Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
Administrasjonskonsulent (førstekonsulent)
Ved Geofysisk institutt, Universitetet i Bergen, er det ledig eit elleve månader vikariat som administrasjonskonsulent frå 1. mai 2026. Vi søkjer deg som er positiv, nysgjerrig, driftig og strukturert til denne særs viktige funksjonen i vårt sterke administrasjonslag. Du vil få eit stort spenn av oppgåver innan drift og leiarstøtte, og du får jobbe i eit dynamisk og internasjonalt miljø med topp kompetente forskarar og undervisarar.
Geofysisk institutt er sentral i universitetet sine satsingsområde klima og energiomstilling, og driv undervisning og forsking innan biogeokjemi, fornybar energi, fysisk oseanografi, klimadynamikk og meteorologi. Instituttet har ein omfattande forskingsaktivitet i ein betydeleg prosjektportefølje og gode utdanningsprogram innan meteorologi/oseanografi og fornybar energi.
Instituttadministrasjonen har åtte tilsette som yter administrativ støtte til fagmiljøa innan områda studieadministrasjon inkl. forskarutdanning, forskingskoordinering, forskingsadministrasjon, informasjonstenester, samt personal- og økonomiforvaltning. Administrasjonen si målsetjing er å leggje forholda best mogleg til rette slik at dei vitskapleg tilsette kan drive forsking, utdanning og formidling av høg kvalitet.
Administrasjonskonsulenten skal rapportere til administrasjonssjefen som er næraste overordna.
Arbeidsoppgåver:
Du vil få varierte arbeidsoppgåver innan administrative tenester knytt til instituttets ekspedisjon. Døme på oppgåver er:
Fagrekvirent - innkjøp/bestilling av varer og tenester
Areal- og kontorforvalting, og rolle som byggansvarleg brann
Informasjonsarbeid, til dømes nettsider, internt nyheitsbrev og annan interninformasjon pr e-post og Teams
Sakshandsaming knytt til mottak av utanlandske gjesteforskarar
Arrangementstøtte, til dømes instituttseminar, disputasar og skulebesøk
Lokal koordinator for årleg val av instituttråd
Generelle administrative oppgåver som handtering av post, varemottak, tilgangsstyring, nøklar og rombestilling
Stillinga sitt innhald kan verte endra som følgje av eininga sitt kontinuerlege utviklingsarbeid.
Kvalifikasjonar og eigenskapar:
Du må ha:
Utdanning på bachelornivå eller fagbrev i kontorfaget eller tilsvarande utdanning. Alternativt tilsvarande kvalifikasjonar som du har oppnådd gjennom lang og allsidig praksis saman med relevant etter- og vidareutdanning
God skriftleg framstillingsevne på båe målføre i tillegg til engelsk skriftleg og munnleg
Brei erfaring i bruk av Microsoft Office-programvare og generelt god system/IT-kompetanse
Det vil vere en føremon om du også har:
Erfaring frå koordineringsarbeid
Kjennskap til administrering av nettsider
Relevant praksis frå universitets- eller høgskulesektoren
Kjennskap til datasystema som er i bruk ved UiB
Personlege eigenskapar vil bli sterkt vektlagt. Døme på slike er:
Du er serviceinnstilt og omgjengeleg
Du er effektiv og strukturert
Du har evne til å arbeide sjølvstendig og vere ansvarsmedviten
Du trivst med å handtere mange og ulike oppgåver i eit dynamisk og internasjonalt miljø
Du er omstillingsdyktig og initiativrik
Du er ivrig etter og motivert for å bli vår nye kollega
Vi oppmodar alle interesserte om å søke!
Vi tilbyr:
Eit godt og fagleg utfordrande arbeidsmiljø
Stilling som førstekonsulent (kode 1408)
Løn kr 550 000 – 580 000 per år før skatt, avhengig av tenesteansiennitet og kvalifikasjonar. For særleg kvalifiserte søkjarar kan det verte aktuelt å vurdere høgare løn
For HR-relaterte spørsmål ta kontakt med Asbjørn Rønningstad Sæther, Asbjorn.Sather@uib.no.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane om moderat kjønnskvotering.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
