Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Fellesadministrasjonen gjev råd og bistand til leiing og fakultet ved Universitetet i Bergen.

Sentraladministrasjonen er organisert i sju avdelinger. Les meir om eiendomsavdelinga her.

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Er du vår nye berekraftspilot?

Universitetet i Bergen består av rundt 20 000 studentar og 4000 tilsette. Skal vi nå våre klima- og miljømål og bli eit meir berekraftig universitet er det særs viktig at studentmassen involverast. Vi lyser derfor ut tre 20 %-stillingar som berekraftspilotar. I arbeidet som berekraftspilot vil du kunne bidra med ditt eige perspektiv inn i UiB sitt arbeid med berekraft. Du vil ha faste møtepunkt opp mot leiinga ved universitetet og har moglegheit til å direkte påverke UiB sitt arbeid med klima, miljø og berekraft. Det vil også vere moglegheiter for samarbeid med næringsliv, organisasjonsliv og relevante aktørar i studentmassen som eksempelvis Studentparlamentet og Innovasjonspilotane ved UiB. 

Vi søkjer tre studentar til å fylle stillingar innafor følgande arbeidsområde:

Pilot 1: Klima- og miljøarbeid

Skal bidra i UiB sitt arbeid for å bli eit mest mogleg klima- og miljøvennlig universitet, både gjennom strategisk arbeid og ved å engasjere studenter og ansatte til en felles miljø- og klimadugnad.

Eksempelvis:

• Bidra i prosjekt relatert til klima- og miljøarbeidet ved UiB.
• Delta i sekretariatet for klima- og miljøarbeidet ved UiB.
• Bidra i planlegging og gjennomføring av UiBs ryddeaksjon.
• Vere kontaktperson for studentar med forslag til forbetringar knytt til drift ved UiB.

Pilot 2: Studier og studentliv

Skal legge til rette for og promotere berekraftige studier og studentliv.Eksempelvis:

• Følgje opp, organisere og gjennomføre initiativ retta mot studentar. Eksempelvis UiBs bidrag til klimafestivalen Varmere, Våtere, Villere.
• Samarbeide med organisasjonar i Bergen som jobbar med berekraft, klima og miljø.
  • Byttebua som vert drifta saman med Spire.
  • Studentenes Ryddeaksjon i samarbeid med Naturvernforbundet og Sammen.

Pilot 3: Kommunikasjon og formidling

Skal formidle Berekraftspilotane sine prosjekt og idear gjennom sosiale medium og andre relevante kanalar.

Eksempelvis:

• Lage og gjennomføre plan for kommunikasjon i samarbeid med dei andre pilotane.
• Vere ansvarleg for å oppdatere og videreutvikle berekraftspilotanes instagramprofil og nettside på UiB bærekraft.

Berekraftspilotane vert tilsett frå 1. desember 2025 – 15. desember 2026.

Som berekraftspilot ved UiB vil du:

• Bidra med di stemme inn i UiB sitt arbeid med berekraft, klima og miljø.
• Få oppfølging av ein mentor knytt til arbeidsområdet.
• Planlegge, gjennomføre og evaluere aktivitetar som kan bidra til å sette berekraft, klima og miljø på dagsorden ved UiB, innafor ramma for budsjett tildelt berekraftspilotane sitt arbeid.
• Følgje opp og gjennomføre faste felles oppgåver og prosjekt, som Sustainathon og synleggjering av Grønt masterstipend.
• Planlegge og leie dialoglunsjar med representantar frå rektoratet og studentparlamentet kvart semester.
• Utarbeide årsrapport som skal vere klargjort før avslutning av oppdragsperioden

Vi søkjer etter deg som:

• Er student ved Universitetet i Bergen og vil vere det gjennom heile oppdragsperioden
• Beherskar norsk flytande munnleg og skriftleg
• Har eit stort engasjement for berekraft og eit ynskje om å legge til rette for studentar si rolle i arbeidet
• Har interesse for prosjektarbeid
• Likar å arbeide i team, samtidig som du kan arbeide sjølvstendig
• Er fleksibel, men klarer samtidig å ha en god balanse mellom studiar, fritid og arbeid
• Er initiativrik, kreativ og arbeider målretta

Vi tilbyr:

• Du vil få utvida og etablert nettverket ditt ved UiB
• Arbeidstidene vil vere fleksible slik at du kan kombinere stillinga med studiar
• Stilling som konsulent (kode 1065) i årsløn kr. 460 700 - 475 000 i 100% stilling i det statlege lønsregulativet, avhengig av tenesteansiennitet og kvalifikasjonar.
• Medlemsskap i Statens pensjonskasse 
• Gode velferdsordningar

Generell informasjon:

Utfyllande opplysningar om stillinga kan ein får ved å vende seg til:

•  Miljøkoordinator, Helene Wiken, Eigedomsavdelinga, tlf. nr. 41558025

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Nærare om tilsettingsprosessen her.

Søk på stillingen