Stipendiat i 3 år ved institutt for global helse og samfunnsmedisin
Søknadsfrist: 20.09.2025
Publisert
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Stipendiat
Ved Det medisinske fakultet, Institutt for global helse og samfunnsmedisin, er det ledig ei stilling som stipendiat (100 %) for ein periode på tre (3) år. Stillinga er knytt til forskingsprosjektet Reproductive Interfaces: Politics, Power and Patient Care in Second Trimester Abortion in a Scandinavian Welfare State, finansiert av Norges Forskningsråd (FRIPRO).
Om prosjektet/arbeidsoppgåver:
Prosjektet undersøker korleis abort i andre trimester blir regulert og praktisert i Noreg og korleis politiske prosessar, verdiar og kjensler påverkar lovgiving og helsetenester i ein skandinavisk velferdsstat.
Stipendiaten vil ta del i forsking i prosjektet si arbeidspakke 1. Der vert den politiske prosessen knytt til revisjonen av den norske abortlova i 2024 utforska. Sentrale tema er korleis politiske aktørar, byråkratar og sivilsamfunnsorganisasjonar forhandlar om verdiar og rettar i utforminga av ny abortlovgiving, med særleg vekt på korleis kjenslemessige uttrykk og moralske argument får gjennomslag i offentleg debatt og politikkutforming.
I prosjektet vert etnografiske metodar kombinerte med dokumentanalyse og intervju. Målet er å utvikle ny kunnskap om korleis abortpolitikk blir forma i praksis – i skjeringspunktet mellom ideologi, rettar og helsepolitikk. Den norske konteksten, med høg tillit til staten og ein velferdsmodell i endring, gir ei unik moglegheit til å studere korleis reproduktiv styring blir utøvd i liberale demokrati.
Prosjektet blir leia av førsteamanuensis Marte E. S. Haaland ved Universitetet i Bergen. Ho vil vere hovudrettleiar for stipendiaten. Saman med to andre stipendiatar i prosjektet, vil stipendiaten inngå i eit aktivt fagmiljø for samfunnsvitskapleg helseforsking og vere del av forskingsgruppa Global helseantropologi ved Institutt for global helse og samfunnsmedisin.
Arbeidsoppgåver:
Utforme og gjennomføre eit doktorgradsprosjekt innanfor ramma av prosjektet om dei politiske prosessane bak vedtaket om ny norsk abortlov i 2024.
Bidra til utvikling av vitskaplege publikasjonar og formidling av forskingsfunn til både akademiske og ikkje-akademiske målgrupper.
Delta aktivt i prosjektgruppa og i forskingsmiljøet ved Institutt for global helse og samfunnsmedisin, inkludert forskargruppa Global helseantropologi.
Kvalifikasjonar og eigenskapar:
Søkjar må ha fullført mastergrad eller tilsvarande innan humaniora eller samfunnsvitskaplege fag som til dømes sosialantropologi, statsvitskap, sosiologi, historie eller tverrfaglege studiar som kjønnsstudiar eller helsefag. Det er òg mogleg å søkje med bakgrunn frå tilgrensande fagområde, dersom ein kan vise til tematisk relevans for prosjektet.
Mastergrad må ha karakter A eller B
Søkjar må ha solid erfaring med kvalitative forskingsmetodar
Erfaringar innanfor tema reproduktiv helse og politikk vil telje positivt
Erfaring med formidling vil telje positivt
Gode skriftlege og munnlege ferdigheiter i norsk (eller eit anna skandinavisk språk) og engelsk er eit krav
Erfaring frå relevante forskingsprosjekt vil telje positivt
Den som vert tilsett må kunne arbeide sjølvstendig og strukturert, og ha gode samarbeidsevner,
Evne og motivasjon til å gjennomføre eit doktorgradsprosjekt
Personlege eigenskapar blir vektlagd ved vurderinga.
Søkjarar med utanlandsk utdanning må leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved Direktoratet for høyere utdanning og kompetanse (HK-dir) si generelle vurdering om utdanninga (bachelor og master) samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Vi gjer merksam på at søknad om vurdering frå HK-dir kan ta tid og søknaden bør sendast så tidleg som mogleg når du veit du vil søkje stillinga. Dersom du ikkje har fått svar innan søknadsfristen, legg du ved dokumentasjon frå HK-dir om at dei har mottatt søknaden din. Merk at den automatiske godkjenningsordninga til HK-dir ikkje er tilstrekkeleg. Søkjarar med nordisk utdanning, eller medisinutdanning frå EØS-området som har fått lisens til å arbeide som lege i Norge er unntatt kravet om HK-dir vurdering, sjå Opptakskrav | Det medisinske fakultet | UiB.
Stilling som stipendiat har fullført forskarutdanning fram til doktorgrad som mål. Stipendiaten skal gå inn i eit godkjent opplegg for ein doktorgrad innafor ei tidsramme på 3 år, utan andre pålagde arbeidsoppgåver ved instituttet. Endeleg plan for gjennomføring av forskarutdanninga skal vere godkjent av fakultetet innan tre månader etter start i stillinga. Opptak i fakultetet sitt ph.d.-program er ein føresetnad for tilsetjing i stillinga.
Stipendiatstilling:
Stipendiatstillinga er ei åremålsstilling. Ingen kan vere tilsett som stipendiat i meir enn ein åremålsperiode ved same institusjon. Du kan heller ikkje tilsetjast i stipendiatstilling dersom du tidlegare har hatt slik tilsetjing ved ein annan institusjon i regionen. Undervisningsspråket er til vanleg norsk.
Vi tilbyr:
Spennande og utviklande arbeidsoppgåver i et sterkt fagmiljø
Løn for tida kr 570 000, - (kode 1017) i lønsregulativet til staten. For søkjarar med minst eitt års tilsetjing i lege- eller tannlegestilling er løn for tida kr 585 000, -. For søkjarar med spesialistutdanning er løna for tida kr 605 000, -
Ei kort utgreiing om søkjaren sine forskingsinteresser og motivasjon for å søkje stillinga
Karakterutskrifter og vitnemål (all høgare utdanning) og relevante attestar
Prosjektskisse (inntil fem sider, litteraturliste ikkje medrekna). Prosjektskissa skal skildre det tenkte vitskaplege prosjektet
Litteraturliste for prosjektskissa
Søkjarar med utanlandsk utdanning (både bachelor og/eller master) må leggje ved sertifisert omsetjing til engelsk eller skandinavisk dersom originalvitnemålet og karakterutskriftene ikkje er på eit av desse språka. Søkjar må i tillegg leggje ved HK-dir si generelle vurdering om utdanninga (bachelor og master) samsvarar med norsk mastergrad. Sjå https://hkdir.no/ for meir informasjon om generell vurdering av høgare utdanning. Har du ikkje fått svar innan søknadsfristen, kan du leggje ved dokumentasjon frå HK-dir om at dei har mottatt søknaden din
Ei fullstendig liste over publikasjonar og eventuelle andre faglege arbeid du vil det skal takast omsyn til
Eventuelle publikasjonar (pdf)
To referansar (namn og kontaktinformasjon)
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Generell informasjon:
Prosjektskildringa til Reproductive Interfaces: Politics, Power and Patient Care in a Norwegian Welfare State, samt nærare opplysingar om stillinga kan ein få ved å kontakte Marte E. S. Haaland, marte.haaland@uib.no, tlf: 41 64 59 69
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
