Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Stipendiat
Vi ønskjer deg velkommen som søkjar til ei stilling som stipendiat i samfunnsgeografi og berekraftig utvikling ved Institutt for geografi. Stillinga er for ein åremålsperiode på 4 år, der 25 % av samla tilsetjingstid er karrierefremjande arbeid som skal utførast ved instituttet.
Stillinga er knytt til forskargruppa i Samfunnsgeografi og berekraftig utvikling (SGBU) som i stor grad utforskar samspelet mellom menneske, samfunn og miljø. Vi søkjer ein kandidat med forskingsinteresser som samsvarer med SGBU-gruppa sine profesjonelle fokusområde som inkluderer: klima- og energiomstilling; matproduksjon og matsikkerheit; global utvikling og ulikskap; grøn transformasjon, sirkulær økonomi og industriell utvikling; lokal og regional utvikling, stad og planlegging; politisk økologi, arealbruk og forvaltning av naturressursar. I søknaden og søknadsbrevet bør kandidaten skissere korleis doktorgradsforslaget vil bidra både til samfunnsgeografi generelt og til eitt eller fleire av dei ovannemnde tematiske områda.
Kandidaten blir medlem av SGBU forskargruppa. Karrierefremjande arbeid vil vere mellom anna undervisning på bachelor- og masternivå i instituttets portefølje for samfunnsgeografi og berekraftig utvikling.
Arbeidsplassen for stillinga er i Bergen (det er ikkje mogleg med fjernarbeid).
Kvalifikasjonar og eigenskapar:
Mastergrad eller tilsvarande grad i samfunnsgeografi eller eit nærliggjande fagområde. Graden må vera avlagt innan fristen for søknaden.
Minstekravet for søkjarane skal normalt vere B eller betre, både på masteroppgåva og for mastergraden som heilskap.
Søkjarar må kunne arbeide sjølvstendig og strukturert og ha gode samarbeidsevner.
Søkjarar må ha gode skriftlege og munnlege engelskkunnskapar.
Personlege og mellommenneskelege eigenskapar vil bli vektlagd. Ambisjonar og potensial vil òg telje ved vurdering av kandidatane.
Aktuelle kandidatar vil bli innkalla til intervju.
Undervisningsspråket er til vanleg engelsk, men noko av undervisninga er på norsk (særleg på 100-nivå på bacheloremne).
For stillinga gjeld følgande:
Om stipendiatstillinga (gjeld universitetsstipendiatstillingar):
Samla stipendperiode er 4 år, der 25 % av tida er karrierefremjande arbeid knytt til forsking, undervisning og formidling. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.
Om ph.d.-utdanninga:
Som stipendiat skal du delta i ph.d.-utdanninga ved Det samfunnsvitskaplege fakultet, UiB. Utdanninga har ei normert tidsramme på 3 år, og fører fram til ein ph.d.-grad. For opptak må du ha fullført mastergrad. Omfanget av mastergraden må normalt vere på 120 studiepoeng og bygge på ein bachelorgrad på 180 studiepoeng (normalt 2+3 år), eller ein integrert mastergrad av 300 studiepoeng (5 år). I mastergraden skal det normalt inngå eit sjølvstendig arbeid av eit omfang på minimum 30 studiepoeng. Mastergraden skal normalt vere innan det fagområdet det vert søkt om opptak til.
Vi tilbyr:
Stilling som stipendiat (kode 1017) med årsløn kr. 593 700, - brutto. Automatisk lønsutvikling for opptil 4 år med 3% årleg stiging.
Godt fagleg og sosialt miljø med høg kvalitet på forsking og undervising
Ei kortfatta prosjektskildring på 5-8 sider (inkludert kjeldeliste) skal leggjast ved saman med søknaden. Prosjektskildringa skal gjere greie for tema, problemstilling(ar) og val av teori og metode. Skildringa skal innehalde framdriftsplan for dei ulike delane av forskingsarbeidet. Ved tilsetjing vil prosjektskildringa vere grunnlaget for opptak til ph.d.-utdanninga. Fakultetet har utarbeida ei rettleiing for skriving av prosjektskildringa.
Kandidaten skal levere ein ph.d.-plan innan tre månader etter oppstart i samråd med rettleiarar, og skal reflektere ytterlegare forbetringar av det opphavelege forslaget.
Søknaden skal innehalde:
Ei kort utgreiing om søkjaren sine forskingsinteresser og motivasjon for å søkje stillinga
Namn og kontaktopplysningar til to referansepersonar, ein av desse må vere hovudrettleiaren for masteroppgåva eller tilsvarande oppgåve
Prosjektskildring
CV
Karakterutskrifter og vitnemål for bachelor- og mastergrad
Relevante attestar
Eventuell liste over vitskaplege arbeid (publikasjonsliste)
Eventuelle publikasjonar
Akademiske publikasjonar du ønsker å sende inn til vurdering (inkludert masteroppgåva di eller tilsvarande)
Dersom du har mastergrad frå ein utanlandsk lærestad, eller 2-årig disiplinbasert mastergrad (eller tilsvarande) innan eit anna fagområde enn du vil bli knytt til, kan du verte bede om å sende inn ei oversikt over pensum til den mastergraden du har oppnådd
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Søknadsfrist: 15. oktober 2026.
Søknader utan prosjektskildring eller søknader som vert sende på e-post vil ikkje verte vurderte. Berre vedlagte dokument vil bli lagt til grunn for vurdering.
Generell informasjon:
Nærare opplysningar om stillinga kan ein få ved å vende seg til instituttleiar Rannveig Skoglund, epost: rannveig.skoglund@uib.no
Praktiske spørsmål kring søknadsprosessen kan rettast til HR – rådgjevar Gudrun Horvei, epost: gudrun.horvei@uib.no
Den som vert tilsett vil bli tatt opp i fakultetet si ph.d.-utdanning. Eventuelle spørsmål om ph.d.-utdanninga kan rettast til seniorrådgjevar Elina Troscenko, epost: elina.troscenko@uib.no
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.
Livet som ph.d.-kandidat ved UiB
Astrid Nybø forteller om livet og arbeidshverdagen som ph.d.-kandidat ved UiB.
...
(Video unable to load from YouTube. Accept cookie and refresh page to watch video, or click here to open video)
