Ledig stilling på Universitetet i Oslo

Blindern og Urbygningen (Foto: Wikimedia og Colourbox)
Blindern og Urbygningen (Foto: Wikimedia og Colourbox)

HR-leiar - Det samfunnsvitskapleg fakultetet

Søknadsfrist: 08.12.2021

Universitetet i Oslo

Universitetet i Oslo er den eldste og høgst rangerte forskings- og utdanningsinstitusjonen i Noreg, med 28000 studentar og 7000 tilsette. Fagleg breidde og internasjonalt anerkjende forskingsmiljø gjer UiO til ein viktig samfunnsaktør.

Fakultetsadministrasjonen ved Det samfunnsvitskaplege fakultet støttar einingane i den daglege drifta og har samstundes eit overordna koordineringsansvar for heile fakultetet.


Fakultetsadministrasjonen er delt i fire avdelingar; Seksjon for studie, Seksjon for personal, økonomi og arkiv, Seksjon for IT/AV-tenester og Seksjon for forsking og kommunikasjon. Fakultetet vert administrativt leia av fakultetsdirektøren, med dekanen som leiar av heile fakultetet. Fakultetsadministrasjonen har til saman rundt 70 tilsette.

Om stillinga

Det samfunnsvitskapleg fakultetet søker seksjonsleiar (SKO 1211) for personal- og HR-seksjonen.

Stillinga er nyoppretta og vil få eit fagansvar for personalutvikling og HMS ved fakultetet. Den som vert tilsett får personalansvar for dei tilsette i seksjonen, som i dag utgjer fire årsverk.

Det samfunnsvitskaplege fakultet er i sterk vekst og har 700 årsverk tilsette og 4700 studentar. Seksjon for personal- og HR er organisatorisk lagt til fakultetsadministrasjonen, som har i alt 70 årsverk. Seksjonsleiaren inngår i fakultetsdirektøren si leiargruppe og rapporterer til fakultetsdirektøren.

Arbeidsoppgåver

  • Fagansvar for personal/HR-funksjonen ved fakultetet
  • Dagleg leiing av seksjonen
  • Oppfølging av HMS-arbeidet
  • Fagleg støtte ved organisasjonsutvikling og omstilling
  • Opplæring, rådgjeving og støtte til institutt- og fakultetsleiing
  • Samarbeid med tenestemannsorganisasjonane
  • Bistå i personalsaker og rekrutteringsprosessar
  • Bidra og legge til rette for kompetanseutvikling for leiarar og medarbeidarar
  • Syte for at seksjonen bidreg med fagleg rettleiing, kunnskapsdeling og fagleg samarbeid internt og eksternt
  • Bidra til kontinuerleg prosessforbetring og kompetanseheving
  • Andre oppgåver etter avtale med leiar

Kvalifikasjonskrav

  • Utdanning på masternivå relevant for fagområdet. Kandidatar utan master vil bli vurderte dersom dei har annan relevant utdanning på høgskule-/universitetsnivå og særleg relevant erfaring
  • Leiarerfaring og brei erfaring innan personal/HR-området
  • Erfaring med samarbeid med tenestemannsorganisasjonane
  • Kunnskap og innsikt i offentleg forvalting og relevant lov og avtaleverk
  • Erfaring frå endringsprosessar og god digital kunnskap og interesse
  • God skriftleg og munnleg framstillingsevne
  • Gode språkkunnskapar i norsk og engelsk

Personlege eigenskapar

  • Utviklingsorientert og evne til å bygge ein felles kultur
  • Tydeleg og med evne til å inspirere, skape motivasjon og samhald
  • God arbeidskapasitet og gjennomføringsevne
  • Interesse for utvikling av kompetanse, medarbeidarskap og leiarskap for å nå fakultetet sine mål
  • God relasjonsbyggar som trivast i dialog med fagmiljøa og eigne medarbeidarar

Vi tilbyr

  • Løn som seksjonsleiar kode 1211 fastsetjast etter individuell vurdering innanfor eit spenn mellom ltr. 76 og 84, kr 734 400 og kr 919 700, avhengig av kompetanse og ansiennitet
  • Fleksibel arbeidstid og gode velferdsordningar
  • Trening i arbeidstida
  • God pensjonsordning og gunstig lån i Statens Pensjonskasse

Søknaden skal innehalde

  • Søknadsbrev
  • CV
  • Evt. vitnemål, attestar, liste med 2-3 referansar (namn, tilknyting til søkjar, e-postadresse og telefonnummer)

Søknad (evt. med vedlegg) må sendast inn via rekrutteringssystemet vårt, Jobbnorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. Eventuelt ved leiarstilling med mindre enn 40 % kvinnedel oppmodast kvinner særskild til å søkje.

Inkludering og mangfald er ein styrke. UiO har eit personalpolitisk mål om å oppnå ei balansert kjønnssamansetjing. Vidare ønskjer vi medarbeidarar med ulike kompetansar, fagkombinasjonar, livserfaring og perspektiv. Vi vil leggje til rette for medarbeidarar som har behov for det.

Om det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kontaktinformasjon

For spørsmål vedr. stillingsannonsen, kontakt personalkonsulent Sandra Lihaug Gabrielsen.

Søk på stillingen

Powered by Labrador CMS