Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Stipendiat i målevitskap/havteknologi
Ved Institutt for fysikk og teknologi (er det ledig ei stilling som ph.d.-stipendiat i målevitskap/havteknologi. Arbeidet omhandlar utvikling av metodar for sjølv-diagnostikk og sjølv-validering av smarte sensorar i eit trådlaust sensornettverk i sjø. Stillinga er for ei åremålsperiode på 3 år, og er knytt til NFR finansiering i Senter for Forskingsbasert Innovasjon (SFI) Smart Ocean der UiB er vertsinstitusjon.
Som ph.d.-stipendiat i SFI Smart Ocean vil du vere del av ei leiande forskings- og innovasjonsklynge innan marin instrumentering og operasjonar. Du vil bidra til utviklinga av ein heilt ny måte å få informasjon frå havet, som er høgst relevant for berekraftig marin forvaltning. Dei smarte sensorane skal måle på marint liv, miljø og marine strukturar. Forskinga di vil vere i nært samarbeid med både forskings-, sluttbrukar- og industripartnarar i senteret, ca. 20 partnarar totalt. SFI Smart Ocean ønskjer å lage fleksible og kosteffektive løysingar for overvaking og bruk av eit produktivt og sunt hav.
Om prosjektet/arbeidsoppgåver:
I 2021 gjekk vi inn i tiåret for havforsking for berekraftig utvikling. Eit smart sensornettverk i vatn er ein byggestein for å få til sanntidsmålingar som gir grunnlag for å ta dei rette avgjerdene. Då er det viktig å kunne stole på målingane vi får frå sensorane.
Ein viktig komponent i ein smart sensor er evna til sjølv å vurdere om målingane er korrekte, og å automatisk justere for avvik over tid eller avvik som skuldast ytre påverknadar. På land er dette i bruk og under utvikling i Internet of Things (IoT) - Industri 4.0. Du vil arbeide med å utvikle og implementere generell metodikk for sjølv-validering og sjølv-diagnostikk, anvendt på nokre utvalde sensorteknologiar. Ein viktig del av arbeidet er å forstå kva for fysiske prosessar som påverkar målingane, og korleis ein kan nytte seg av uavhengige og redundante målemetodar. I sjøen har vi ekstra utfordringar med avgrensa tilgjengelegheit, låg bandbredde for kommunikasjon, og eit behov for lågt energiforbruk.
Vi ser etter ein person med bakgrunn i fysikk, med eksperimentell erfaring frå masteroppgåva eller frå arbeidslivet. Du vil vere ein del av forskingsgruppa for Målevitskap ved UiB/IFT, og vil delta i rettleiing av masterstudentar og prosjektoppgåver knytt til målevitskap og havteknologi. Du vil samarbeide nært med partnarane i SFI Smart Ocean, og vil ha medrettleiarar frå Høgskulen på Vestlandet (HVL) og NORCE.
Kvalifikasjonar og eigenskapar:
Søkjarar må ha oppnådd mastergrad eller tilsvarande utdanning i fysikk, havteknologi, måleteknologi/instrumentering eller tilsvarande. Masterstudentar kan søkje dersom dei fullfører den endelege mastereksamen før 30.06.2021. Det er ein føresetnad at mastergraden er oppnådd før tilsetjing kan skje.
Søkjaren må kunne dokumentere gode kunnskapar i måleteknologi, eksperimentell fysikk eller tilsvarande laboratoriearbeid.Gode kunnskapar i matematikk er ein føresetnad
Det er ein fordel med gode kunnskapar i programmering og automatisering.
Søkjarar må kunne arbeide sjølvstendig og strukturert og ha gode samarbeidsevner.
Søkjarar må ha gode skriftlege og munnlege engelskkunnskapar.
Det er ein fordel om søkjaren kan norsk.
Erfaring frå tilsvarande forskingsprosjekt vil bli vektlagt.
Erfaring frå relevant utviklingsarbeid vil bli vektlagt.
Det er ein fordel at kandidaten kan starte i stillinga innan 1. september 2021.
Personlege eigenskapar vil også leggast til grunn i vurderinga. Kandidaten sine ambisjonar og potensiale vil også telje med når vi evaluerer kandidatane.
For stillinga gjeldt følgande:
Om stipendiatstillinga
Samla stipendperiode er 3 år, med høve til eit 4. år beståande av pliktarbeid (til dømes undervisning) fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing.
Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.
Om forskarutdanninga
Som ph.d. stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Det matematisk-naturvitskaplege fakultet er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.
Vi tilbyr:
eit godt og fagleg utfordrande arbeidsmiljø
løn etter lønssteg 54 ved tilsetjing (kode 1017/LR20, alternativ 10) i det statlege lønnsregulativet. Dette utgjer ei årsløn på kr 482 200,-brutto. Vidare opprykk skjer etter tenesteansiennitet.
ei kort utgreiing om søkjaren sine forskingsinteresser og motivasjonen for å søkje stillinga
namn og kontaktopplysningar til to referansar, ein av desse kan vere hovudrettleiaren frå masteroppgåva eller tilsvarande oppgåve
CV
karakterutskrifter og vitnemål for bachelor- og mastergrad. Dersom du enno ikkje har fullført mastergraden din, kan du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål, alternativt ei stadfesting frå gradsgjevande institusjon på fullført grad og oppnådd karakter, innan 30.06.2021
eventuell liste over vitskaplege arbeid (publikasjonsliste)
eventuelle publikasjonar
Søknad og vedlegg med attesterte omsetjingar til engelsk eller eit skandinavisk språk må lastas opp i Jobbnorge.
Generell informasjon:
Utfyllande opplysningar om stillinga kan ein få ved å vende seg til:
Førsteamanuensis Camilla Sætre mobil: +47 908 39 804, e-post: camilla.satre@uib.no, Institutt for fysikk og teknologi
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
