Seniorkonsulent - Institutt for lingvistiske, litterære og estetiske studium (LLE)
Søknadsfrist: 20.05.2026
Publisert
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Seniorkonsulent - Institutt for lingvistiske, litterære og estetiske studium (LLE)
Vi søkjer ein motivert og engasjert medarbeidar til ei fast 100 % stilling som seniorkonsulent (studie/eksamenskonsulent) ved Institutt for lingvistiske, litterære og estetiske studium (LLE) ved Det humanistiske fakultet. Det er ynskjeleg med oppstart frå 15. september 2026.
Om arbeidsplassen
LLE er eitt av fire institutt ved Det humanistiske fakultet ved Universitetet i Bergen. Instituttet femner om faga litteraturvitskap, språkvitskap, norsk som andrespråk, nordisk språk og litteratur, norrøn filologi, kunsthistorie, klassisk filologi, teatervitskap, digital kultur og norskkurs for utanlandske studentar og tilsette. Det er om lag 80 vitskapeleg tilsette ved instituttet, 50 ph.d.-kandidatar og postdoktorar og 17 personar knytte til administrasjonen. Studiegruppa består av åtte tilsette med studieleiar som koordinator. Administrasjonssjef er personalansvarleg.
Arbeidsoppgåver:
Stillinga har varierte oppgåver innan studieadministrasjon, med hovudområda:
planlegging og avvikling av eksamen og undervisning
kontakt med fagmiljøet og særleg fagkoordinatorar
rettleiing, mottaking og oppfølging av studentar
studieplanarbeid
oppfølging av utdanningsplanar og masterkontraktar
kontakt med interne og eksterne sensorar
sekretær for programstyre
informasjons- og rekrutteringsarbeid
ymse sakshandsaming
rutineutvikling og deltaking i fagleg-administrative nettverk
Målsetjinga for administrasjonen er å leggje til rette for at det kan drivast utdanning, forsking og formidling av høg kvalitet ved instituttet.
Alle i administrasjonen må rekne med å ta del i andre administrativ oppgåver enn dei som i utgangspunktet ligg til stillinga.
Kven ser vi etter?
Stillinga krev at du har:
Mastergrad eller anna utdanning tilpassa dei oppgåvene stillinga skal dekkje. Lang, relevant praksis kan i særskilte høve kompensere for manglande formell utdanning.
God skriftleg og munnleg framstillingsevne på norsk og engelsk er naudsynt.
Det er ein føremon om du også har:
Erfaring med studieadministrasjon, eksamensadministrasjon og undervisningsplanlegging er ein føremon.
Kjennskap til universitets- og høgskulesektoren og offentleg forvaltning er ein føremon.
Relevant IT-/systemkunnskap (til dømes FS, Elements/Websak, Inspera) er ein føremon.
Interesse for – og gode evner innan rettleiing og sakshandsaming vert vektlagt.
Personlege eigenskapar:
Evne til å vere nøyaktig og merksam på detaljar
Gode samarbeids- og kommunikasjonsevner, initiativ, fleksibilitet og sørvisinnstilling
Evne til å arbeide sjølvstendig, strukturert og målretta
Evne til prioritering og orden i fasar med stort arbeidspress
Personlege eigenskapar og eignaheit for stillinga vil bli tungt vektlagt i vurderinga av kandidatar.
Kvifor skal du arbeide hos oss?
Som tilsett hos oss blir du ein del av eit sterkt og inkluderande team i ein spanande kunnskapsorganisasjon. Du får moglegheit til å jobbe med varierte oppgåver og utvikle deg fagleg. I tillegg får du:
Eit godt og inkluderande arbeidsmiljø, utfordrande arbeidsoppgåver og høve til utvikling og kompetanseheving.
Ei stor kontaktflate i organisasjonen.
Erfarne kollegaer som deler kunnskap.
Ein trygg og fleksibel arbeidskvardag, med fleksitid, sommartid frå mai til september, og moglegheit for heimekontor etter avtale.
Gode velferdsordningar, mellom anna ulike kultur- og idrettstilbod inkludert moglegheit til trening i arbeidstida.
Ein arbeidsstad i hjartet av Bergen – nær både byliv og natur.
Løn som seniorkonsulent (1363) med ei brutto årsløn på mellom kr 615 000 til kr 645 000 avhengig av erfaring og kvalifikasjonar. For særskilt kvalifiserte søkjarar kan det bli aktuelt å vurdere høgare løn.
Medlemskap i Statens pensjonskasse, som inneber ei trygg tenestepensjonsordning, moglegheit for uføre- og etterlatnepensjon, samt tilgang til gunstige bustadlån.
Slik søkjer du stillinga:
Søknaden skal sendast elektronisk via lenkja «SØK STILLINGA» på denne sida. Svar på spørsmåla som blir stilte og følg så stega i søknadsprosessen. Legg inn følgjande:
Under «Søknadstekst»: Skriv ei kort utgreiing om din motivasjon for å søkje stillinga, dine personlege eigenskapar og korleis utdanninga di og/eller relevant praksis kan nyttast i dei arbeidsoppgåvene stillinga skal dekkje.
Under «CV», oppgi:
Personalia.
Erfaringar og kvalifikasjonar.
Språkferdigheiter.
Minst tre referansepersonar. Ein av desse bør vere nåverande eller tidlegare overordna.
Under «Vedlegg» lastast følgjande opp som separate dokument:
Karakterutskrift og vitnemål lastast opp frå Vitnemålsportalen. Dersom desse ikkje er tilgjengelege via Vitnemålsportalen, lastast dei opp som vanlege filer.
Relevante attestar som dokumenterer dine kvalifikasjonar, ferdigheiter, erfaringar eller eigenskapar.
Søknadstekst og CV må vere på norsk eller eit anna skandinavisk språk. Vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing. Vedlegga kan vere i Word- eller PDF-format og må lastast opp i Jobbnorge innan søknadsfristen. Namngje vedlegga tydeleg.
Utfyllande opplysningar om stillinga kan ein få ved å vende seg til: studieleiar Signe Nilssen ved Institutt for lingvistiske, litterære og estetiske studium, telefon 55 58 88 23, e-post signe.nilssen@uib.no.
Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.Spørsmål om den elektroniske søknadsprosessen kan rettast til Det humanistiske fakultet på e-post: fakadm@hf.uib.no.
Den som vert tilsett, må rette seg etter dei retningslinene som til ei kvar tid gjeld for stillinga.
Opplysningar om søkjaren kan bli gjorde offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
