Stilling:
Seniorkonsulent (eksamenskonsulent) ved Det psykologiske fakultet
Søknadsfrist 29. august 2018
OBS: Utvidet frist
Ved Det psykologiske fakultet er det ledig ei fast stilling (100 %) som seniorkonsulent.
Det psykologiske fakultet har for tida kring 1800 studentar fordelt på 16 studieprogram på bachelor-, profesjons- og masternivå. I tillegg kjem om lag 120 studentar på doktorgradsnivå. Stillinga er i dag knytt til studieseksjonen ved fakultetssekretariatet og har arbeidsplass i Christies gate 13, men kan framover vere ein ekstra ressurs for studieadministrativt arbeid plassert ved institutta.
Studieseksjonen har overordna administrativt ansvar for å koordinere, kvalitetssikre og utvikle fakultetet sine studieprogram på bachelor-, profesjons- og masternivå. I dette inngår mellom anna eksamens- og kvalifikasjonsarbeid, informasjonsarbeid, studierettleiing, bruk av IT-baserte studieadministrative verktøy og studentrekruttering.
Arbeidsoppgåver:
Stillinga inngår i eksamensgruppa, og har oppgåver knytt til administrasjon og avvikling av eksamen. Dette vil mellom anna innebere å:
- utarbeide eksamensplan for dei ulike eksamenane.
- førebuing og gjennomføring av digital eksamen inkludert hente inn eksamensoppgåver og vurderingsprotokollar, registrere sensur.
- klagehandsaming og anna sakshandsaming knytt til eksamen.
- Stillinga har superbrukarrolle i studieadministrative IKT-system.
- Seniorkonsulenten er òg fakultetet sin kontaktperson for studentar som treng tilrettelegging av studia.
- Stillinga kan i tillegg ha oppgåver knytt til vitnemål og avslutningsmarkeringane, opptak og andre studiearrangement.
- Den som vert tilsett vil gå inn i bemanninga av Informasjonssenteret ved fakultetet.
Fakultetet er i ein omstillingsprosess, og stillinga kan derfor verte tillagt andre arbeidsoppgåver og eventuelt annan arbeidsstad.
Universitetet i Bergen er inne i digitaliseringsprosess som påverkar arbeidsfeltet og som seniorkonsulent må ein derfor pårekne ein del utviklingsoppgåver i tillegg til dei faste oppgåvene. Arbeidet som seniorkonsulent vil krevje eit aktivt samarbeid med andre avdelingar og einingar ved Universitetet i Bergen.
Kvalifikasjonar og eigenskapar:
- søkjar må ha utdanning på mastergradsnivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning
- relevant praksis er eit krav
- kjennskap og praksis frå universitets- eller høgskulesystemet vil bli vektlagt
- røynsle frå studieadministrasjon og eksamensarbeid er ein føremon
- den som vert tilsett må kunne nytte begge målformer, og kunne uttrykkje seg godt skriftleg og munnleg på engelsk
- arbeide sjølvstendig og målretta
- ha god IKT-forståing
- ha gode kommunikasjons- og samarbeidsevner
- vere fleksibel og serviceinnstilt
- personlege eigenskapar som er naudsynte for stillinga vil bli vektlagt
Vi kan tilby:
- eit godt og fagleg utfordrande arbeidsmiljø, med gode moglegheiter for utvikling og kompetanseheving
- stilling som seniorkonsulent (kode 1363) i lønssteg 51-56 (kode 1363/LR21), etter hovudtariffavtalane i staten, avhengig av ansiennitet og kvalifikasjonar. Dette utgjer for tida 449 000 – 488 100. For særleg kvalifiserte kandidatar kan fakultetet vurdere høgare løn.
- medlemsskap i Statens pensjonskasse
- stilling i ei inkluderande arbeidslivsverksemd (IA-verksemd)
- gode velferdsordningar
Slik kan du søkja
Søknad med CV og relevante vedlegg, som attestar og vitnemål må lastas opp i JobbNorge ved å klikke på «Søk stillinga». Søknadar som vert sende på e-post, og søknadar utan vedlegg vert ikkje vurdert.
Vi gjer merksam på at søknader vert vurderte med den informasjonen som ligg føre i JobbNorge når søknadsfristen går ut. Det er søkjar sitt ansvar å sørgje for at all informasjonen er lagt inn innan fristen.
Søknadsfrist: 29.08.2018
Søknaden skal merkast: 18/8504
Generell informasjon:
Utfyllande opplysningar om stillinga kan ein få ved å vende seg til fakultetssekretariatet ved:
- gruppeleiar for eksamen Ingunn Voster, tlf. 55 58 25 26, e-post: ingunn.voster@psyfa.uib.no
- seksjonssjef Frode Randal, tlf. 55 58 91 90, e-post: frode.randal@psyfa.uib.no
Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å få ei balansert alders- og kjønnssamansetjing. Personar med innvandrarbakgrunn og personar med nedsett funksjonsevne vert oppmoda om å søkje stillinga.
Opplysingar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.