Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelinger. Les meir om eiendomsavdelinga her.
Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Bygg - prosjektleiar med ansvar for store og komplekse universitetsbygg
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad. Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelingar.
Eigedomsavdelinga sitt oppdrag er å levere gode bygg og bidra til UiB når sine mål. Vi har ansvar for forvaltning, drift og vedlikehald av universitetet sin samla bygningsmasse, som omfattar rundt 95 bygningar med i alt 390.000 m2. Avdelinga har omlag 100 tilsette og er organisert i seksjonane Drift, Prosjekt, Fagstøtte og Stab og Større satsingar.
Avdelinga forvaltar eit årleg budsjett til drift og investering på omlag 950 mill., større satsingar kjem i tillegg. Bygningsmassen er hovudsakleg lokalisert til Nygårdshøyden og Årstad/Haukeland og varierer frå verneverdige bygningar og kontoriserte bygardar, til moderne undervisningsbygg og avanserte laboratoriebygg.
Prosjektseksjonen ved Eigedomsavdelinga styrkjer laget for gjennomføring av strategiske byggeprosjekt og har no ledig stilling som prosjektleiar.
Om stillingaProsjektseksjonen i Eigedomsavdelinga ved Universitetet i Bergen har ansvar for planlegging og gjennomføring av universitetet sine bygge- og utviklingsprosjekt, og legg gjennom dette til rette for universitetet si kjerneverksemd innan forsking, utdanning og formidling.
Universitetet går inn i ein periode med høg aktivitet, med fleire større og strategisk viktige statlege byggeprosjekt. Blant dei største satsingane er rehabilitering og nybygg på Realfaghøyden, nytt bygg for Griegakademiet, samlokalisering av Det humanistiske fakultetet og rehabilitering av Kulturhistorisk museum.
Arbeidsoppgåver:
Som prosjektleiar i Prosjektseksjonen opptrer du som byggherrerepresentant på vegner av universitetet, og har ei sentral rolle i styring av universitetet sine større byggeprosjekt. Prosjekta er komplekse og omfattar både kulturhistoriske og moderne bygg, med høge krav til kvalitet, koordinering og samspel mellom ulike aktørar.
Arbeidsoppgaver omfattar blant anna å:
Ivareta UiB si rolle som prosjekteigar og byggherreinteressent i byggeprosjekt
Ha overordna ansvar for mål, rammer, kvalitet, framdrift og økonomi
Leie og følgje opp arbeid i tidleg fase, inkludert konseptutvikling, konseptval og utarbeiding av beslutningsgrunnlag
Sikre god samordning mellom faglege behov, funksjonskrav, økonomiske rammer og statlege føringar
Vere UiB sitt primære kontaktpunkt mot universitetsleiinga, fakultet, Statsbygg, departement og andre sentrale aktørar i prosjekta
Etablere og følgje opp styringsstruktur, rapportering, beslutningsprosessar og tydeleg rolleavklaring mellom involverte partar
Leggje til rette for god og strukturert involvering av brukarmiljø innan forsking, undervisning og administrasjon
Kvalifikasjonar og eigenskapar:
Søkjaren vi ser etter må ha følgjande kvalifikasjonar:
Utdanning på bachelor- eller masternivå innan byggfag eller annan tilsvarande utdanning. Lang dokumentert relevant erfaring kan kompensere for manglande formell utdanning
Relevant bakgrunn innan bygg, tekniske fag, prosjektleiing eller tilsvarande
Vi legg særleg vekt på at du:
Har erfaring med leiing av store og komplekse byggeprosjekt, gjerne frå offentleg verksemd eller større organisasjonar
Har god forståing for samspel mellom verksemdsbehov, funksjonskrav, økonomi og statlege rammevilkår
Kommuniserer klart og profesjonelt med brukarar, fagmiljø og samarbeidspartnarar
Evnar å skape struktur, oversikt og framdrift i komplekse prosjekt
Tek initiativ, følgjer opp saker og arbeider sjølvstendig
Trivst med samarbeid og bidreg positivt i arbeidsmiljøet
God skriftleg og munnleg framstillingsevne på norsk er ein føresetnad.
Det er ein fordel om du har:
Erfaring med bruk av digitale verktøy i prosjektarbeid
Erfaring frå prosjekt knytt til kulturhistoriske eller verna bygg
Kjennskap til offentleg regelverk, mellom anna offentlege anskaffingar
Erfaring med kontrakts- og prosjektstyring i bygge- og rehabiliteringsprosjekt
Interesse for universell utforming og berekraftige løysingar
Personleg eignaheit vil bli vektlagt.
Vi tilbyr:
Ei fagleg interessant prosjektleiarrolle med stor variasjon i oppgåver
Prosjekt av ulik storleik og kompleksitet, tett på universitetet si verksemd
Eit erfarent og tverrfagleg prosjektmiljø
Gode moglegheiter for fagleg utvikling
Stillingskode som overingeniør/senioringeniør (kode 1087/1181), avlønning kr 850 000 – 950 000 etter kvalifikasjonar. For spesielt kvalifiserte søkjarar kan det vurderast høgare løn.
Her kan du lese meir om kva UiB kan tilby:http://www.uib.no/poa/karriere-ved-uib/
Her kan du lese om Eigedomsavdelinga som arbeidsplass:https://www.uib.no/eia/96627/eiendomsavdelingen-som-arbeidsplass
Generell informasjon:
Utfyllande opplysningar om stillinga kan ein få ved å vende seg til: Gruppeleiar bygg Rune Hovland, tlf. 952 97 845.
Vil du bli betre kjent med oss, er du velkomen til å ta kontakt for ei omvising.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
UiB er underlagt regelverket for eksportkontroll, og dette regelverket kan bli relevant ved behandling av søknader til stillinga.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.
