Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Stipendiat
Det er ledig ei stilling som stipendiat i snøprosesser på kystnære iskapper ved Geofysisk institutt og Bjerknessenteret for klimaforsking, ved Universitetet i Bergen. Stillinga er for ein åremålsperiode på tre år, med høve til et fjerde år som består av karrierefremmande arbeid (til dømes undervisning ved instituttet).
Stillinga er knytt til Senter for fjell i endring (senteret), eit nytt tverrfagleg forskingssenter ved Universitetet i Bergen finansiert av Trond Mohn forskningsstiftelse (TMF) og Universitetet i Bergen.
Om prosjektet/arbeidsoppgåver
Senter for fjell i endring har som mål å forstå og møte konsekvensane av klima- og miljøendringar i fjellområde. Med hovudfokus på dei skandinaviske fjella, samlar senteret klimaforsking, økologi, hydrologi, geovitskap og samfunnsvitskap for å utforske korleis fjellsystem endrar seg – og korleis vi kan byggje motstandskraft for framtida. Fjell er sårbare for globale endringar. Auka temperaturar, smeltande isbrear, endringar i nedbør og snømønster, endra biologisk mangfald og aukande menneskeleg påverknad er i ferd med å forvandle desse landskapa. Senteret har som mål å utvikle banebrytande kunnskap og praktiske løysingar for å verne fjelløkosystem og lokalsamfunn som er avhengige av dei. Gjennom fire samankopla forskingstema – Trendar, Sesongvariasjon, Ekstremhendingar og Motstandskraft – undersøkjer senteret langsiktige miljøendringar, sesongdynamikk, ekstreme hendingar og strategiar for berekraftig forvaltning av fjellområde. Senteret samarbeider tett med interessentar, inkludert nasjonalparkar, lokalsamfunn og næringslivspartnarar, for å sikre at forskinga er relevant, handlingsretta og har verknad. Universitetet i Bergen er vertsinstitusjon for Senter for fjell i endring i samarbeid med NORCE, NMBU og andre nasjonale og internasjonale partnarar.
Ph.d.-prosjektet fokuserer på drivkrefter som påverkar overflate-massebalansen og energibalansen til kystnære iskapper i Noreg, ved å nytte ein kombinasjon av in situ- og fjernmålingsobservasjonar. Ph.d.-kandidaten skal utvikle og gjennomføre ein omfattande feltobservasjonskampanje på Folgefonna, ein kystnær iskappe i Vestland, for å etablere eit datasett for samanlikning av snømodellar innanfor jordssystemmodellar. Dette datasettet vil bli supplert med in situ- og UAV-observasjonar. Ved hjelp av dette datagrunnlaget skal kandidaten kvantifisere kor godt jordssystem- og snømodellane fangar opp sesongmessige og årlege variasjonar i overflate-massebalansen og energibalansen til iskappa, samt identifisere dei viktigaste klimatiske drivkreftene som påverkar framtidig utvikling av kystnære iskapper.
Kvalifikasjonar og eigenskapar
Søkjarar må ha mastergrad eller tilsvarande utdanning innan geofysikk, geofag eller atmosfærevitenskap. Masterstudentar kan søkje dersom dei fullfører siste mastereksamen innan 01.01.2026. Det er eit krav for tilsetjing at mastergraden er oppnådd.
Kandidaten må ha god kunnskap om kryosfæriske prosessar.
Ferdigheiter i vitskapleg programmering og dataanalyse med språk som Python eller MATLAB er eit krav.
Erfaring med feltinstrumentering eller annan dokumentert erfaring med handtering av observasjonsdata er eit krav.
Erfaring frå deltaking i lengre feltarbeid eller laboratoriekampanjar er ein fordel.
Erfaring frå arbeid i kalde område er ein fordel.
Kompetanse i å køyre snømodellar og/eller jordssystemmodellar er ein fordel.
Kompetanse i bruk av mikrokontrollerkort (slik som Arduino) er ein fordel.
Søkjarar må kunne arbeide sjølvstendig og strukturert, og vise gode samarbeidsevner.
Søkjarar må ha gode munnlege og skriftlege ferdigheiter i engelsk.
Personlege og relasjonelle eigenskapar vil bli vektlagde. Forskingserfaring, ambisjonar og potensial vil òg bli vurdert i utveljinga av kandidatar.
Særeigne krav for stillinga
UiB er underlagd regelverket for eksportkontroll og regelverket gjeld ved behandling av søknadar til stillinga.
For stillinga gjeldt følgande
Om stillinga som ph.d.-stipendiat
Samla stipendperiode er 3 år, med høve til eit 4. år som består av karrierefremmande arbeid (til dømes undervisning) fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing.
Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.
Om forskarutdanninga
Som ph.d. stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.
Vi tilbyr:
eit godt og fagleg stimulerande arbeidsmiljø
løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 568 700. Vidare opprykk skjer etter stillingsansiennitet.
ei kort utgreiing om motivasjonen for å søkje stillinga (maks 1 side)
namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve.
CV
karakterutskrifter og vitnemål for bachelor- og mastergrad. Dersom du enno ikkje har fullført mastergraden må du levere ei stadfesting på at mastergradsoppgåva er levert.
For HR-relaterte spørsmål ta kontakt med Maria Svåsand, e-mail: maria.svasand@uib.no
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
