Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Stipendiat i statsvitskap
Institutt for politikk og forvaltningsøkjar en ph.d.-kandidat i statsvitskap. Stillinga er for ein åremålsperiode på 4 år, kor 25 % av samla tilsetjingstid er karrierefremjande arbeid som skal utførast ved instituttet.
Instituttet har ein statsvitskapleg profil og legg vekt på studiar av offentleg politikk, organisering og administrasjon, demokrati og deltaking, politikkutforming og politiske institusjonar på lokalt, nasjonalt og internasjonalt nivå. Søkjarar blir rådde til å orientere seg om undervisningstilbodet og forskingsprofilen ved instituttet.
Kvalifikasjonar og eigenskapar:
Mastergrad i statsvitskap, offentleg forvaltning, eller tilsvarande. Graden må vere avlagt innan fristen for søknaden. Masterstudentar kan søkje dersom masteroppgåva er levert til vurdering før søknadsfristen. Det er ein føresetnad at mastergraden er oppnådd før tilsetjing kan skje.
Minstekravet for søkjarane skal normalt vere B, eller betre, både på masteroppgåva og for mastergraden som heilskap.
Kunne arbeide sjølvstendig, ha stor arbeidskapasitet og entusiasme for forsking.
Gode kunnskapar i norsk eller eit annet skandinavisk språk vil vere eit føremon.
Søkjaren må ha gode kunnskapar i engelsk skriftleg og munnleg.
Aktuelle kandidatar vil bli innkalla til intervju.
Personlege eigenskapar blir vektlagd ved vurderinga.
For stillinga gjeld følgande:
Om stipendiatstillinga:
Ph.d.-prosjektet er sjølvstendig, men bør vere innanfor eit relevant og aktuelt statsvitskapeleg tema, med ei klar problemstilling og avgrensa forskingsspørsmål. Dersom det er mogleg, indiker gjerne kven du ønskjer som rettleiar ved instituttet.
Samla stipendiatperiode er 4 år, der 25 % av tida er karrierefremmande arbeid knytt til forsking, undervisning og formidling. Om du tidlegare har vore tilsett i rekrutteringsstilling, kan det bli gjort frådrag i tilsetjingsperioden.
Det er forventa at den som tek imot stillinga bur og arbeider i Bergens-området i prosjektperioden og deltar aktivt i felles aktivitetar på instituttet.
Om forskarutdanninga:
Det er ein føresetnad at du fyller krava for opptak til ph.d.- studiet ved Universitetet i Bergen. Som stipendiat skal du delta i ph.d.-utdanninga ved Det samfunnsvitskaplege fakultet, UiB. Utdanninga har ei normert tidsramme på 3 år, og leiar fram til ein ph.d.-grad. For opptak må du ha fullført mastergrad. Omfanget av mastergraden må normalt vere på 120 studiepoeng og bygge på ein bachelorgrad på 180 studiepoeng (normalt 2+3 år), eller ein integrert mastergrad av 300 studiepoeng (5 år). I mastergraden skal det normalt inngå eit sjølvstendig arbeid av eit omfang på minimum 30 studiepoeng. Mastergraden skal normalt vere innan det fagområdet det vert søkt om opptak til.
Vi tilbyr:
Spennande og utviklande arbeidsoppgåver i eit sterkt fagmiljø
Brutto årsløn som stipendiat (st. kode 1017) NOK 568700, - ved tilsetjing. Automatisk lønsutvikling for opptil 4 år med 3% årleg stiging.
Eit kort brev (maks 2 sider) som gjer greie for søkjaren sine forskingsinteresser og motivasjon for å søkje stillinga.
Ei kortfatta prosjektskildring (maks 3000 ord, ekskl. referansar). Prosjektskildringa skal gjere greie for tema, problemstilling(ar) og val av teori og metode. Skildringa skal innehalde framdriftsplan for dei ulike delane av forskingsarbeidet. Ved tilsetjing vil (revidert) prosjektskildring vere grunnlaget for opptak til ph.d.-utdanninga. Fakultetet har utarbeida ei rettleiing for skriving av prosjektskildringa.
Karakterutskrifter og vitnemål for bachelor- og mastergrad, alternativt stadfesting av at mastergradsoppgåva er levert.
CV.
Relevante attestar.
Namn og kontaktopplysningar til to referansepersonar. Ein av desse bør vere hovudrettleiaren frå masteroppgåva eller tilsvarande oppgåve.
Eventuell liste over vitskaplege arbeid (publikasjonsliste).
Eventuelle publikasjonar.
Om du har mastergrad frå utanlandsk lærestad, eller 2-årig disiplinbasert mastergrad (eller tilsvarande) innan eit anna fagområde enn statsvitskap, kan du verte beden om å sende inn ei oversikt over pensum til den mastergraden du har oppnådd.
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Søknader utan prosjektskildring eller søknader som vert sende på e-post vil ikkje verte vurderte. Berre vedlagte dokument vil bli lagt til grunn for vurdering.
Søknadsfrist: 7. juni 2026.
Generell informasjon:
Nærare opplysningar om stillinga kan ein få ved å vende seg til instituttleiar: Anne Lise Fimreite, anne.fimreite@uib.no, tlf. (+47) 55583298.
Praktiske spørsmål kring søknadsprosessen kan rettast til HR – rådgjevar: Gudrun Horvei, gudrun.horvei@uib.no.
Den som vert tilsett vil bli tatt opp i fakultetet siph.d.-utdanning. Eventuelle spørsmål om ph.d.-utdanninga kan rettast til rådgjevar Elina Troscenko,elina.troscenko@uib.no.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.
Livet som ph.d.-kandidat ved UiB
Astrid Nybø forteller om livet og arbeidshverdagen som ph.d.-kandidat ved UiB.
...
(Video unable to load from YouTube. Accept cookie and refresh page to watch video, or click here to open video)
