Førstelektor/universitetslektor i medievitskap - vikariat

Ved Institutt for informasjons- og medievitskap, Universitetet i Bergen, er det ledig to vikariat som førstelektor/universitetslektor i medievitskap frå 01.01.19 til 31.12.19.

Instituttet tilbyr bachelor- og masterprogram i medievitskap og i informasjonsvitskap, tre produksjonsorienterte bachelorprogram innan journalistikk, medie- og interaksjonsdesign og TV-produksjon, og deltar i tillegg i dei tverrfakultære programma IKT, Kognitiv vitskap, og Retorikk.

For meir informasjon om instituttet, forskingsaktivitetar og utdanningstilbod viser vi til www.uib.no/infomedia.

Arbeidsoppgåver

Stillingane er i hovudsak tillagt undervisning og innretta mot områda medienes institusjonar, kommunikasjon og journalistikk med følgjande hovudoppgåver:

• Emneansvar og undervisning i følgende emner:
• MEVI111 An Introduction to the Norwegian Media System in a Global Context
• MEVI221 Medieinstitusjonar: Marknad og demokrati
• MEVI390 Arbeidslivspraksis for mediestudentar (nytt emne)
• MEVI203 Medieretorikk
• MEVI224 Medieteknologi og samfunn
• Bidrag på TV-produksjon og journalistikk i MCB
• Arbeid med Etter- og videreutdanningstilbud i retorikk
• Rettleiingsoppgåver både på bachelor- og masternivå

Det kan også vere aktuelt med undervisning på andre emne. Den som vert tilsett vil også få avsett om lag 25 % av arbeidstida til FOU-arbeid (forskings- og utviklingsarbeid).

Kvalifikasjonar og eigenskapar

Den som vert tilsett må:

• ha doktorgrad innan medievitskap eller tilsvarande kompetanse.
• ha relevant forskingskompetanse utover doktorgrad
• ha undervisningserfaring frå lavere grads emner i medievitskap
• kunne undervise både på norsk og engelsk
• ha evne til å arbeide sjølvstendig, strukturert og ha gode samarbeidsevner
• ha pedagogisk basisutdanning. Den som blir tilsett vil få tilbod om opplæring dersom kravet ikkje er oppfylt før tilsetjing.

Dersom vi ikkje får kvalifiserte søkarar med doktorgrad vil det vere aktuelt med tilsetjing som universitetslektor. Kravet for universitetslektor er mastergrad i medievitskap eller tilsvarande kompetanse, samt relevant forskingskompetanse utover mastergrad.

Vi kan tilby

• Godt fagleg og sosialt miljø med høg kvalitet på forsking og utdanning
• Årsløn for førstelektor er 59- 65 (kode 1198/LR24 i statens regulativ) tilsvarande NOK 515 200 – 576 100. Årsløn for universitetslektor er 52- 60 (kode 1009/LR25 i statens regulativ) tilsvarande NOK 456 900– 524 200. For spesielt godt kvalifiserte søkjarar kan høgare løn vurderas.
• Gode trenings- og velferdstilbod
• Gode pensjons- og forsikringsordningar

Søknaden skal innehalde:

• Følgjebrev
• CV (fullstendig oversikt over utdanning, praksis og faglig arbeid)
• Godkjente kopiar av vitnemål, attester og pedagogiske kvalifikasjonar
• Fullstendig publikasjonsliste
• Inntil fem vitskapelege arbeid du vil det skal takast omsyn til ved vurderinga, inklusiv eventuell doktoravhandling.

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

På bakgrunn av desse opplysningane vil den sakkyndige komiteen gjere ein gjennomgang av søkjarane. Tilsetjing går føre seg på grunnlag av innstilling av ei vitskapeleg nemnd samt ei sjølvstendig vurdering av tilsetjande organ inkludert intervju og prøving av undervisningskompetanse.

Søknaden skal merkast: 18/12075

Søknadsfrist er 4. november 2018

Søknader som vert sendt på e-post vil ikkje verte vurderte.

Til informasjon

Utfyllande opplysningar om stillinga kan ein få ved å vende seg til instituttleiar, professor Leif Ove Larsen, tlf. 55 58 41 16, e-post: leif.larsen@uib.no.

Praktiske spørsmål kring søknadsprosessen kan rettast til seniorkonsulent Bodil Hægland, e-post: bodil.hagland@uib.no.

Kvinner vert spesielt oppmoda om å søkje. Dersom dei sakkunnige finn at fleire søkjarar har tilnærma like kvalifikasjonar, vil reglane om kjønnskvotering i Personalreglementet for vitskaplege stillingar verte følgde.

Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å få ei balansert alders- og kjønnssamansetjing og rekruttere personar med innvandrarbakgrunn. Personar med innvandrarbakgrunn vert oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette. Universitetet i Bergen nyttar prinsippet om meir offentleg innsyn ved tilsetjing i vitskaplege stillingar. Den som vert tilsett må rette seg etter dei retningslinene som til kvar tid gjeld for stillinga.

Søk på stillingen