Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
Postdoktorstilling i klimaendringsøkologi
Ved Institutt for biovitskap er det ledig ei stilling som postdoktor i klimaendringsøkologi.
Det mellomstatlege klimapanelet (IPCC) er i gang med arbeidet med sin sjuande hovudrapport (AR7), og postdoktoren vil fungere som kapittelforskar (Chapter Scientist) og støtte forfattargruppa i arbeidsgruppe II, kapittel 14 «Biodiversitet, økosystem og økosystemtenester på land, i ferskvatn og i kryosfæren». IPCC sine kapittelforskarar arbeider tett saman med forfattarteamet for det aktuelle kapittelet og samarbeider med ei mangfaldig gruppe kapittelforskarar på tvers av IPCC sine arbeidsgrupper for å bidra til utforminga av den neste store globale klimarapporten. Postdoktoren skal drive nyskapande forsking og syntesearbeid om økologiske konsekvensar av klimaendringar, knytt til tema og metodar som er relevante for og støttar IPCC-arbeidet.
Ta initiativ til og gjennomføre leie sjølvstendig forsking av relevans for klimapanelets sjuande synteserapport basert på syntese, metaanalysar, eller framskrivingar av verknader av klimaendringar på biologisk mangfald, økosystem, eller økosystemtenester.
Samarbeide med dei koordinerande hovudforfattarane med å koordinere forfattargruppa i kapittelet, mellom anna gjennom digitale og fysiske forfattarmøte og løpande kommunikasjon.
Støtte vurderingsprosessen, inkludert litteraturgjennomgangar, innarbeiding av kjelder baserte på urfolks- og lokal kunnskap (Indigenous and Local Knowledge), samt oppfølging av fagfellekommentarar og svar.
Samle inn og redigere kapittelinnhald, inkludert handtering av referansar og sikring av at IPCC sine stil- og formateringskrav blir følgde.
Bidra i arbeidet med å utvekle figurar og tabellar, databehandling samt koordinering på tvers av kapittel.
Samhandle med andre kapittelforskarar i IPCC AR7 og ta del i opplæring i relevante ferdigheiter.
Kvalifikasjonar og eigenskapar:
Søkjarar må ha oppnådd ein grad tilsvarande ein norsk doktorgrad (ph.d.) innan biologi, økologi, geografi eller andre relevante fagområde, eller ha levert doktoravhandlinga si til vurdering innan søknadsfristen. Det er ein føresetnad for tilsetjing at doktorgraden er oppnådd før tiltreding.
Dokumentert forskingserfaring frå relevante vitskaplege disiplinar, inkludert klimaendringsøkologi, makroøkologi eller biogeografi, eller økologisk syntese (til dømes metaanalysar eller systematiske oversikter), er eit krav.
Dokumenterte ferdigheiter innan open vitskap og reproduserbar forskingspraksis, inkludert erfaring med til dømes Python eller R, statistiske analysar, automatisering av arbeidsflyt, handtering av store datasett og bruk av Git/GitHub, er eit krav.
Erfaring med publisering i internasjonale vitskaplege tidsskrift er eit krav.
Erfaring med GIS-verktøy, Big Data-plattformer eller dokumentintegrasjonsverktøy er ein fordel.
Erfaring frå deltaking i nasjonale og/eller internasjonale vitskaplege samarbeid er ein fordel.
Erfaring frå forskingsbasert politikkutforming eller anna policy‑retta arbeid er ein fordel.
Søkjarar må kunne arbeide sjølvstendig og strukturert, og samstundes ha gode samarbeidsevner.
Søkjarar må ha svært gode engelskkunnskapar, skriftleg og munnleg.
Kunnskap i fleire språk er ein fordel.
Personlege og mellommenneskelege eigenskapar vil bli lagt vekt på. Forskingserfaring, ambisjonar og potensial vil også telle ved vurdering av kandidatane.
Særeigne krav for stillinga
UiB er underlagd regelverket for eksportkontroll og regelverket gjeld ved behandling av søknadar til stillinga.
Om postdoktorstillinga:
Postdoktorstillinga er ei åremålsstilling og har som hovudmål å kvalifisere den som blir tilsett for arbeid i vitskaplege toppstillingar. Om den som vert tilsett manglar undervisningserfaring og/eller annan kvalifiseringskompetanse, kan det verte aktuelt å auke tilsetjingsperioden til 3 år og 3 månader. Undervisning og anna kvalifiserande arbeid for instituttet vil i så høve bli lagt til som oppgåver i stillinga. Dei ekstra månadene vert finansierte av instituttet. Stillinga vil kunne bli forlenga med inntil eitt år dersom kandidaten får innvilga forskingsopphald i utlandet frå eksterne kjelder (maks fire år totalt). Ingen kan tilsetjast i meir enn éin åremålsperiode som postdoktor ved same institusjon.
Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan.
Det er ein føresetnad at den som blir tilsett gjennomfører prosjektet i løpet av tilsetjingsperioden.
Vi tilbyr:
Spennande og utviklande arbeidsoppgåver i et sterkt fagmiljø
Stilling som postdoktor (kode 1352) i det statlege lønnsregulativet. Dette utgjer for tida ei årsløn på kr 657 000. Vidare opprykk skjer etter stillingsansiennitet. For særleg kvalifiserte søkjarar kan det verte aktuelt å vurdere høgare løn.
ei kort utgreiing om forskingsinteresser, ekspertise, og motivasjonen for å søkje stillinga
ei detaljert grunngjeving av kvalifikasjonane dine i høve til rolla og dei oppførte krava, og korleis du oppfyller kvart kriterium. I tillegg bør du adressere dei nemnde "fordelane", då desse vil bli vurderte ved rangeringa av kandidatane
namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga
CV
karakterutskrifter og vitnemål. Dersom du enno ikkje har fullført doktorgraden må du levere ei stadfesting på at avhandlinga er levert
relevante attestar
liste over vitskaplege arbeid (publikasjonsliste med lenkjer)
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Generell informasjon:
Utfyllande opplysningar om stillinga kan ein få ved å vende seg til Professor Vigdis Vandvik, Institutt for biovitenskap, tlf +47 4730 1794.
For HR-relaterte spørsmål ta kontakt med rådgiver Magnus Skogstad, HR-seksjonen, +47 55583669.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.
