Universitetsbibliotekar/ førstebibliotekar i teknisk-naturvitskaplege fag (vikariat, 60%)

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Universitetsbiblioteket (UB) yter tenester til forsking, undervisning, formidling og vitskapleg publisering ved Universitetet i Bergen. UB gjev studentar og vitskapleg tilsette tilgang til kunnskapskjelder, og gjev undervisning og rettleiing som har som mål å heva deira digital- og informasjonskompetanse. Vidare utviklar og driftar UB digital forskingsinfrastruktur, med særleg vekt på tenester som fremjar open vitskap. Les meir om UB her. 

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Om stillinga:

Ved Universitetsbiblioteket (UB) er det ledig ei 60 % vikarstilling som universitetsbibliotekar (kode 1199) i perioden 01. mars 2026 til 30. juni 2027 med eventuell moglegheit for forlenging. Stillinga er for tida knytt til Seksjon for utdannings- og forskingsstøtte, Bibliotek for naturvitenskap og teknologi.

Arbeidsoppgåver:

• Gi undervisnings- og forskingsstøtte i informasjonssøking og bruk av kunnskapskjelder.
• Gi undervisning/rettleiing i akademisk skriving og sitering/referansehandtering.
• Utvikle dei trykte og elektroniske samlingane.
• Være kontaktperson mellom fagmiljø og bibliotek.
• Delta i tenesteutvikling og verksemda elles. Den som blir tilsett kan bli pålagt å delta i vaktordningar utanom ordinær kontorarbeidstid.

Det kan bli endringar i arbeidsoppgåver knytt til stillinga, da det for tida vert gjennomført eit organisasjonsutviklingsprosjekt ved UB. 

Kvalifikasjonar og eigenskapar:

• Minst mastergrad med fagområde innan matematisk-naturvitskaplege fag.
• Kjennskap til forskingsprosessen og forskingsmetodar vert vektlagt.
• Pedagogisk utdanning, samt erfaring med undervisning, rettleiing og formidling er ein fordel.
• Opptatt av brukarperspektiv og tenesteutvikling.
• Engasjert, sjølvstendig, initiativrik og med god gjennomføringsevne.
• Gode kommunikasjons- og samarbeidsevner.
• God munnleg og skriftleg formuleringsevne på norsk (eller andre skandinaviske språk) og engelsk.
• Ved vurdering av søkjarane vil det verte lagt stor vekt på dei personlege eigenskapane som er naudsynte for stillinga.

Vi tilbyr:

• Eit godt og fagleg utfordrande arbeidsmiljø med engasjerte kollegaer.
• Spennande og motiverande kontakt med fagmiljø ved UiB.
• Løn som universitetsbibliotekar (kode 1199) kr. 625 500 til kr. 650 000 i det statlege lønsregulativet avhengig av kvalifikasjonar. Søkjarar som er erklært kompetente til stilling som førsteamanuensis eller førstebibliotekar ved ein institusjon som er godkjent av departementet eller har norsk doktorgrad eller utanlandsk doktorgrad godkjent som likeverdig med norsk, vert løna som førstebibliotekar (kode 1200) løn kr. 757 600 – 780 000 avhengig av kvalifikasjonar. For særleg kvalifiserte søkjarar kan høgare løn vurderast.
• Fleksibel arbeidstid.
• Medlemskap i Statens Pensjonskasse.
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til seksjonsleiar Marion Mühlburger, tlf. 55 58 68 95 eller epost: marion.muhlburger@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.

Søk på stillingen