Seniorkonsulent/rådgjevar (studieadministrasjon) ved Institutt for global helse og samfunnsmedisin

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og åtte senter. Les meir om fakultet og tilhøyrande institutt.

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

...

(Video unable to load from YouTube. Accept cookie and refresh page to watch video, or click here to open video)

Seniorkonsulent/rådgjevar

Ved Det medisinske fakultet, Institutt for global helse og samfunnsmedisin (IGS), er det ledig ei fast 100 % stilling som seniorkonsulent/rådgjevar (studieadministrasjon) med oppstart så snart som mogleg.

Institutt for global helse og samfunnsmedisin er eitt av fem institutt ved Det medisinske fakultet og har som oppgåve å drive medisinsk forsking, rettleiing og undervising på høgt internasjonalt nivå for å oppnå fakultetet sin visjon «ny kunnskap for betre helse». Instituttet og stillinga er lokalisert i Alrek Helseklynge.

Stillinga inneber studieadministrativt arbeid knytt til instituttet sine studium. Dette inkluderer 4 masterprogram og ei rekkje semester ved medisinstudiet, som dei neste åra utvidar den desentraliserte utdanninga gjennom «Vestlandslegen». Administrasjon ved andre studieprogram ved fakultetet kan òg bli aktuelt.

Stillinga passar særs bra for deg som er fleksibel, liker variasjon og tek ei utfordring på strak arm. Du må arbeide nøyaktig og effektivt, halde hovudet kaldt i hektiske periodar og bidra til det faglege og sosiale fellesskapet.

Instituttadministrasjonen gjev den faglege verksemda administrativ støtte og har mellom anna ansvar for studieadministrasjon, forskingsadministrasjon, økonomiforvalting, prosjektstyring, personal, HMS og infrastruktur. Studiekoordinator er arbeidsleiar og har delegert personaloppfølging, medan administrasjonssjefen er leiar for stillinga.

Arbeidsoppgåver:

Oppgåvene for stillinga inkluderer:

• Saksbehandling, utgreiing og utvikling som krev stor grad av sjølvstende og problemløysing
• Generelt studieadministrativt arbeid, til dømes opptak, emneadministrasjon, studentrettleiing, timeplanlegging, eksamensarbeid med meir 
• Rutineutvikling og kvalitetssikring

Meir spesifikke oppgåver vil kunne bli endra, men inkluderer i første omgang:

• Koordineringsfunksjon for delar av studieporteføljen

Å følgje opp eksternfinansierte utdanningsprosjekt kan òg bli aktuelt. 

Alle i administrasjonen vil måtte ta del i andre administrative oppgåver i tillegg til dei spesifikke oppgåvene som er lagt til stillinga.

Det kan bli aktuelt å leggje andre oppgåver til stillinga. 

Kvalifikasjonar og eigenskapar:

• Søkjar må ha mastergrad. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
• Søkjar må ha god administrativ IT-kompetanse og systemforståing
• Svært gode skriftlege og munnlege ferdigheiter på norsk og engelsk er eit krav
• Erfaring frå studieadministrativt arbeid, rettleiingsarbeid, saksbehandling og prosjektarbeid er ein fordel
• Kjennskap til universitets- og høgskolesektoren, offentleg forvaltning og relevante system som FS, Canvas, MittUiB, Inspera, TP og Elements/WebSak er ein fordel

For stilling som rådgjevar krevst det som utgangspunkt minst to års relevant yrkeserfaring. Kandidatar med kortare arbeidserfaring og nyutdanna kan søkje stillinga som seniorkonsulent.

Vi søkjer ein person som 

• har engasjement og interesse for studieadministrativt arbeid
• har evne til å jobbe sjølvstendig, strukturert og nøyaktig
• er ansvarsbevisst, fleksibel, kvalitetsbevisst og effektiv
• har gode kommunikasjons- og samarbeidseigenskapar 
• er løysingsorientert, initiativrik, serviceinnstilt og har god gjennomføringsevne
• har evne til å prioritere og trivst med å halde orden på fleire parallelle prosessar og aktivitetar
• har evne til å tileigne seg nye ferdigheiter og auge for å utvikle/forbetre administrative rutinar 

Ved vurdering av søkjaren vil vi legge stor vekt på dei personlege eigenskapane som er naudsynte for stillinga.

Vi kan tilby:

• Spanande og utviklande arbeidsoppgåver i eit sterkt fagmiljø
• Løn som seniorkonsulent (kode 1363) er for tida kr 615 000-645 000. Løn som rådjevar (kode 1434) er for tida kr 645 000-685 000. For særs kvalifisert søkjar kan høgare løn vurderast.
• Medlemsskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til studiekoordinator Iselin Henriksen Kvamme på mail: iselin.kvamme@uib.no eller tlf: 55 58 93 31, eller fungerande administrasjonssjef Anita H. Garden, e-post: admsjef.igs@uib.no, tlf. 55 58 96 76. 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.

Søk på stillingen

Spørsmål om stillinga

• Iselin Henriksen Kvamme (Studiekoordinator), +47 55 58 93 31, iselin.kvamme@uib.no
• Anita H. Garden (Fungerande administrasjonssjef), +47 55 58 96 76, admsjef.igs@uib.no