Stipendiatstilling i kunstnarleg utviklingsarbeid ved Institutt for design
Søknadsfrist: 11.02.2024
Publisert
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Stipendiat
Ved Institutt for design er det ledig ei stilling som stipendiat (100 %) innan fagområdet møbel- og objektdesign. Stillinga er for ein åremålsperiode på fire år, med ønska oppstart 01.08.2024.
Om prosjektet/arbeidsoppgåver:
Vi søker etter forslag til kunstnarleg utviklingsarbeid der designpraksis er sentralt for å undersøke våre komplekse forbindelsar med omverda. Vi ser etter kandidatar som er dyktige utøvarar innan designområda møbeldesign, objektdesign eller interiørarkitektur, og som kan utføre forsking gjennom design.
Institutt for design prioriterer forskingsprosjekt som kan bidra til berekraftig utvikling, menneske- og miljøvenlege strukturar og materialar og humanistisk og etisk kommunikasjon, og som er knytt til eit av tre prioriterte forskingsområda ved instituttet:
Sosial nytenking
Økologisk handlekraft
Teknologi og materialitet
Kunstnarleg utviklingsarbeid ved Institutt for design skal vere reflekterande, prosessdriven og kritisk. På den måten vil vi generere ny kunnskap som svarar på dagsaktuelle utfordringar og behov innanfor ulike kulturelle, sosiale og politiske kontekstar. Vi ser etter ph.d.-kandidatar som vil tøye grenser og slik utfordre etablerte førestillingar om kva design kan vere og gjere.
Ved Institutt for design vil kandidaten få tilbod om å bli knytt til eit av instituttet sine tre prioriterte forskingsområde saman med kollegaer frå eit breitt fleirfagleg designfelt.
Søknader vil verte vurdert i lys av kriteria i programbeskrivinga ved ph.d. programmet, kandidaten si kunstnarlege verksemd og forskingskompetansen ved instituttet. Søkjarane blir bedne om å orientere seg om profilen i ph.d.-programmet i kunstnarleg utviklingsarbeid ved fakultetet i utforminga av prosjektet. Meir info her
Prosjektskildringa:
Prosjektskildringa skal plassere prosjektet i eit fag/forskingsfelt, og framstille tema, problemstillingar, kontekst, metode, og plan for formidling av resultat. Prosjektskildringa skal godtgjere prosjektet si plassering i og relevans for fagmiljøet ved institusjonen, og gjere greie for særlege behov for faglege og materielle ressursar, samt eventuelle rettslege og etiske problemstillingar. Du må opplyse om potensielle samarbeidsinstitusjonar og -partnarar. Vi ber òg om ein separat framdriftsplan for ulike delar av arbeidet. Sjå Programbeskrivinga pkt. 2.1 for ytterlegare informasjon.
Kvalifikasjonar og eigenskapar:
Søkjarar må normalt ha mastergrad i design eller tilsvarande utdanning. Graden må vere fullført innan søknadsfrist
Søkjarar må ha erfaring med kunstnarleg/designfagleg praksis på høgt nivå
Søkjarar må kunne arbeide sjølvstendig og strukturert og ha gode samarbeidsevner
Søkjarar må ha gode skriftlege og munnlege engelskkunnskapar
Personlege og mellommenneskelege eigenskapar vil bli lagt vekt på. Ambisjonar og potensial vil også telle ved vurdering av kandidatane.
For stillinga gjeldt følgande:
Om du tidlegare har vore tilsett i stipendiatstilling, kan det bli gjort frådrag i tilsetjingsperioden.
Om forskarutdanninga:
Som stipendiat skal du delta i fakultetets ph.d.-program i kunstnarleg utviklingsarbeid. Opptak til doktorgradsprogrammet i kunstnarleg utviklingsarbeid er eit vilkår for tiltreding i stilling som stipendiat. Endeleg plan for gjennomføringa av forskarutdanninga skal vere godkjent av fakultetet innan tre månader etter at du har teke til i stillinga.
Kandidaten skal gjennomføre obligatorisk fellesfagleg opplæringsdel i Nasjonal forskarskule i kunstnarleg utviklingsarbeid.
Pliktarbeidet utgjer 25 % av stillinga, og strukturerast som ein integrert del av den samla tilsetjingsperioden på 4 år.
Fakultetet vil stille krav om residensplikt.
Vi tilbyr:
Spennande og utviklande arbeidsoppgåver i et sterkt fagmiljø
Stilling som stipendiat (kode 1017) i årsløn kr 532 200 brutto. Det vert trekt 2 % pensjonsinnskot til Statens pensjonskasse. Vidare opprykk skjer etter tenesteansiennitet.
Dokumentasjon av relevant kunstnarleg/design verksemd
Dokumentasjon av formell fagleg kompetanse. Dette inkluderer dokumentasjon på fullført BA OG MA med vitnemål, karakterutskrift
For utdanning i utlandet skal det leggjast ved Diploma Supplement (der det finns) samt autorisert omsetting dersom språket er eit anna enn nordisk/engelsk og Diploma Supplement manglar. Søkjar må i tillegg leggje ved NOKUT si generelle godkjenning av at utdanninga samsvarer med norsk mastergrad. Sjå Utdanning fra utlandet | HK-dir (hkdir.no) for meir informasjon om generell godkjenning av høgare utdanning.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
