Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og åtte senter. Les meir om fakultet og tilhøyrande institutt.

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Universitetslektor (20 % ekstraerverv) i anestesiologi (praksiskoordinator).

Ved Det medisinske fakultet, Universitetet i Bergen, er det ledig ei åremålsstilling som universitetslektor (20 % ekstraerverv) i anestesi (praksiskoordinator) ved Klinisk institutt 1. Stillinga er for ei periode på to (2) år etter nærare avtale. Stillinga er knytt til fast relevant hovudstilling ved Helse Førde (minimum 50 %). Arbeidsstad er Førde.

Vi søkjer ein medarbeidar som vil bidra til å finne gode løysingar for å ivareta medisiner studentar som skal ha praksis anestesi/intensivavdelinga ved Førde Sentralsjukehus.

Arbeidsoppgåver:

• Ivareta dialog med avdelingar om å ha studentar i praksis.
• Samarbeide med administrativt personell om logistikk i fordeling av studentar.
• Sikre at det blir utarbeidd ein plan (vekeplan) for kven studentane skal vere med når dei er på avdeling og kva oppgåver/arenaer som er tilgjengelege ved kvar avdeling.
• Bidra til ein plan for at studentane kan få dedikerte oppgåver i avdelingane relatert til det faglege nivået dei er på i si utdanning.
• Samarbeide med avdelingane om å få på plass praksisrettleiarar for studentane på alle avdelingar som skal ha studentar i praksis.
• Samarbeid med avdelingane om å utvikle og fremje former for merittering av rolla som praksisrettleiar.
• Samle praksisrettleiarar på tvers av avdelingar og bidra i opplæringa.
• Ha faste møtepunkt med studentar som er i praksis og gi eventuelle tilbakemeldingar til avdelingane.

Den som vert tilsett, vert del av undervisningsgruppa for 8. semester i medisinstudiet, og vil få ansvar for å organisere praksis for medisinstudentar frå Universitetet i Bergen.

Kvalifikasjonar og eigenskapar:

• Søkjar må vere lege (cand.med) og fortrinnsvis ha spesialitet i anestesiologi.
• Det er eit ønskje at søkjar har brei og relevant klinisk erfaring, samt stort engasjement og interesse for undervisning.
• Det er eit ønskje at søkjar har undervisnings- og administrativ erfaring, samt erfaring med populærvitskapleg formidling.
• Det vert lagt vekt på dokumentert vilje og evne til samarbeid.

Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 innan tre år etter tilsetjinga. UiB tilbyr norskopplæring og vil legge til rette for at språkkravet kan oppfyllast.

Vi tilbyr:

• Eit godt og internasjonalt arbeidsmiljø og spanande arbeidsoppgåver i eit fakultet med fagmiljø som hevdar seg godt nasjonalt og internasjonalt.
• Faglege utfordringar med gode høve for personleg utvikling og kompetanseutvikling. 
• Løn er for tida kr 630 000 – 680 000 (kode 1009) brutto pr. år for ei fulltidsstilling. For særleg kvalifisert søkjar kan det verte aktuelt å vurdere høgare løn.
• God pensjonsordning i Statens pensjonskasse.
• Gode velferdsordningar.

Søknaden skal innehalde:

• Søknad som fortel kvifor du søkjer stillinga.
• Utfyllande CV og karakterutskrifter (all høgare utdanning) og relevante attestar.
• Dokumentasjon på utdanningsfagleg kompetanse.
• To referansar (namn og kontaktinformasjon).
• Dersom du driv forsking legg du og ved: fullstendig publikasjonsliste og vitskaplege arbeid (maks 10) i pdf format.

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden.

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga får ein ved å vende seg til instituttleiar ved Klinisk institutt 1 Professor Christian A. Vedeler, Christian.Vedeler@uib.no eller koordinator for medisinstudie i Førde Førsteamanuensis Kaya Kvarme Jacobsen, Kaya.Jacobsen@uib.no.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.

Søk på stillingen