Ved Matematisk institutt er det ledig ei stilling som førsteamanuensis i anvend og utrekningsorientert matematikk.

Om instituttet

Instituttet har for tida 30 faste vitskaplege stillingar, med forskingsaktivitet i rein matematikk, matematikkdidaktikk, anvend og utrekningsorientert matematikk og statistikk. Instituttet har 6 administrative stillingar. I tillegg kjem stipendiatar og postdoktorstillingar og eksternt løna stillingar.

Arbeidsoppgåver / forskingsområde

Vi søkjer ein kandidat som vil medverke til å styrke instituttet sine forskingsaktivitetar innanfor anvend og utrekningsorientert matematikk, med vekt på ein av dei fylgjande forskingsaktivitetar: bilete- og signalhandsaming, fluidmekanikk, numerisk modellering og analyse, porøse mediar og ein nyoppretta aktivitet i biomatematikk.

Forskingsgruppene i anvend og utrekningsorientert matematikk er involvert i omfattande tverrfagleg samarbeid og eksternfinansierte prosjekt. I dag gir dette utslag i prosjekt kopla mot tidsaktuelle problemstillingar innanfor blant anna energi, miljø, medisin og biologi.

Med utgangspunkt i fagfelta omtala ovanfor, søkjer vi best mogleg kvalitet innan universitetet sine tre grunnoppgåver: forsking, undervising og formidling. Instituttet arbeider for ei kontinuerleg forbetring av undervisinga, ein breiare aktivitet innanfor formidling og rekruttering, samt ein auke i eksternfinansierte prosjekt. Kandidatar som kan medverke til å vidareutvikle aktiviteten innanfor biomatematikk ved instituttet vil, ved elles like kvalifikasjonar, verte prioriterte.

Forutan at førsteamanuensen vert tilsett med plikt til å delta i undervisinga, både på lågare- og høgaregradkurs, skal vedkomande også delta fullt ut i instituttet sine øvrige aktivitetar.

Kvalifikasjonar og eigenskapar

• Søkjarar må ha doktorgrad innan anvend og utrekningsorientert matematikk eller tilsvarande kompetanse.
• Det blir lagt vekt på at kandidaten kan medverke til å styrkje forskingsaktivitetane omtala ovanfor og har evne til tverrfagleg samarbeid.
• Søkjarar må kunne arbeide sjølvstendig og strukturert i tillegg til å ha gode samarbeidsevner.
• Søkjarar må kunne bidra i forskingslag både som leiar og deltakar.
• Søkjarar må kunne dokumentere evne til/ambisjon om å innhente ekstern forskingsfinansiering.
• Søkjarar må ha gode engelskkunnskapar både skriftleg og munnleg.

Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telje ved vurdering av kandidatane.

Undervising - kvalifikasjonar og eigenskapar

Søkjarar må dokumentere sine pedagogiske kvalifikasjonar og erfaring i undervising og rettleiing av studentar. Dette kan til dømes gjerast ved å sende inn

• prov for gjennomført pedagogisk utdanning
• evalueringsrapportar av søkjaren si undervising
• oversyn over undervisingsomfang og -nivå
• oversyn over hovudfags- og doktorgradsrettleiing og resultat
• mottekne undervisingsprisar
• eigne pedagogiske publikasjonar
• eigne undervisingskompendium og undervisingsmateriell
• rapportar som syner deltaking i prosjekt knytt til utvikling av undervising, så som alternative
• undervisingsformer, rettleiing eller læringsmiljø

Undervisingsspråket er i hovudsak norsk. Det er eit krav at den som blir tilsett, kan undervise på norsk eller eit anna skandinavisk språk innan to år etter tilsetjinga.

Den som vert tilsett må ha pedagogisk basisutdanning, men søkjarar som ikkje fyller dette kravet ved tilsetjinga, får tilbod om opplæring og må dokumentere at utdanninga er fullført innan eit år etter dato for tilsetjing. Fristen er to år for den som ved tilsetjinga ikkje meistrar eit skandinavisk språk.

Ved Universitetet i Bergen blir det lagt reell vekt på pedagogiske kvalifikasjonar ved tilsetjing i vitskaplege mellom- og toppstillingar.

Vi kan tilby

• eit godt og fagleg utfordrande arbeidsmiljø
• løn etter lønssteg 64 - 72 (kode 1011/LR 24.8). Dette utgjer ei årsløn på kr 558 500 – 650 200 brutto (løna er for tida under regulering). Vidare opprykk skjer etter tenesteansiennitet. For særleg kvalifiserte søkjarar kan det bli aktuelt å vurdere høgare løn.
• medlemskap i Statens pensjonskasse
• stilling i ei inkluderande arbeidslivsverksemd (IA-verksemd)
• gode velferdsordningar

Førsteamanuensis i fast stilling har høve til å søkje om opprykk til professor etter kompetanse. Fristen for slik søknad er 15 september kvart år.

Søknaden skal innehalde:

• CV
• vitnemål og attestar
• fullstendig publikasjonsliste
• fullstendig liste over eksternt finansierte prosjekt (dersom det er relevant)
• ei kort utgreiing om søkjaren si interesse og motivasjon for å søkje denne stillinga, samt over dei viktigaste resultata i søkjaren si forsking (2-3 sider)
• ei fullstendig liste over undervisningserfaring, inkludert roller i underviste kurs
• vedlegg som dokumenterer pedagogiske kvalifikasjonar
• liste over vitskapelege arbeid søkjaren vil det skal takast omsyn til ved vurderinga, med opplysningar om kvar dei er publiserte
• namn på tre referansar, kor minst ein må kjenne søkjaren frå undervisingsarbeid

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge. Søknadar sendt på epost vil ikkje verte vurderte

Generell informasjon

Utfyllande opplysningar om stillinga kan ein få ved å vende seg til professor Sigmund Selberg, instituttleiar, Matematisk institutt, e-post: sigmund.selberg@uib.no, tlf. 55 58 42 77.

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan offentleggjerast sjølv om søkjaren har oppmoda om ikkje å bli ført på søkjarlista. Dersom oppmodinga ikkje vert teken til følgje, skal søkjaren varslast om det.

Den som blir tilsett må rette seg etter retningslinene som til ei kvar tid gjeld for stillinga.

Nærare om tilsettingsprosessen her.

Søk på stillingen