Forskar 1109 i karbonat isotopklynge-paleoseanografi

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Fakultet for naturvitenskap og teknologi består av sju institutt og en rekke sentre. Les meir om fakultet og tilhøyrande institutt.  

Kunnskap som formar samfunnet 

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass. 

Forskar  

Ved Institutt for geovitskap er det ledig ei mellombels stilling som forskar innan isotopklynge-paleoseanografi. Stillinga er for ein periode på 15 månader og knytt til prosjekta DOTpaleo og Polhavet2050, finansiert Noregs Forskingsråd (NFR). 

Om prosjektet/arbeidsoppgåver: 

Forskaren skal bruke og bidra i drifta av isotopklynge-fasilitetar ved FARLAB, ein nasjonal laboratorieinfrastruktur som har to toppmoderne system for isotopklyngeanalysar på karbonatmateriale, beståande av Thermo Scientific Kiel IV prepareringslinjer kopla til MAT253Plus-massespektrometer. Instrumenta blir brukt av isotopklyngegruppa ved UiB og andre lokale, nasjonale, og internasjonale forskarar som besøkjer laboratoriet. 

Arbeidsoppgåver vil inkludere: 

• Seleksjon og førebuing av sedimentprøver for analyse (våtsikting, plukking av foraminifera). 

• Reinsing av foraminifera for isotopklyngeanalysar. 

• Isotopklyngeanalyse av foraminifera og datahandsaming. 

• Tolking av data og kommunikasjon av resultat. 

• Opplæring av nye brukarar og besøkjande. 

• Assistere med dagleg oversyn av, og feilsøking på, massespektrometera. 

Kvalifikasjonar og eigenskapar: 

• Søkjarar må ha oppnådd ein grad tilsvarande ein norsk doktorgrad (PhD) innanfor geovitskap, eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje. 

• Erfaring frå isotopklynge-termometri på små (<1 mg) prøver er eit krav. 

• Praktisk erfaring med Kiel IV-MAT253 system, inkludert feilsøking, er eit krav. 

• God kjennskap til foraminifera taksonomi, spesielt frå kenozoikum, er eit krav. 

• Søkjarar må ha erfaring med foraminifera-basert paleoseanografi gjennom Kenozoikum. 

• Gode kommunikasjonseigenskapar er essensielle for opplæring av nye brukarar. 

• Søkjarar må kunne arbeide sjølvstendig, strukturert og ha gode samarbeidsevner. 

• Søkarar må ha gode engelskkunnskapar, skriftleg og munnleg. 

Personlege og mellommenneskelege eigenskapar vil bli vektlagd. Forskingsrøynsle, ambisjonar og potensial vil også telle ved vurdering av kandidatane. 

Særeigne krav for stillinga  

UiB er underlagd regelverket for eksportkontroll og regelverket gjeld ved behandling av søknadar til stillinga.  

Vi kan tilby: 

• eit godt og fagleg utfordrande arbeidsmiljø. 

• stilling som forskar (kode 1109 i hovudtariffavtalane i staten) og brutto årsløn på kr. 685 900,-ved tilsetjing. Vidare opprykk skjer etter stillingsansiennitet. For særleg kvalifiserte søkjarar kan det bli aktuelt å vurdere høgare løn.  

• medlemsskap i Statens pensjonskasse 

• gode velferdsordningar 

Søknaden skal innehalde: 

• ei kort utgreiing om søkjaren sine forskingsinteresser og motivasjon for å søkje stillinga. 

• namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga. 

• CV. 

• karakterutskrifter og vitnemål. Dersom du enno ikkje har fullført doktorgraden må du levere ei stadfesting på at doktorgradsavhandlinga er levert.   

• relevante attestar. 

• liste over vitskaplege arbeid (publikasjonsliste med lenkjer). 

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.  

Generell informasjon: 

Utfyllande opplysningar om stillinga kan ein få ved å vende seg til professor Nele Meckler, Institutt for geovitenskap, e-post: nele.meckler@uib.no, telefon: +47 55583530. 

For HR-relaterte spørsmål ta kontakt med rådgjevar Mathilde Høgalmen, Fakultet for naturvitenskap og teknologi, e-post: mathilde.hogalmen@uib.no.  

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.   

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering. 

Universitetet i Bergen nyttar meirinnsyn ved tilsetjing i vitskaplege stillingar.   

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.  

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.    

Nærare om tilsettingsprosessen her. 

 Søk på stillingen

 Spørsmål om stillinga

• Nele Meckler (Professor), +47 55583530, nele.meckler@uib.no