Forskingsassistent i informatikk – inntil 4 stillingar
Søknadsfrist: 15.04.2024
Publisert
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Forskingsassistent i informatikk – inntil 4 stillingar
Ved Institutt for informatikk er det ledig inntil 4 stillingar som 30 % forskingsassistent (vitskapeleg assistent) i informatikk, i anten kode 1019 eller 1020. Stillingane er for ein åremålsperiode på 24 månader og er finansiert av NFR-prosjekta AUTOPROVING og SYMBOALGO.
Om prosjektet/arbeidsoppgåver
Som forskingsassistent vil du være ansvarleg for følgande oppgåver:
Implementering av algoritmar for kombinatoriske problem.
Eksperimentell evaluering av dei implementerte algoritmane.
Skriving av rapportar som beskriv tekniske detaljar av implementerte algoritmar, eventuelle implementeringsdetaljar og eksperimentelle resultat.
Deltaking i forskingsaktivitetar, som å lese vitskaplege artiklar, presentere resultat i seminar, work-shops, osv.
Arbeidet ditt vil bli delt inn i ei rekkje milepålar som skal avtalast under gjennomføringa av prosjektet. Du vil arbeide sjølvstendig mot fullføring av kvar milepåle og vil ha stor fleksibilitet i organiseringa av din tidsplan, med omsyn til å fullføre milepælane innan dei avtalte fristane. Stillinga er kompatibel med fjernarbeid innanfor Noreg.
Kvalifikasjonar og eigenskapar
Gradkrav:
For å kvalifisere for stilling som forskingsassistent 1019: Du må ha oppnådd bachelorgrad eller tilsvarande utdanning i informatikk eller eit anna relevant fag.
For å kvalifisere for stilling som forskingsassistent 1020: Du må ha oppnådd mastergrad i informatikk eller eit anna relevant fag.
Krav til dokumentert ekspertise:
Du må ha framifrå programmeringsferdigheiter anten i C++ eller i Python.
Du må ha sterk erfaring på minst ett av følgende områder:
a. Implementering av algoritmar for kombinatoriske problem, eller
b. Utforming av optimaliseringsmodellar ved bruk av SAT-løysarar, lineær programmeringsverktøy, eller
c. implementering av maskinlæringsmodellar ved bruk av state-of-the-art bibliotek som TensorFlow, Keras, osv.
Du må ha sterk kompetanse i både skriftleg og munnleg engelsk.
Fordelaktige krav
Gode resultat i programmeringskonkurransar eller matematikkonkurransar er ein fordel.
Publikasjon i internasjonale konferansar innan algoritmar/kombinatorikk er ein fordel.
Framifrå karakterar på relevante kurs relaterte til algoritmar er ein fordel.
Personlege og mellommenneskelege eigenskapar vil bli lagt vekt på, mellom anna evne til å arbeide sjølvstendig og strukturert, gode samarbeidsevner og gode kommunikasjons- og formidlingsevner.
Ambisjonar og potensial vil telje ved vurdering av kandidatane, like eins interesse og entusiasme for undervisning og formidling.
Særeigne krav for stillinga
UiB er underlagd regelverket for eksportkontroll og regelverket gjeld ved behandling av søknadar til stillinga.
Vi tilbyr
Spennande og utviklande arbeidsoppgåver i et sterkt fagmiljø
For stilling som forskingsassistent i kode 1019: Løn etter lønssteg 35 i det statlege lønnsregulativet. Dette utgjer for tida ei årsløn på kr 414 200 brutto. Vidare opprykk skjer etter tenesteansiennitet. For stilling som forskingsassistent i kode 1020: Løn etter lønssteg 42 i det statlege lønnsregulativet. Dette utgjer for tida ei årsløn på kr 448 900 brutto. Vidare opprykk skjer etter tenesteansiennitet.
Ei kort utgreiing om søkjaren sine forskingsinteresser og motivasjonen for å søkje stillinga,
CV
Ver vennleg og inkluder i søknaden din prov på programmeringsekspertise, som lenker til opne kjeldekode-repositorium der du har betydeleg bidrag, lenker til rangering i programmerings- eller matematikkonkurransar, osv.
Namn og kontaktopplysningar til to referansepersonar, ein av desse bør vere hovudrettleiaren frå bachelor/masteroppgåva eller tilsvarande oppgåve.
Karakterutskrifter og vitnemål for bachelor- og eventuelt mastergrad.
Relevante attestar eller kursbevis
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Generell informasjon
Utfyllande opplysningar om stillinga kan ein få ved å vende seg til:
For HR-relaterte førespurnadar ta kontakt med Karoline Christiansen, karoline.christiansen@uib.no.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.