Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det psykologiske fakultet består av fem institutter og to senter. Les meir om fakultet og tilhøyrande institutt.

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Stipendiat

Vi ønsker deg velkommen til å søkje på ei stilling som stipendiat innan syntetiske data, med særleg fokus på ansvarleg deling og utveksling av data, ved Centre for the Science of Learning & Technology (SLATE), Det psykologiske fakultet. Stillinga er for ein åremålsperiode på 3 år knytt til KI-senteret AI LEARN og blir finansiert av Norges forskningsråd.

OM AI LEARN og KI-sentera

AI LEARN er eit nytt nasjonalt senter som er dedikert til å styrke menneskeleg læring gjennom ansvarleg, menneskesentrert kunstig intelligens. I ei verd kor KI-system endrar måten vi lærar, arbeider, skapar, leiar og deltek i demokratiet på, tek vårt senter for seg moglegheitene og farane ved hybrid intelligens – menneske og maskinar som arbeider og lærer saman. Vårt mål er å etablere eit internasjonalt leiande tverrfagleg knutepunkt som fremmer grunnleggande forsking, ansvarleg innovasjon, robust styring og brei kapasitetsbygging. AI LEARN er eit konsortium beståande av 35 nasjonale og internasjonale partnarar frå akademia og offentleg og privat sektor.

Seks nasjonale forskingsenter for kunstig intelligens startar opp hausten 2025. Her skal forskarar samarbeide på tvers av fagfelt for å møte utfordringane i samfunnet, forstå korleis KI påverkar oss, utvikle ny teknologi og fremme innovasjon i både næringsliv og offentleg sektor. Sentera er ein del av og finansiert av regjeringa si milliardsatsing på kunstig intelligens dei neste fem åra (regjeringen.no) gjennom Forskningsrådet.

Om prosjektet/arbeidsoppgåver:

Dette doktorgradsstipendet er knytt til den tredje klynga i AI LEARN-senteret, som fokuserer på teknologisk utvikling. Denne klynga består av prosjekt som tek for seg det kritiske behovet for avanserte, menneskesentrerte KI-teknologiar for å forbetre menneskeleg læring. Målet med denne klynga er å undersøke korleis ein kan utvikle avansert, menneskesentrert KI-teknologi for å styrke menneskeleg læring, inkludert å designe, utvikle og evaluere system og modellar for å forbetre læring gjennom KI-teknologi.

Stipendiaten vil bidra til klynga for teknologisk utvikling ved å fremme generering av syntetiske data som eit sentralt arbeid i AI LEARN si forsking på teknologiar for å ivareta personvernet. Arbeidet vil omfatte utvikling, evaluering og validering av metodar for generering av syntetiske data som gjer det mogleg med sikker og påliteleg deling og utveksling av data for læringsapplikasjonar. Stipendiaten vil utforme tilnærmingar som sikrar høg nytte av data, samtidig som risikoen for reidentifisering og personvernlekkasje blir redusert betydeleg. Arbeidet til stipendiaten vil bidra til å skape tillit i offentlegheita til bruk av syntetiske data. Den skal og støtte casestudie for å gi våre industrielle partnarar personvernbeskyttande løysningar for testing og forbetring av lærings- og utdanningsteknologiar, utan å vere avhengig av reelle data. 

I stillinga må du samarbeide med eit team (andre doktorgradskandidatar, postdoktorar og forskarar). Rettleiar for doktorgraden vil vere førsteamanuensis Mohammad Khalil. Ta kontakt med han for meir informasjon om prosjektet. 

Om arbeidsoppgåvene: 

Vi søkjer ein svært motivert person som ønsker å utmerke seg i eit forskingsmiljø. 

Nokre av dei viktigaste oppgåvene og ansvarsområda er følgande:

• gjennomføre ein metagjennomgang av bruken av syntetiske data for ansvarleg datadeling
• utvikle og evaluere modellar for syntetiske data
• validere modellar for syntetisk generering med AI LEARN-partnarar
• skrive forskingsartiklar
• delta på internasjonale konferansar
• organisere formidlings- og kommunikasjonsaktivitetar i AI LEARN
• delta i samarbeidsaktivitetar i AI LEARN

Arbeidsstad er Bergen, Norge.

