Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Er du vår nye programkoordinator? (seniorkonsulent)
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Seniorkonsulent
Ved Det psykologiske fakultet, studieseksjon, er det ledig ei fast stilling som seniorkonsulent / studieprogramkoordinator. Stillinga er hovudsakleg knytt til administrasjon retta mot ulike masterprogram (logopedi, psykologi) og profesjonsstudiet i psykologi.
Det psykologiske fakultet har undervisningsaktivitetar i ulike bygg, og ein må medrekna å ha arbeidsdagar i eit anna bygg enn der ein har sitt hovudkontor. Stillinga vil vere knytt til eit team i studieseksjon med andre studiekonsulentar som har hovudarbeidsoppgåver mot ulike institutt.
Arbeidsoppgåver:
Stillinga inngår i programkoordinatorgruppa og har oppgåver knytt til administrasjon og oppfølging av studieprogram og emne ved fakultetet.
Dette vil mellom anna innebere:
Sakshandsaming med vekt på overordna/komplekse problemstillingar og faglege utgreiingar, knytt til kvalitetssikring av studieplanar og emne
Studierettleiing, informasjonsarbeid og arbeid knytt til rekruttering av studentar og marknadsføring av studieprogram
Drift og utviklingsoppgåver
Legge til rette for gjennomføring av undervisning, frå timeplanlegging til obligatoriske aktivitetar, inkludert koordinering/logistikk av seminararbeid og laboratorieøvingar i undervisning.
Sekretærfunksjon undervisningsutvalet ved Institutt for biologisk og medisinsk psykologi
Skrive saker til undervisningsutval, andre råd og styrer, og følgje opp undervisningsutvalet sine vedtak og tilrådingar, vere sakshandsamar og administrativt bindeledd mellom studieseksjon, undervisningsutvalet, institutta og fagmiljøa
Arbeidet vil krevje aktivt samarbeid med andre avdelingar og einingar ved UiB
Oppgåvene i stillinga kan verte justerte etter behov ved institutt og fakultetsadministrasjon
Kvalifikasjonar og eigenskapar:
Søkjarar må ha utdanning på mastergradsnivå. Lang og relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
Relevant praksis er eit krav
Kjennskap og praksis frå universitets- eller høgskulesystemet vil bli vektlagt
Røynsle frå studieadministrasjon og eksamensarbeid vil bli vektlagt
Den som vert tilsett må kunne begge målformer, og kunne uttrykkje seg godt skriftleg og munnleg på engelsk
Arbeide sjølvstendig og målretta
Digital kompetanse og evne til å tileigne seg nye ferdigheiter
Ha gode kommunikasjons- og samarbeidsevne, være fleksibel og serviceinnstilt
Ha omstilling og endringskapasitet
Personlege eigenskapar som er naudsynte for stillinga vil bli vektlagt
Vi kan tilby:
Spennande og utviklande arbeidsoppgåver i et sterkt fagmiljø
Stilling som seniorkonsulent (kode 1363) i lønssteg 53 - 59 / kr 493 700 - 544 400 i det statlege lønsregulativet. For særleg kvalifiserte søkjarar kan det verte aktuelt å vurdere høgare løn.
Utfyllande opplysningar om stillinga kan ein får ved å vende seg til:
Rådgjevar studieseksjon Grete Line Simonsen, telefon 55 58 86 94, e-post grete.simonsen@uib.no
Seksjonsleiar Frode Randal, telefon 55 58 91 90, e-post frode.randal@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
