Seksjonssjef (digitale infrastrukturar og open vitskap)
Søknadsfrist: 08.04.2026
Publisert
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Universitetsbiblioteket (UB) yter tenester til forsking, undervisning, formidling og vitskapleg publisering ved Universitetet i Bergen. UB gjev studentar og vitskapleg tilsette tilgang til kunnskapskjelder, og gjev undervisning og rettleiing som har som mål å heve digital- og informasjonskompetansen. Vidare utviklar og driftar UB digital forskingsinfrastruktur, med særleg vekt på tenester som fremjar open vitskap. Les meir om UB her.
Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Om stillinga:
Ved Universitetsbiblioteket i Bergen er det ledig ei fast 100% stilling som seksjonssjef (kode 1211) for seksjonen for digitale infrastrukturar og open vitskap.
Seksjon for digitale infrastrukturar og open vitskap har ei sentral rolle i å drive og utvikle tenester for forskarar. Seksjonen har dialog og tett samarbeid med fakulteta, sentralavdelingane og eksterne samarbeidspartnarar. Seksjonen har det strategiske ansvaret for UBs arbeid med open vitskap, inkludert forhandlingar om nasjonale forlagsavtalar med publiseringstenester, rådgiving av fagleg leiing i spørsmål om vitskapleg publisering og forskingsdata, samt utvikling og forvaltning av digitale tenester og forskingsinfrastruktur. Seksjonen har ansvar for dei digitale språksamlingane. Språksamlingane er den nasjonale vitskaplege dokumentasjonsressursen for norsk språk. Seksjonen har ansvar for ressursar knytt til norsk språk, namn og fagspråk, og samarbeider tett med fagmiljøa og Språkrådet. Seksjonen sikrar at tenestene følger krav til informasjonssikkerheit, personvern og universell utforming i tett samarbeid med IT-avdelinga.
Seksjonssjefen rapporterer til bibliotekdirektøren og inngår i bibliotekdirektørens leiargruppe. Det vert forventa at seksjonssjefen aktivt bidreg i leiargruppa og tar eit heilskapleg ansvar for universitetsbibliotekets samla oppgåveportefølje.
Universitetsbiblioteket er under omstilling. Seksjonssjefen får ansvar for å byggja opp den nye seksjonen for digitale infrastrukturar og open vitskap med om lag 25 tilsette.
Ansvars- og arbeidsområde:
Leiing og strategisk utvikling av seksjonens arbeid i tråd med Universitetsbibliotekets målsettingar
Økonomi-, drifts- og resultatansvar
Overordna personalansvar for alle tilsette i seksjonen og direkte personalansvar for to gruppeleiarar
Leiing og koordinering av tverrgåande arbeidsprosessar internt og eksternt
Kvalifikasjonar og eigenskapar:
Kvalifikasjonskrav:
Høgare utdanning på minst masternivå. I særskilte tilfelle kan relevant realkompetanse kombinert med relevant etter- og vidareutdanning kompensere for utdanningskravet.
Du må ha gode leiareigenskapar og leiarerfaring med dokumenterbare resultat
Kunnskap om UH sektoren og erfaring med bibliotektenester til forskarar er ein føresetnad
Kunnskap om open vitskap, vitskapeleg publisering, inkludert arbeid med nasjonale forlagsavtalar, forskingsinfrastrukturar og handtering av forskingsdata er ein føresetnad
Kunnskap om dei norske språksamlingane er ein føresetnad
Du må ha dokumenterbar erfaring med strategisk og politisk arbeid med relevans til seksjonens områder
Du må ha god munnleg og skriftleg framstillingsevne på norsk og engelsk
Personlege eigenskapar:
Opptatt av brukarperspektivet i tenesteutvikling
Strategisk, handlekraftig og med høg arbeidskapasitet
Initiativrik, utviklingsorientert og nytenkjande
Gode samarbeids- og kommunikasjonsevner og som også evner å jobbe sjølvstendig
Motiverande og legg til rette for eit godt arbeidsmiljø
Ved vurdering av søkjarane vil det bli lagt stor vekt på dei personlege eigenskapane som er naudsynte for stillinga.
Vi tilbyr:
UB kan tilby eit godt arbeidsmiljø med kunnskapsrike medarbeidarar. Den som vert tilsett vil få ein unik sjanse til å vera med å forma ein spennande organisasjon i tråd med UiB sine faglege og strategiske mål.
Løn som seksjonssjef (kode 1211) i årsløn kr. 870 000 – kr. 900 000 i det statlege lønsregulativet, avhengig av kvalifikasjonar. For særleg kvalifiserte søkjarar kan høgare løn vurderast.
Utfyllande opplysningar om stillinga kan ein få ved å vende seg til bibliotekdirektør Maria-Carme Torras Calvo, telefon 91545139 / 55582501, e-post: maria.carme.torras@uib.no.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen arbeider målbevisst for økt likestilling og vektlegger kjønnsbalanse og mangfold i ledergruppene. Kunnskap om og resultater fra aktivt likestillings- og mangfoldsarbeid tillegges vekt ved rekruttering av ledere.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.