 Kvalifikasjonar og eigenskapar:

Du må:

• ha ein mastergrad (basert på masteroppgåve) eller tilsvarande innan datavitskap, informasjonssikring, statistikk eller relaterte felt på søknadstidspunktet
• Spesielle krav til stillinga:
  • ha solid programmeringsevne (f.eks. Python, R, GIT)
  • vere kjent med maskinlæring, dataanalyse eller djup læring
  • ha stor interesse for teknologiar som ivareta personvernet
• vere dyktig i både skriftleg og munnleg engelsk
• kunne arbeide sjølvstendig og strukturert, og vise gode samarbeidsevner

Det er en fordel om du har:

• erfaring med generering av syntetiske data, cybersikkehet, differensielt personvern anonymisering og/eller desentraliserte datadelingsmodellar
• erfaring med AI i utdanning eller læringsanalyse

For opptak til doktorgradsprogrammet krevst det normalt karakteren B eller høgre på masteroppgåva. Personlege eigenskapar vil bli vektlagt. Ambisjonar og potensial vil også bli vurdert i vurderinga av kandidatane. 

For stillinga gjeld følgande:

Om stipendiatstillinga: Samla stipendperiode er 3 år. Disse tre årsverka skal vere dedikert til doktorgradsarbeidet. Du kan ikkje tidlegare ha vore tilsett i ein åremålsperiode som stipendiat ved Universitetet i Bergen

Universitetet i Bergen er underlagt forskrift om eksportkontrollsystem. Forskrifta vil bli anvendt ved behandling av søknadene. Dersom universitetet ikkje har mottatt vurderinga fra Utanriksdepartementet innan 6–12 veker etter at det er søkt om eksportlisens, vil eitkvart tilbod om tilsetting bli trekt tilbake.

Om ph.d.-utdanningaSom stipendiat skal du gjennomføre ph.d.-programmet ved Det psykologiske fakultet innan ei tidsramme på 3 år. Ved vurdering av dine kvalifikasjonar til stillinga vil du også bli vurdert for opptak til ph.d.-programmet. 

Meir om ph.d.-utdanninga ved Det psykologiske fakultet finn du her.

Vi tilbyr:

• Spennande og utviklande arbeidsoppgåver i eit sterkt fagmiljø
• Brutto årsløn som stipendiat (kode 1017) kr 568 700. Vidare opprykk skjer etter stillingsansiennitet. Dersom du har spesialistutdanning kan høgare lønn bli vurdert.
• Medlemsskap i Statens pensjonskasse 
• Gode velferdsordningar

Søknaden skal innehalde:

• Ei kort utgreiing om dine forskingsinteresser og motivasjonen for å søkje stillinga.
• Prosjektskisse (3-6 sider inkl. referanse) relevant for beskrive prosjektet. Eksempel på moglege forskingstema inkluderer utvikling av nye teoretiske og empiriske tilnærmingar, for eksempel modellar som forbetrer ansvarleg datadeling og personvern ved hjelp av syntetiske data; utvikling av solide empiriske metodar for deling og utveksling av data ved hjelp av personvernbeskyttande modellar som implementerer syntetiske data; og utvikling av generative KI-modellar for å akselerere datadeling ved hjelp av syntetiske data, agentisk KI og syntetiske data, differensial personvern og føderal læring. Om du treng ytterlegare informasjon, kan du kontakte Mohammad Khalil.
• Stadfesting på at du har vore i kontakt med ph.d.-rettleiaren Dr. Khalil.
• Namn og kontaktinformasjon for tre referansepersonar; ein av disse må være hovudrettleiar for masteroppgåva eller tilsvarande oppgåve.
• Karakterutskrift og vitnemål (høgre utdanning). 
• Lenke til GitHub (eller liknande kodelager) om tilgjengeleg.
• Relevante attestar.
• Ei liste over arbeid av vitskapeleg karakter (publikasjonsliste).
• Eventuelle publikasjonar i ditt namn som du ønsker å inkludere i vurderinga av søknaden din.
• Om du har utanlandsk utdanning, må du legge ved stadfesta oversitjing til engelsk eller skandinavisk om det originale vitnemålet og karakterutskriftene ikkje allereie er på et av disse språka. 
• Viktig: Om du har utanlandsk utdanning, må du også legge ved en stadfesting frå HK-dir på at utdanninga er godkjent som tilsvarande ein norsk mastergrad. Behandlinga av søknaden fra HK-dir kan ta litt tid, og du bør sende søknaden til HK-dir så snart du har bestemt deg for å søke stillinga. Om du ikkje har fått svar innan søknadsfristen, må du legge ved dokumentasjon fra HK-dir på at dei har mottatt søknaden din. Visse utdanningar fra utvalde land har automatisk godkjenning. Sjekk denne nettsida: Automatisk godkjenning – et raskare alternativ | HK-dir (hkdir.no). Om du finn utdanninga di her, må du laste ned den automatiske godkjenninga og legge den ved søknaden din. 

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til:

• førsteamanuensis Mohammad Khalil ved SLATE. mohammad.kahlil@uib.no, tlf: 41 20 92 72 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. 

Nærare om tilsettingsprosessen her.

Søk på stillingen