Studiekonsulent (seniorkonsulent) ved Det samfunnsvitskaplege fakultet
Publisert
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Seniorkonsulent
Vi ønskjer deg velkomen som søkjar til ei fast stilling som studiekonsulent (seniorkonsulent) for sivilingeniørprogrammet Informasjonsteknologi og økonomi (ITØK) ved Det samfunnsvitskaplege fakultet. ITØK-studiet kombinerer IKT-fag med økonomi, og gir kandidatane kompetanse til å løysa komplekse problemstillingar i skjeringsfeltet mellom IT og økonomi. For meir informasjon om programmet: ITØK
Studiekonsulentane er viktige støttespelarar for program- og instituttleiinga i arbeidet med å sikra at sivilingeniørprogrammet held høg kvalitet.
Arbeidsoppgåver:
Leggja til rette for praktisk gjennomføring av utdanninga; frå undervisnings-planlegging til eksamen
Studierettleiing, rekrutterings- og informasjonsarbeid
Laging/redigering av årshjul og flyt i aktivitetane i programmet
Praktisk gjennomføring av programmets praksisplassar, seminar og workshops
Sekretær for programstyret
Generell studieadministrativ sakshandsaming
Administrativt ansvar for utveksling og sakshandsaming knytt til ITØK, samt til alle dei andre utdanningsprogramma ved Institutt for økonomi
Utarbeide og publisere nettverks- og nyheitsbrevet Alumninytt
Vedlikehald og kvalitetssikring av programmets budsjett og prosjektregnskap
Dei som vert tilsett vil måtte rette seg etter dei retningslinjer som for ein kvar tid gjeld for stillinga.
Kvalifikasjonar og eigenskapar:
Mastergrad. Relevant praksis kan i særskilte høve kompensere for manglande formell utdanning
Det er ein føremon med studieadministrativ praksis
God administrativ IT-kompetanse. Kjennskap til universitetet sine administrative system er ein føremon
God evne til å kommunisere skriftleg og munnleg på norsk og engelsk
Gode samarbeids- og kommunikasjonsevner
Evne til å vere fleksibel, ansvarleg og imøtekommande
Evne til å arbeide systematisk og resultatorientert
Personlege eigenskapar som er naudsynte for stillinga vil bli vektlagt
Vi kan tilby:
Eit godt og internasjonalt arbeidsmiljø og spanande arbeidsoppgåver ved eit fakultet med fagmiljø som hevdar seg godt nasjonalt og internasjonalt.
Faglege utfordringar med gode høve for personleg utvikling og kompetanseutvikling.
Årsløn som seniorkonsulent etter kode 1363, mellom kr 590 000 – 616 000 ut frå kvalifikasjonar. Noko høgare løn kan vurderast for spesielt godt kvalifiserte søkjarar.
Utfyllande opplysningar om stillinga kan ein få ved å kontakte administrasjonsleiar Marianne Bø Larsen, marianne.bo@uib.no tlf. +47 99 21 54 23 eller professor Hans Hvide, hans.hvide@uib.no.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.
