 % stilling som universitetslektor i logopedi/spesialpedagogikk for perioden 1. august 2026 -31. juli 2028. Den tilsette vil ha arbeidsstad ved begge institutt. Institutt for klinisk og biologisk psykologi vil ha personalansvaret for stillinga.

Arbeidsoppgåver:

Den tilsette skal delta i fagleg utvikling på begge institutt, men arbeidsoppgåvene vil fordelast 50/50 mellom institutta, slik:

Institutt for klinisk og biologisk psykologi:

• Undervising, undervisningsadministrativt arbeid, rettleiing og sensur på masterprogrammet i logopedi: Logopedi (master) | UiB

   

Institutt for pedagogikk:

• Undervising, undervisningsadministrativt arbeid, rettleiing og sensur på vidareutdanningsemna i tilpassa og individuelt tilrettelagt opplæring: Tilpasset og individuelt tilrettelagt opplæring | UiB
• Oppfølging av partnerskap med vidaregåande skular i “System for kompetanse- og karriereutvikling for ansatte i barnehage og skole (SKK)”

Kvalifikasjonar og eigenskapar:

• Søkjarar må ha oppnådd mastergrad i eit fagområde som er relevant for stillinga.
• Søkjarar må ved oppstart i stillinga kunne undervise på norsk eller eit anna skandinavisk språk.
• Det er ein føremon at søkjaren har utdanningskvalifikasjonar og/eller arbeidserfaring innan både logopedi og spesialpedagogikk.
• Arbeidserfaring frå høgare utdanning knytt til eit av fagområda logopedi, spesialpedagogikk, pedagogikk eller tilsvarande er ein føremon.
• Det vil vere ein fordel om søkjaren har publiserte forskingsresultat som er relevante for stillinga. 
• Personlege eigenskapar, som evna til å arbeide sjølvstendig og strukturert, samt gode samarbeidsevner, vil verte vektlagt.

I vurderinga av søkjarane vil det bli lagt vekt på moglegheita for å tre raskt inn i undervisningsoppgåvene.

Vi tilbyr:

• Spennande og utviklande arbeidsoppgåver i et sterkt fagmiljø
• Høve til å bygge faglege nettverk
• Brutto årsløn som universitetslektor (kode 1009) kr 653 000 – kr 692 000. Vidare lønsopprykk skjer etter stillingsansiennitet. For særleg kvalifiserte søkjarar kan det verte aktuelt å vurdere høgare løn.
• Medlemsskap i Statens pensjonskasse 
• Gode velferdsordningar

Søknaden skal innehalde:

• CV
• Vitnemål og attestar
• Namn og kontaktinformasjon på tre referansar.
• Vedlegg som dokumenterer dine kvalifikasjonar
• Publikasjonsliste
• Vitskaplege arbeid søkjaren vil det skal takast omsyn til ved vurderinga (maksimalt 5 vedlegg)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Vi gjer merksam på at søknader vert vurdert med den informasjonen og dei vedlegg som er knytt til søknaden i JobbNorge når søknadsfristen går ut. Det er søkjar sitt ansvar å sørgje for at all informasjon er lagt inn innan fristen.

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden, jamfør siste kulepunkt. 

Generell informasjon:

Utfyllande opplysningar om stillinga kan ein få ved å vende seg til: 

Frøydis Morken, Instituttleiar, Institutt for klinisk og biologisk psykologi, froydis.morken@uib.no og 55 58 62 87

Line Hilt, Instituttleiar, Institutt for pedagogikk, Line.Hilt@uib.no, 55 58 48 45

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.

Søk på stillingen

Spørsmål om stillinga

• Frøydis Morken (Instituttleiar, Institutt for klinisk og biologisk psykologi), +47 55 58 62 87, froydis.morken@uib.no
• Line Hilt (Instituttleiar, Institutt for pedagogikk), +47 55 58 48 45, Line.Hilt@uib.no