Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og åtte senter. Les meir om fakultet og tilhøyrande institutt.

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

...

(Video unable to load from YouTube. Accept cookie and refresh page to watch video, or click here to open video)

Førstekonsulent

Har du lyst til å vera med på å gjera ein forskjell i verda? 

Ved Det medisinske fakultetet, Institutt for global helse og samfunnsmedisin, er det ledig ei 100% fast stilling som førstekonsulent.

Stillinga som førstekonsulent vil inngå i det administrative teamet ved Institutt for global helse og samfunnsmedisin (IGS), med fokus på forskingsadministrasjon. Over ein prosjektperiode på fem år vil den som vert tilsett ha oppgåver knytt til Bergen Centre for Ethics and Priority Setting in Health (BCEPS) og det Norad-finansierte prosjektet Fair Choices on the Path to Universal Health Coverage 2026-2030. Dette prosjektet har tett samarbeid med partnarinstitusjonar i Etiopia, Ghana, Nepal, Tanzania, og Zanzibar.

BCEPS er eit forskingssenter som har som mål å forstå og fremje etisk akseptabel, rettferdig og effektiv prioritering i nasjonale helsesystem. Senteret fekk status som Senter for framifrå forsking (SFF) frå september 2023. Hovudarbeidsplassen for stillinga dei første 5 åra vil vere ved BCEPS i Bergen. I same periode er det planlagt at førstekonsulenten skal sitja inntil ein dag i veka saman med det administrative teamet ved IGS, der arbeid for instituttadministrasjonen må påreknast.

Dette er ei spennande moglegheit til å bli ein integrert del av eit internasjonalt arbeidsmiljø der du vil bruka like mykje engelsk som norsk som arbeidsspråk, og nettverket strekk seg over mange land.

Søknader kan sendast på engelsk eller norsk og utlysinga er tilgjengeleg på begge språk.

Arbeidsoppgåver:

Dei primære arbeidsoppgåvene vil inkludere å bidra til:

• Administrativ oppfølging av prosjektaktivitetar i Etiopia, Ghana, Nepal, Tanzania og Zanzibar
• Annan prosjektadministrasjon og rapportering
• Planlegging og gjennomføring av arrangement
• Koordinering av reiser, møter og logistikk
• Interne og eksterne kommunikasjonsoppgåver, inkl. oppdatering av prosjektwebsider
• Praktisk bistand til internasjonale gjester
• Generelle kontoradministrative arbeidsoppgåver

• Etter at finansieringsperioden på 5 år i Norad-prosjektet er over, vil stillinga inngå i den generelle administrasjonen ved instituttet.

  Nødvendig opplæring vil bli gitt.

  Det kan verte aktuelt å leggje andre oppgåver til stillinga. 

Kvalifikasjonar og eigenskapar:

• Søkjar må ha bachelorgrad. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning

  Andre krav til stillinga:

• Svært gode engelskkunnskapar
• Gode kunnskapar i norsk
• Erfaring med administrative og logistiske oppgåver

• Forståelse for teknologi og erfaring med bruk av digitale verktøy

  Ønskjelege ferdigheiter for stillinga:

• Internasjonal erfaring (t.d. å ha budd, arbeidd eller studert utanfor Noreg)
• Generell erfaring med kommunikasjon (t.d. nettsider, video/lyd, sosiale medium)
• Kompetanse innan eit relevant fagområde (t.d. helsefag, samfunnsvitskap)

Den ideelle kandidaten for denne stillinga vil ha følgjande personlege eigenskapar:

• Positiv til å jobbe i eit internasjonalt og fleirkulturelt miljø
• Kreativ og løysingsorientert
• Motivert til å ta på seg varierte oppgåver og tileigne seg nye ferdigheiter
• Gode samarbeids- og kommunikasjonsevner
• Evne til å arbeide sjølvstendig og strukturert

Ved vurdering av søkjaren vil vi legge stor vekt på dei personlege eigenskapane som er naudsynte for stillinga.

Vi tilbyr:

• Spanande og utviklande arbeidsoppgåver i eit sterkt fagmiljø
• Løn som førstekonsulent (kode 1408) er for tida kr 540 000 – 560 000. For særs kvalifisert søkjar kan høgare løn vurderast.
• Medlemsskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein får ved å vende seg til senterets administrative leiar Maria Sollohub (mail: maria.sollohub@uib.no; tlf. 91585623).

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Nærare om tilsettingsprosessen her.

Søk på stillingen