Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Stipendiat
Vi ønsker deg velkomen som søkar til ei ledig ei stilling som stipendiat innan kognitiv psykologi, psykofysiologi og menneske-maskin-interaksjon ved Institutt for samfunnspsykologi. Stillinga er ei åremålsstilling på tre år, med moglegheit for eit fjerde år med karrierefremjande arbeid (til dømes undervisningsoppgåver ved instituttet). Planlagt oppstart er januar/februar 2027, og stillinga er finansiert av Universitetet i Bergen.
Om prosjektet/arbeidsoppgåver:
Stillinga er knytt til forskingsprosjektet Technology-Enhanced Cognitive Resilience Toolkit for Disinformation Detection, Vulnerability Profiling, and Digital User Empowerment (infoSHIELD), eit femårig prosjekt finansiert av Noregs forskingsråd.
infoSHIELD undersøkjer psykologisk sårbarheit for feilinformasjon og desinformasjon knytt til nye teknologiar, med særleg merksemd på KI-generert innhald.
Prosjektet kombinerer psykologisk kartlegging, åtferdseksperiment og psykofysiologiske metodar for å undersøkje dei kognitive og affektive prosessane som er involverte når ein vurderer misvisande informasjon.
Stipendiaten skal planleggje og gjennomføre eksperimentelle studiar ved hjelp av åtferdsbaserte og psykofysiologiske metodar, mellom anna EEG, hudkonduktans eller liknande målingar.
Arbeidsoppgåvene omfattar rekruttering av deltakarar, datainnsamling, førebehandling av data, statistiske analysar, tolking av resultat og formidling av forsking.
Stipendiaten skal utarbeide vitskaplege publikasjonar, vitskaplege rapportar og fullføre ei doktorgradsavhandling innanfor ramma av infoSHIELD.
Stipendiaten vil samarbeide med prosjektet sine tverrfaglege og internasjonale forskingspartnarar og delta på relevante prosjektmøte og forskingsaktivitetar.
Arbeidsstad er Bergen. Regelmessig fysisk tilstadevering er nødvendig for laboratoriearbeid, testing av deltakarar og samarbeid med den lokale forskingsgruppa.
Stipendiaten bør ha eit internasjonalt perspektiv og bidra til å etablere og vedlikehalde vitskaplege samarbeid med internasjonale forskingspartnarar. Dette inkluderer kortare opphald ved laboratoria til prosjektpartnarane og eventuelt lengre forskingsopphald.
Kvalifikasjonar og eigenskapar:
Du må:
ha mastergrad eller tilsvarande innan psykologi, menneske-maskin-interaksjon, kognitiv vitskap, kognitiv nevrovitskap eller eit anna relevant fagområde innan søknadsfristen
normalt ha oppnådd karakter tilsvarande B eller betre på masteroppgåva etter norsk karakterskala. Søkjarar som ikkje oppfyller dette kravet, kan likevel bli vurderte dersom dette er tillate etter opptaksreglane ved fakultetet, og dersom dei kan dokumentere særleg vitskapleg prestasjon eller forskingspotensial gjennom fagfellevurderte publikasjonar, konferansebidrag, patent eller relevant forskingserfaring
oppfylle krava for opptak til ph.d.-programmet ved Det psykologiske fakultet, Universitetet i Bergen
ha relevant opplæring eller erfaring innan kvantitative forskingsmetodar, eksperimentell design og statistisk analyse
kunne dokumentere sterk vitskapleg motivasjon og interesse for menneske-KI-interaksjon, kognitiv psykologi eller relaterte tema
kunne arbeide sjølvstendig og systematisk, samstundes som du bidreg godt i samarbeidsbasert forsking
ha svært gode ferdigheiter i skriftleg og munnleg engelsk
ha gode kunnskapar i norsk eller eit anna skandinavisk språk
vere villig til å flytte til Bergen og ha regelmessig fysisk tilstadevering for laboratoriearbeid og prosjektaktivitetar, dersom du ikkje bur i Bergensområdet
vere villig til å gjennomføre forskingsopphald hos prosjektpartnarar i utlandet
Det er ein fordel om du:
har relevant erfaring innan menneske-maskin-interaksjon, menneske-KI-interaksjon, forsking på feilinformasjon eller eksperimentell psykologi gjennom masteroppgåve, forskingsstilling, praksis eller arbeid utanfor akademia
har erfaring med å planleggje og gjennomføre laboratoriebaserte eller nettbaserte åtferdseksperiment
har erfaring med innsamling eller analyse av psykofysiologiske data, som EEG-data eller hudleidningsevnedata
har programmerings- og analysekompetanse i programvare som R, Python eller MATLAB
har erfaring med eksperimentprogramvare som PsychoPy, Psychtoolbox eller PsyToolkit
har erfaring med utvikling eller validering av psykologiske måleinstrument
har nytta opne og reproduserbare forskingspraksisar, inkludert preregistrering, transparent datahandtering eller reproduserbare analyseprosessar
har bidrege til vitskaplege publikasjonar, konferansepublikasjonar eller forskingspresentasjonar
har erfaring frå tverrfaglege eller internasjonale forskingsmiljø
Personlege eigenskapar, vitskapleg motivasjon og forskingspotensial vil bli tillagt stor vekt i vurderinga.
