Vitskapleg assistent ved institutt for politikk og forvaltning

Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det samfunnsvitenskapelige fakultet består av sju institutt. Les meir om fakultet og tilhøyrande institutt.

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Vitskapleg assistent

Ved Institutt for politikk og forvaltning, Universitetet i Bergen, er det ledig ei 100% stilling som vitskapleg assistent med umiddelbar oppstart og fram til 20 juni 2024. Stillinga er tilknytta forskingsprosjektet, Gender Gaps in political endurance (SUCCESS) som vert leia av professor Ragnhild Louise Muriaas.

Vitskapleg assistent er ei rekrutteringsstilling der hovudoppgåva er å vere ein støttespelar for den vitskaplege staben i deira undervisnings- og forskingsverksemd. Stillinga skal gi høve til innsikt i vitskapleg arbeid og metode. Samla tilsetjingstid kan ikkje overstige to år.

Arbeidsoppgåver:

• Innsamling og analyse av datamateriale frå norske kommunar
• Bistå i transkribering av datamateriale
• Gjennomføring av litteratursøk
• Praktiske oppgåver i tilknyting til prosjektet
• Andre administrative oppgåver

Kvalifikasjonar og eigenskapar:

• Mastergrad i statsvitskap; andre relevante samfunnsvitskaplege fag kan bli vurdert
• God metodekunnskap, spesielt erfaring med å lage datasett og gjennomføre enkle kvantitative analyser.
• Gode norskkunnskapar, skriftleg og munnleg
• God administrativ IT – kompetanse
• Erfaring med R.

Personlege eigenskapar

• Evne til å arbeide systematisk og resultatorientert
• Gode samarbeids- og kommunikasjonsevner

Vi tilbyr:

• Eit godt og fagleg utfordrande arbeidsmiljø
• Årsløn som vitskapleg assistent, stillingskode 1020, kr. 509300, -
• Medlemskap i Statens Pensjonskasse
• Gode velferdsordningar

Søknaden skal innehalde:

Søknad med CV, vitnemål og attestar skal leggjast inn elektronisk i JobbNorge. (via link på denne sida ”Søk på jobben”.)

Søknadsfrist: 01.04.2024. 

Søknaden skal merkast 2024/3398

Aktuelle søkjarar vil bli invitert til intervju.

Generell informasjon:

Utfyllande opplysningar om stillinga kan ein få ved å vende seg til Ragnhild Louise Muriaas (professor, ragnhild.muriaas@uib.no)

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å få ei balansert alders- og kjønnssamansetning og rekruttere personar med innvandrarbakgrunn. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Søk på jobben