Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Fellesadministrasjonen gjev råd og bistand til leiing og fakultet ved Universitetet i Bergen. Fellesadministrasjonen er organisert i sju avdelinger. Les meir om HR-avdelinga her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
HR-konsulent
I samband med at UiB styrker sin posisjon som eit internasjonalt forskingsuniversitet vert det lyst etter vikar i 100 % stilling som HR-konsulent ved Internasjonalt senter på HR avdelinga. Vikariat gjeld i seks månader frå 20. juni 2024, med høve til forlenging.
Arbeidet er ein del av Euraxess kontaktpunktet ved UiB, og er i all hovudsak knyta til rådgjeving og støtte til internasjonalt tilsette ved universitetet. Du vil rådgje forskarar og administrativt tilsette i regelverk og prosessar rundt internasjonal mobilitet. Andre oppgåver innan internasjonal mobilitet og avdelinga sine fagområde kan og verte lagt til stillinga.
Arbeidsoppgåver:
Rådgje og yte service i samband med mottak av internasjonale tilsette.
Yte kompetanse og service til utreisande tilsette
Rådgje og yte kompetanse til administrasjonen ved fakultet og einingar i rekruttering og mottak av internasjonalt tilsette
Utarbeide rutinar og retningslinjer knytt til internasjonal mobilitet
Kommunikasjon med andre offentlege myndigheiter
Vidareutvikle og vedlikehalde nettsider med informasjon til tilsette, administrasjon og leiing. Andre oppgåver knytt mot HR og internasjonal mobilitet
Kvalifikasjonar:
Søkjarar må ha utdanning på bachelorgradsnivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning
Relevant administrativ praksis og kompetanse innanfor funksjonsområdet
Relevant digital kompetanse
God skriftlege og munnleg kommunikasjonsevne
Erfaring frå internasjonal HR og personalforvaltning er ein fordel
Kjennskap til universitets- og høgskulesektoren er ein fordel
Personlege eigenskapar:
Du er serviceinnstilt, resultatorientert, strukturert og målretta
Du har gode samarbeidsevne, er engasjert og fleksibel
Du har interesse av ulike kulturar og mangfald
Du har stor arbeidskapasitet, lever godt med innslag av uvisse og evne og vilje til å finne gode løysingar aleine og saman med andre
Vi kan tilby:
Spennande og utviklande arbeidsoppgåver i et sterkt fagmiljø
Stilling som seniorkonsulent (kode 1363) i lønssteg 58 - 62 (for tida kr 565 900 - 604 900) i det statlege lønsregulativet. For særleg kvalifiserte søkjarar kan det verte aktuelt å vurdere høgare løn.
Utfyllande opplysningar om stillinga kan ein få ved å vende seg til:
Faggruppeleiar Jill Anette Opsahl, tlf. nr. 55 58 33 19, eller
Seksjonsleiar Janne Marie Solheimslid, tlf. nr. 918 19 544
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