Universitetet i Bergen er underlagt regelverket for eksportkontroll. Regelverket vil bli lagt til grunn ved behandling av søknadene. Dersom universitetet ikkje har motteke vurdering frå Utanriksdepartementet innan 6-12 veker etter søknad om eksportlisens, vil eventuelt tilbod om tilsetjing bli trekt tilbake.
For stillinga gjeld følgande:
Om stipendiatstillinga Tilsetjingsperioden er tre år, med moglegheit for eit fjerde år som omfattar 25 % karrierefremjande arbeid (til dømes undervisningsoppgåver ved instituttet) fordelt over tilsetjingsperioden. Det fjerde året er avhengig av dine sine kvalifikasjonar og undervisningsbehovet ved instituttet, og blir avgjort av instituttleiaren ved tilsetjing. Du kan ikkje tidlegare ha vore tilsett i ein åremålsperiode som stipendiat ved Universitetet i Bergen.
Om ph.d.-utdanninga Som stipendiat skal du gjennomføre ph.d.-programmet ved Det psykologiske fakultet innan ei tidsramme på 3 år. Ved vurdering av dine kvalifikasjonar til stillinga vil du også bli vurdert for opptak til ph.d.-programmet.
Spennande og utviklande arbeidsoppgåver i et sterkt fagmiljø
Ei brutto årsløn på kr 593 700 (stillingskode 1017) etter statens lønsregulativ. Vidare lønsutvikling skjer etter stillingsansiennitet. Dersom du har spesialistutdanning kan høgare lønn bli vurdert.
Ei kort utgreiing om forskingsinteressene dine og motivasjonen for å søkje stillinga
Ein plan for karriereutvikling (maksimalt éi side) som skildrar motivasjonen for å søkje, forskingsambisjonar, relevant erfaring, forventa bidrag til infoSHIELD-prosjektet, ferdigheiter du ønskjer å utvikle i stipendiatperioden, og korleis stillinga støttar dei langsiktige karrieremåla dine
Namn og kontaktinformasjon til to referansepersonar. Ein av desse må vere hovudrettleiar for masteroppgåva eller tilsvarande oppgåve
CV
Karakterutskrifter og vitnemål frå høgare utdanning
Dersom du har utanlandsk utdanning, må du leggje ved autoriserte omsetjingar til engelsk eller eit skandinavisk språk dersom originaldokumenta ikkje allereie er på eitt av desse språka
Viktig: Dersom du har utanlandsk utdanning, må du også leggje ved stadfesting frå HK-dir om at utdanninga er godkjend som tilsvarande ein norsk mastergrad. Behandlingstida hos HK-dir kan vere lang, og søknad bør sendast så snart du har bestemt deg for å søkje stillinga. Dersom du ikkje har fått svar innan søknadsfristen, må du leggje ved dokumentasjon på at HK-dir har motteke søknaden din. Nokre utdanningar frå utvalde land har automatisk godkjenning. Sjå: Automatic recognition – a quicker alternative | HK-dir (hkdir.no). Dersom utdanninga di er omfatta av ordninga, må du laste ned dokumentasjonen og leggje henne ved søknaden.
Relevante attestar
Liste over vitskaplege arbeid (publikasjonsliste, inkludert konferanse- og workshopbidrag)
Eventuelle andre publiserte arbeid i ditt namn som du ønskjer skal inngå i vurderinga
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Generell informasjon:
Utfyllande opplysningar om stillinga kan ein få ved å vende seg til:
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.
Livet som ph.d.-kandidat ved UiB
Astrid Nybø forteller om livet og arbeidshverdagen som ph.d.-kandidat ved UiB.
...
(Video unable to load from YouTube. Accept cookie and refresh page to watch video, or click here to open video)
