Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Jurist (rådgjevar)
Er du ein samfunnsengasjert jurist med interesse for høgre utdanning og forvaltningsrett?
Bli ein del av vårt tverrfagleg miljø som jobbar for å utdanne framtidas juristar. Vi tilbyr eit støttande og inkluderande arbeidsmiljø med gode utviklingsmoglegheiter.
Ved Det juridiske fakultet er det ledig ei fast 100 % stilling som jurist (rådgjevar).
Som ein av to juristar i studieseksjonen vil du vere ein nøkkelperson i saksbehandling av studiesaker, førebu saker til klagenemnda, rettleie studentar og bidra i vidareutvikling av regelverk og rutinar.
Studieseksjonen legg til rette for eit godt studieløp for studentane og bidrar til å ivareta fakultetet sitt samfunnsoppdrag. Vi er stolte av studiet fakultetet tilbyr, og masterprogrammet i rettsvitskap har vunne fleire prisar. Som ledd i det kontinuerlege kvalitetsarbeidet implementerte vi ny studieordning i 2021, og prosessen held fram ut vårsemesteret 2026.
Arbeidsoppgåver
Døme på oppgåver:
Fatte enkeltvedtak i ei rekke ulike typar studiesaker
Rettleie studentar og følgje opp studentar med behov for tilrettelegging
Førebu og skrive klagesaker
Gjere utgreiingar sjølvstendig og i team
Skrive saksframstillingar til utval og styret ved fakultetet
Bidra i arbeidet med å stadig utvikle studieordninga for masterprogramma i rettsvitskap
Rettleie kollegaer i deira saksbehandling og gi dei juridisk støtte
I dei daglege oppgåvene inngår tolking av regelverk, utforming av nye reglar, juridisk kvalitetssikring av enkeltsaker samt generell saksbehandling.
Du vil bidra i utvikling av studentane sitt læringsmiljø.I samarbeid med dyktige kollegaer har du ei viktig rolle i arbeidet med å vidareutvikle utdanningsverksemda og å forbetre og effektivisere interne prosessar og rutinar.
Du vil også ha kontakt med juristar og andre som arbeider med studiesaker og tilgrensande rettsområde andre stader ved UiB og nasjonalt.
Alle tilsette i administrasjonen vil, i tillegg til spesifikke funksjonar lagt til kvar stilling, måtte ta del i andre administrative oppgåver.
Kvalifikasjonar og eigenskapar
Master i rettsvitskap
God generell juridisk vurderingsevne og god rettsleg forståing
Relevant erfaring er ein føremon
God skriftleg og munnleg formuleringsevne på norsk (begge målformer) og engelsk
Generelt god IT-kompetanse
Ansvarsbevisst, effektiv, fleksibel og god gjennomføringsevne
Evne til å arbeide sjølvstendig, prioritere mellom oppgåver og trivst med å halde orden på parallelle arbeidsprosessar og mange aktivitetar samstundes
Gode kommunikasjons- og samarbeidsevner
Evne til å motivere både deg sjølv og andre, og bidra til det faglege og sosiale fellesskapet
Relevant praksis og personlege eigenskapar naudsynte for stillinga vil bli særskild vektlagt.
Vi kan tilby
Sjølvstendig ansvar og gode moglegheiter for utvikling
Hyggelege, engasjerte og dyktige kollegaer i eit støttande og inkluderande arbeidsmiljø
Lån-, pensjons- og forsikringsordning i Statens pensjonskasse
Stillingskategori som rådgjevar 1434
Løn kr.584 000 –667 700 per år før skatt avhengig av tenesteansiennitet og kvalifikasjonar. For særleg godt kvalifiserte søkjarar kan ein vurdere høgare løn
Generell informasjon:
Aktuelle kandidatar vil bli kontakta i starten av veke 2, og vi planlegg å gjennomføre førstegangsintervju i løpet av veke 2.
Utfyllande opplysningar om stillinga får du ved å vende deg til:
Assisterande fakultetsdirektør og leiar for studieseksjonen Christine Stoltz Olsvik, tlf. 911 47 401, e-post: christine.olsvik@uib.no
Velkommen som søkjar!
Den som blir tilsett må rette seg etter dei retningslinjene som til ei kvar tid gjeld for stillinga.
Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetjing. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.
Søknad og CV skal sendast elektronisk via lenka ”Søk stillinga”.
Nærare informasjon om tilsettingsprosessen finn du her.
