Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Det er ønskeleg at den som tilsettast kan starte i stillinga 01.09.2026.
Om instituttet
Institutt for geovitenskap (GEO) sitt overordna mål er å bringe ny grunnleggande kunnskap om jorda si oppbygging, utviklingshistorie og drivkreftene for den dynamiske oppførselen til jorda. Forskinga ved instituttet skal fortrinnsvis bidra til ny kunnskap innan følgande satsingsområde: Energiomstilling og Ressursar, Klima-, Marin- og Polarforsking, Geofarar og Miljø, alle viktige samfunnsområde.
Instituttet har ein fast vitskapeleg stab på 33 tilsette, 30 postdoktorar og forskarar, rundt 40 stipendiatar og ein teknisk/administrativ stab på 30 tilsette.
Arbeidsoppgåver:
Stillinga er tillagt arbeidsoppgåver fortrinnsvis ved instituttets væskeinklusjonslaboratorium der professor Nele Meckler er fagleg leiar. Stillinga inngår i ei teknisk gruppe (laboratoriegruppa) som støtter opp under forskinga ved instituttet. Gruppa består av 12 medarbeidarar som rapporterer til gruppeleiar Olav Bjørkelund.
På væskeinklusjonslaboratoriet rekonstruerer vi dannelsestemperaturar av karbonat- eller halittprøver med hjelp av nukleasjons-assistert (NA) mikrotermometri. Instrumenteringa består av ein femtosekund-laser, optiske komponentar, og fleire arbeidsstasjonar beståande av mikroskop med varme/kuldebrett og kamera. Laboratoriet er globalt unikt og er grunnlag til verdsleiande forsking, til dømes i paleoklima-rekonstruksjon med stalagmittar.
Arbeidsoppgåvene vil inkludere:
Vedlikehald av instrumentering som nyttast til NA mikrotermometri i væskeinklusjonar.
Vidare utvikling av metodar for å bestemme dannelsestemperaturar i karbonatprøver (til dømes stalagmittar) og halitt.
Vidare utvikling av dataprosessering og korrekturfunksjonar.
Rettleiing av interne og eksterne brukarar av laboratoriet med hensyn til prøvepreparering, analyse, og dataprosessering.
Erfaringsutveksling med andre forskingsgrupper som planlegg å setje opp liknande fasilitetar.
Å bidra i forskingsrelatert arbeid, og aktivt søke om eksternfinansierte prosjektmidlar til finansiering av eiga forsking og til aktivitet ved væskeinklusjonslaboratoriet.
Den som vert tilsett vil også kunne delta i andre tekniske oppgåver.
Kvalifikasjonar og eigenskapar:
Søkjarar må ha doktorgrad innan geovitenskap.
Omfattande erfaring med NA-mikrotermometri er eit krav.
Erfaring med prosessering av mikrotermometri data er eit krav.
Søkjarar må ha digital kompetanse og evne til å tileigne seg nye ferdigheiter.
Søkjarar må ha god organisasjonsevne og kommunisere godt med leiarar og brukarar av laboratoriet.
Søkjarar må kunne arbeide sjølvstendig, vere strukturert og ha gode samarbeidsevner. Fleksibilitet og evne til å setje seg inn i ny instrumentering, og utvikle og bruke denne i samarbeid med vitskapeleg stab, vil vere sentralt.
Utmerkte ferdigheiter i teknisk problemløysing er ein føremon.
Søkjarar må ha gode engelskkunnskapar, skriftleg og munnleg.
Personlege eigenskapar som er naudsynte for stillinga vil bli vektlagt.
Vi tilbyr:
Spennande og utviklande arbeidsoppgåver i et sterkt fagmiljø.
Stilling som senioringeniør (kode 1181) i årsløn kr. 725 000 – 770 000 i det statlege lønsregulativet, avhengig av tenesteansiennitet og kvalifikasjonar. For særleg kvalifiserte søkjarar kan det vere aktuelt å vurdere høgare løn.
Utfyllande opplysningar om stillinga kan ein få ved å vende seg til: Professor Nele Meckler (vitenskapeleg leder av VI-lab), Institutt for geovitenskap, nele.meckler@uib.no / +47 55583530 eller senioringeniør Olav Audun Bjørkelund (leder av laboratoriegruppen), Institutt for geovitenskap, olav.bjorkelund@uib.no / +47 41667033.
For HR-relaterte spørsmål kan du kontakte HR-rådgjevar Mathilde Høgalmen, mathilde.hogalmen@uib.no.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane om moderat kjønnskvotering.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
