Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Postdoktor i informatikk - bioinformatikk

Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det matematisk-naturvitenskapelige fakultet består av sju institutt og en rekke sentre. Les meir om fakultet og tilhøyrande institutt.

Ved Instituttet for informatikk, ved Computational Biology Unit og Sars International Centre for Marine Molecular Biology er det ledig ei stilling som postdoktor i informatikk – bioinformatikk.

Stillinga er for ein åremålsperiode på 3 år og knytt til Kreftforeningen. Stillinga er knytt til prosjektet «Metastatic in translation - decoding the protein synthesis program for metastatic potential»

Om instituttet

Digitalisering av næringsliv, offentleg forvaltning og utdanning gjer at informatikk spelar ei stadig viktigare rolle i samfunnsutviklinga. Forsking og utdanning i informatikk er avgjerande for at den digitale transformasjonen av samfunnet skal lykkast. Institutt for informatikk bidreg til dette gjennom sju forskingsgrupper som leverer forsking og utdanning av høg internasjonal kvalitet innan algoritmar, bioinformatikk, maskinlæring, optimering, programmeringsteori, sikker kommunikasjon og visualisering. Alle gruppene har stor eksternfinansiering, blant anna frå Det europeiske forskingsrådet (ERC). Instituttet tilbyr moderne og oppdatert utdanning på bachelor-, master- og ph.d.-nivå. På grunn av den sentrale rolla som informatikk spelar i samfunnet, er instituttet i sterk vekst når det gjeld talet på studentar, forskingsretningar og tilsette. Vi har i dag om lag 700 studentar, i overkant 150 tilsette, deriblant 35 førsteamanuensar og professorar og 50 stipendiatar. Vi har nyleg etablert Center for Data Science (CEDAS) som ei viktig utviding av aktivitetane våre innan forsking og utdanning.

Om prosjektet/arbeidsoppgåver:

Alle tilsette vert forventa å bidra til framifrå forsking og undervisning av høg internasjonal kvalitet. Den som vert tilsett skal arbeide ved Computational Biology Unit. Forskingsgruppa er leia av dr. Eivind Valen. Forskingsgruppa er også assosiert med Sars senteret, en EMBL partner, kor laboratoriet er lokalisert.

Gena kan reguleras på fleire nivå. Dei kodes i DNAet og vert så “transkribert” til RNA molekylar som igjen vert “translatert” til proteiner. Ofte er mengda av RNA proposjonal med mengda proteiner, men slik er det ikkje alltid i kreftcella Dette tyd på at translateringen ikkje funger som den skal og at eit alternativt krefttranslaterings-program har overtatt. Dette er spesielt tydeleg i utviklinga av metastaser kor programmet kan bli ytterlegare forstyrra. Nyleg har det blitt mogleg å overvake translasjonen av alle tusenvis av genane i celler samtidig ved hjelp av heilt nye teknikkar.

Vårt prosjekt vil for fyrste gang i verda benytte ein slik teknikk til å undersøkje translasjonsprogrammet i kreftceller og i utviklinga av metastaser

Ved å dekode translasjonsprogrammet kan vi identifiser hvilke gen som er påverka og hvilke faktorar som er involvert i å endre programmet, og å dytt celler mot metastasering.

Kandidaten vil vert ansvarlig for all bioinformatiske analysar og modellering på dette prosjektet.

Kvalifikasjonar og eigenskapar:

• Søkjarar må ha oppnådd norsk ph.d. – grad eller tilsvarande utdanning innanfor bioinformatikk eller et relatert felt, eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.
• Erfaring frå analyse av high-throughput sekvensering data, translasjon og ribosom profilering er ein føremon.
• Søkjarar må kunne arbeide sjølvstendig, strukturert og ha gode samarbeidsevner.
• Søkjarar må ha framifrå engelskkunnskapar, skriftleg og munnleg.
• Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane.

Om postdoktorstillinga:

Postdoktorstillinga er ei åremålsstilling og har som hovudmål å kvalifisere den som blir tilsett for arbeid i vitskapelege toppstillingar. Om den som vert tilsett manglar undervisningserfaring og/eller annan kvalifiseringskompetanse, kan det verte aktuelt å auke tilsetjingsperioden til 4 år. Undervisning og anna pliktarbeid for instituttet vil i så høve bli lagt til som oppgåver i stillinga. Stillinga vil kunne bli forlenga med inntil eitt år dersom kandidaten får innvilga forskingsopphald i utlandet frå eksterne kjelder (maks fire år totalt). Ingen kan tilsetjast i meir enn éin åremålsperiode som postdoktor ved same institusjon.

Etter tiltreding skal postdoktoren i samarbeid med rettleiar og instituttleiar utarbeide ein plan for kvalifiseringsarbeidet, inkludert framdriftsplan.

Det er ein føresetnad at den som blir tilsett gjennomfører prosjektet i løpet av tilsetjingsperioden

Vi tilbyr:

• Eit godt og faglig utfordrande arbeidsmiljø
• Løn etter lønssteg 60 (kode 1352/lønsramme 24, alternativ 4) i lønsregulativet til staten ved tilsetjing. Dette utgjer ei årsløn på kr 532 300,- brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga
• Namn og kontaktopplysningar til to referansepersonar, ein av desse bør vere hovudrettleiaren frå doktorgradsutdanninga
• CV
• Karakterutskrifter og vitnemål, samt stadfesting på at doktorgradsavhandlinga er levert
• Relevante attestar
• Liste over vitskaplege arbeid (publikasjonsliste)
• Eventuelle publikasjonar

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge innan 12/4/2020.

Generell informasjon:

Utfyllande opplysningar om stillinga kan ein få ved å vende seg til:

Førsteamanuensis Eivind Valen.

For HR-relaterte førespurnader ta kontakt med Lene Sørheim

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Søk på stillingen