Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Vitenskapeleg assistent
Ved Institutt for informasjons- og medievitskap ved Universitetet i Bergen er det ledig ei 60 %-stilling som vitskapleg assistent i 7 månader frå oppstartsdato. Stillinga er knytt til det CHANSE-finansierte prosjektet DIGISCREENS: Identities and Democratic Values on European Digital Screens: Distribution, Reception, and Representation. Oppstart snarast.
Vitskapleg assistent er ei rekrutteringsstilling der hovudoppgåva er å støtte den vitskaplege staben i deira undervisnings- og forskingsarbeid. Stillinga skal gi innsikt i vitskapleg arbeid og metode.
Prosjektet har ei internasjonal arbeidsgruppe med Dr. Maud Ceuterick som prosjektleiar. Fokus er på korleis strøyming av filmar og TV-seriar bidrar til å transformere sosial og kulturell dynamikk i fem europeiske land: Frankrike, Spania, Sverige, Noreg og Litauen. Ved å undersøke distribusjon, representasjon og mottak ser DIGISCREENS på korleis filmar og TV-seriar påverkar vår identitet og forståing av demokrati i Europa, med særleg vekt på dei siste tiåra sine retningslinjer for auka mangfald og inkludering på skjermen.
Arbeidsoppgåver:
Planlegge, gjennomføre og transkribere fokusgruppeintervju
Identifisere relevante tema i gjennomførte intervju
Skrive ein litteratur review om analysemetodar og ulike vitskaplege tema
Analysere fokusgruppeintervju basert på tidlegare vitskapleg litteratur
Skrive ein vitskapleg artikkel og eventuelt bokkapittel i samarbeid med prosjektleiaren
Oppdatere og ferdigskrive ein rapport om mangfald i norske institusjonar og plattformretningslinjer
Utføre andre administrative oppgåver som oppstår, inkludert oppdatering av prosjektets nettside
Kvalifikasjonar og eigenskapar:
Master i medie- og interaksjonsdesign eller tilsvarande.
Erfaring med forsking innan TV- og film-bransje
Erfaring med fokusgruppeintervju og analyse
Gode språkkunnskapar i norsk og engelsk, munnleg og skriftleg.
Ferdigheiter til å kunne jobbe sjølvstendig og skrive ein vitskapleg artikkel
Gode munnlege og skriftlege formidlingsevner.
Gode samarbeidsevner.
Motivasjon til å samarbeide fleirfagleg
Vi tilbyr:
Eit godt og fagleg utfordrande arbeidsmiljø.
Løn som vitskapleg assistent i kode 1020, for tida NOK 509 300,- brutto for kandidatar med mastergrad.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
