UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Om Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Michael Sars-senteret held til på Marineholmen saman med andre forskingsinstitutt ved universitetet. Senteret er organisert som eit uavhengig forskingssenter plassert innanfor fakultetet for naturvitenskap og teknologi og er partner med European Molecular Biological Laboratory (EMBL) i Heidelberg, Tyskland – Les meir her. 

Postdoktorstilling:

Ved Michael Sars-senteret er det ledig ei stilling som postdoktor i forskingsgruppe leia av prof. Lionel Christiaen. Stillinga er for ein åremålsperiode på 3 år og finansiert av Universitetet i Bergen. Michael Sars-senteret høyrer til Universitetet i Bergen og er partnar med European Molecular Biology Laboratory (EMBL) (www.embl.de). Arbeidsstaden vil vere ved Michael Sars-senteret. Ønskt oppstartstidspunkt er mellom januar og april 2026.

Om prosjektet/arbeidsoppgåver:

Christiaen-laboratoriet nyttar eit breitt spekter av metodar, inkludert molekylære, cellulære og embryologiske teknikkar, kvantitativ biletanalyse, genomikk (inkludert frå enkeltceller), genredigering og berekningsbiologi for å studere utvikling og regenerasjon på systemnivå hos sekkedyr (tunikatar). Tunikatar, særleg slekta Ciona, gir unike moglegheiter til å nytte moderne eksperimentelle og berekningsbaserte metodar for å studere utviklinga hos kordadyr med cellulær oppløysing og i genomisk skala. Spesielt vert det brukt systematisk CRISPR/Cas9-basert mutagenese, høginnhalds biletanalyse, datavitskap og berekningsmodellering for å studere biomolekylære nettverk som styrer spesifikasjon av celleskjebne og cellulære åtferder, som kollektiv migrasjon og orientert asymmetrisk celledeling. Nye forskingsretningar vil nytte kontrollerte kulturforhold, den naturlege variasjonen i tunikatpopulasjonar, enkeltcellegenomikk, kvantitativ biletanalyse, CRISPR/Cas9 og datavitskap for å undersøkje korleis miljøutfordringar påverkar utviklinga av embryo på systemnivå.

Prosjekta vil inkludere tilnærmingar som: (1) Å skaffe referansesekvensar for genom og transkriptom frå lokale artar og populasjonar. (2) Å kartleggje embryonal utvikling som respons på miljøpåverknad ved hjelp av enkeltcellegenomikk. (3) Å bidra til populasjons- og kvantitativ genetikk for å studere genetisk grunnlag for naturlege responsar på miljøpåverknad. (4) Å ta i bruk funksjonell genomikk kombinert med høginnhalds fenotypisk biletanalyse og berekningsmodellering for å byggje førebelse molekylære nettverk. (5) Å nytte optogenetikk og biosensorar for å undersøkje biokjemiske og biofysiske prosessar i celleutvikling med høg romleg og tidsmessig oppløysing.

Vi søkjer kandidatar med interesse for utviklingsbiologi, cellebiologi og/eller systembiologi knytt til dyreutvikling, samt studiar av embryo i naturlege miljø. Den tilsette vil bruke ulike metodar, frå genredigering til enkeltcellegenomikk, populasjonsgenomikk og kvantitativ genetikk. Den tilsette vil arbeide tett saman med gruppeleiar og andre i laboratoriet, med mål om å bidra til vidare utvikling av prosjektet i tråd med eigne interesser.

Kvalifikasjonar og eigenskapar:

• Søkjarar må ha oppnådd ein grad tilsvarande ein norsk doktorgrad (PhD) innanfor utviklingssystembiologi, utviklingsgenetikk og genomikk, eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.
• Dokumentert evne til ambisiøs og kreativ tenking, realistisk gjennomføring og produktiv avslutning av forskingsprosjekt på internasjonalt nivå er eit krav.
• Høg arbeidsmoral, nøyaktigheit og disiplin til å fullføre definerte oppgåver, inkludert detaljert rapportering, er eit krav.
• Sterk motivasjon for å utføre forsking på internasjonalt konkurransenivå er eit krav, og vil bli vurdert basert på tidlegare publikasjonar, samarbeid og finansiering, samt konkurranseevne for nasjonale og internasjonale stipend.
• Bakgrunnskunnskap og tidlegare erfaring innan relevante fagfelt som cellulær og molekylær utviklingsbiologi, genomikk og systembiologi, statistikk og berekningsbiologi er fordelar.
• Tidlegare erfaring med analyse av sekvenseringsdata frå neste generasjons teknologi, inkludert frå enkeltceller, er ein fordel.
• Organisatoriske og kommunikative ferdigheiter er ein fordel.
• Søkjarar må kunne arbeide sjølvstendig, strukturert og ha gode samarbeidsevner.
• Søkjarar må ha gode engelskkunnskapar, skriftleg og munnleg.

Personlege og mellommenneskelege eigenskapar vil bli lagt vekt på. Forskingserfaring, ambisjonar og potensial vil også telle ved vurdering av kandidatane.

Særeigne krav for stillingaUiB er underlagd regelverket for eksportkontroll og regelverket gjeld ved behandling av søknadar til stillinga.

Om postdoktorstillinga:

Postdoktorstillinga er ei åremålsstilling og har som hovudmål å kvalifisere den som blir tilsett for arbeid i vitskaplege toppstillingar. Om den som vert tilsett manglar undervisningserfaring og/eller annan kvalifiseringskompetanse, kan det verte aktuelt å auke tilsetjingsperioden til 3 år og 3 månadar.. Undervisning og anna kvalifiserande arbeid for instituttet vil i så høve bli lagt til som oppgåver i stillinga. Ingen kan tilsetjast i meir enn éin åremålsperiode som postdoktor ved same institusjon.

Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan. Det er ein føresetnad at den som blir tilsett gjennomfører prosjektet i løpet av tilsetjingsperioden.

Vi tilbyr:

• eit godt og fagleg stimulerande arbeidsmiljø
• tilsetjing som postdoktor (kode 1352) i lønsregulativet til staten. Dette utgjer ei årsløn på kr. 657 000. Vidare opprykk skjer etter stillingsansiennitet. For særleg kvalifiserte søkjarar kan det verte aktuelt å vurdere høgare løn.
• Medlemsskap i Statens pensjonskasse
• Gode velferdsordningar

Søknaden skal innehalde:

• ei kort utgreiing om forskingsinteresser og motivasjonen for å søkje stillinga
• ei detaljert grunngjeving av kvalifikasjonane dine i høve til dei oppførte krava, og korleis du oppfyller kvart kriterium. I tillegg bør du adressere dei nemnde "fordelane", då desse vil bli vurderte ved rangeringa av kandidatane.
• namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.
• CV
• karakterutskrifter og vitnemål. Dersom du enno ikkje har fullført doktorgraden må du levere ei stadfesting på at avhandlinga er levert.
• relevante attestar
• liste over vitskaplege arbeid (publikasjonsliste med lenkjer)

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.

Generell informasjon:

Utfyllande opplysningar om stillinga kan ein få ved å vende seg til Lionel Christiaen, tlf: +47 55584360, epost: lionel.christiaen@uib.no.

For HR-relaterte spørsmål ta kontakt med HR rådgjevar Veronica Stålhand, +47 55584374, epost: veronica.stalhand@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.

Søk på stillingen