Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og åtte senter. Les meir om fakultet og tilhøyrande institutt.

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Praksiskoordinator/Universitetslektor

Ved Det medisinske fakultet, Klinisk institutt 2, er det ledig åremålsstilling som praksiskoordinator/universitetslektor (20 % ekstraerverv «bistilling») i medisin (pediatri og gynekologi/obstetrikk) for ein periode på tre (3) år frå tilsetjing. Stillinga er knytt til fast hovudstilling (min. 50 %) ved Kvinneklinikken eller Barne- og Ungdomsklinikken i Helse Bergen. Arbeidsstad er Glassblokkene ved Haukeland universitetssykehus.

Vi søkjer ein medarbeidar som vil bidra til å finne gode løsninger for å ivareta studentar som skal ha praksis i pediatri og gynekologi/obstetrikk i Bergen og setje kliniske miljø i stand til å ha studentar i praksis.

Arbeidsoppgåver:

Stillinga inneheld mellom anna desse oppgåvene:

• Ivareta dialog med sjukehusavdelingar og primærhelseteneste om å ha studentar i praksis
• Samarbeide med administrativt personell om logistikk i fordeling av studentar
• Sikre at det vert utarbeidd ein plan (vekeplan) for kven studentane skal vere med når dei er i praksis og kva oppgåver/arenaer som er tilgjengelege ved kvar praksisarena
• Bidra til ein plan for at studentane kan få dedikerte oppgåver på praksisarenaene relatert til det faglege nivået dei er på i si utdanning
• Samarbeide med kliniske miljø om å få på plass praksisrettleiarar for studentane på alle praksisarenaer som skal ha studentar i praksis
• Samarbeid med kliniske miljø om å utvikle og fremje former for merittering av rolla som praksisrettleiar
• Samle praksisrettleiarar på tvers av kliniske miljø og bidra i opplæringa
• Ha faste møtepunkt med studentar som er i praksis og gje eventuelle tilbakemeldingar til praksisarenaene

Den som vert tilsett, vert del av undervisningsgruppe og semesterstyre for 9. semester i medisinstudiet, og vil få ansvar for å organisere praksis for medisinstudentar frå Universitetet i Bergen på praksisarenaer innen pediatri og gynekologi/obstetrikk i Helse Bergen og tilliggjande område.

Kvalifikasjonar og eigenskapar:

Søkjar må ha

• norsk cand.med.-grad eller tilsvarande kompetanse
• spesialutdanning i pediatri eller gynekologi/obstetrikk

Vidare er det ønskjeleg at søkjar har

• brei og relevant klinisk erfaring, samt engasjement og interesse for undervisning 
• undervisnings- og administrativ erfaring samt erfaring med populærvitskapleg formidling

Det vert lagt vekt på dokumentert vilje og evne til samarbeid. Personlege eigenskapar vert vektlagd ved vurderinga.

Undervisningsspråket er i hovudsak norsk. Det blir kravd at den som blir tilsett har ferdigheiter i norsk eller eit anna skandinavisk språk på nivå B2 innan tre år etter tilsetjinga. UiB tilbyr norskopplæring og vil legge til rette for at språkkravet kan oppfyllast.

Vi tilbyr:

• Spanande og utviklande arbeidsoppgåver i eit sterkt fagmiljø 
• Faglege utfordringar med gode høve for personleg utvikling og kompetanseutvikling
• Løn er for tida kr 615 000 – 680 000 (kode 1009) brutto pr. år for ei fulltidsstilling. For særleg kvalifisert søkjar kan det verte aktuelt å vurdere høgare løn
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om søkjaren sin motivasjon for å søkje stillinga
• CV
• Karakterutskrifter (all høgare utdanning) og relevante attestar
• Dokumentasjon på utdanningsfagleg kompetanse 
• To referansar (namn og kontaktinformasjon)

Dersom du driv forsking legg du og ved:

• Fullstendig publikasjonsliste
• Vitskaplege arbeid (maks 10) i PDF-format

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf).

Generell informasjon:

Utfyllande opplysningar om stillinga kan ein få ved å vende seg til:

• Undervisningsleiar ved Klinisk institutt 2, professor Camilla Tøndel, camilla.tondel@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Nærare om tilsettingsprosessen her.

Søk på stillingen