Studiekonsulent - Det samfunnsvitskapelege fakultet

Psykologisk institutt

Vil du jobbe med spennande oppgåver i studieadministrasjonen ved Noregs fremste utdanningsinstitusjon for psykologi?

Det samfunnsvitskaplege fakultet, Psykologisk institutt, søkjer ein rutinert og engasjert administrator til fast stilling som studiekonsulent (seniorkonsulent SKO 1363).

Psykologisk institutt er eit institutt med høg aktivitet. PSI er Norges høgast rangerte miljø for psykologi, og våre forskarar hevdar seg med eit aktivt forskingsmiljø med høg søknadsaktivitet og ein innhaldsrik prosjektportefølje inkludert fleire ERC-prosjekt. Instituttet er i sterk vekst og får eit stadig meir internasjonalt miljø som stiller høge krav til vår administrasjon. Studietilbodet i psykologi omfattar profesjonsstudiet i psykologi, samt eit bachelor- og mastergradsprogram. I tillegg har instituttet ei forskarutdanning (Ph.D.-grad). Stillinga vil inngå i instituttet sin studieseksjon med 10 tilsette og føreset eit tett samarbeid med programleiing, emneansvarlege, studentrepresentantar og andre tilsette i administrasjonen.

Arbeidsoppgåver

• Den som blir tilsett vil få studieadministrativt ansvar for første halvdel av profesjonsprogrammet i psykologi. Dette inkluderer undervisningsplanlegging, rettleiing av studentar, halde informasjonsmøte og oppdatere informasjon om programmet på våre nettsider og andre tilhøyrande oppgåver.
• Bidra med saksførebuing og oppfølging av programrådet sine vedtak i samarbeid med fagleg programleiing.
• Sakshandsaming av ekstern utdanning og endring i studieplanar
• Ved behov bidra til administrasjon av studentutveksling ved instituttet saman med internasjonal koordinator. Dette inkluderer opptak, registrering, kontakt med studentar og universitet i utlandet.

Stillinga kan tilleggas andre studieadministrative oppgåver ved behov dersom omsynet til instituttets verksemd tilseier dette. Vi ynskjer difor en person som er fleksibel og løysningsorientert som kan hjelpe til med å løyse instituttets oppgåver når det trengs.

Kvalifikasjonskrav 

• Høgare utdanning på minimum bachelornivå. Dokumentert realkompetanse med relevans for de aktuelle oppgåvene i stillinga kan kompensere utdanningskravet.
• Det krevst relevant erfaring frå studieadministrativt arbeid
• Gode digitale ferdigheter og evne til å sette seg inn i nye system
• God skriftleg og munnleg framstillingsevne på norsk og engelsk

Kompetanse og erfaring som vil vere ein fordel:

• Erfaring og kjennskap til offentleg forvaltning og UH-sektoren
• Kjennskap til og erfaring med UiO-arbeidsverktøy, mellom anna Felles Studentsystemt (FS), Canvas og TP, DFØ-system, ephorte m.m.

Personlege eigenskapar

• Du har gode samarbeids- og koordineringseigenskapar
• Du er ansvarsbevisst, strukturert og sjølvstendig
• Må kunne tenke langsiktig og vere flink til å planlegge
• Må kunne handtere periodar med høgt arbeidspress
• Bidreg til eit godt arbeidsmiljø

Vi tilbyr

• Løn som seniorkonsulent (SKO 1363) fastsetjast etter individuell vurdering innanfor eit spenn mellom kr 557 100 og 624 500, avhengig av kompetanse og erfaring
• Fleksibel arbeidstid og gode velferdsordningar
• Trening i arbeidstida
• God pensjonsordning og gunstig lån i Statens Pensjonskasse

Søknaden skal innehalde

• Søknadsbrev
• CV
• Relevante vitnemål og attestar
• Liste med 2-3 referansar (namn, tilknyting til søkjar, e-postadresse og telefonnummer)

Søknad med vedlegg må sendast inn via rekrutteringssystemet vårt, Jobbnorge. Vi gjer oppmerksam på at all dokumentasjon må være på engelsk eller eit skandinavisk språk

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. 

Inkludering og mangfald er ein styrke. UiO har eit personalpolitisk mål om å oppnå ei balansert kjønnssamansetjing. Vidare ønskjer vi medarbeidarar med ulike kompetansar, fagkombinasjonar, livserfaring og perspektiv. Vi vil leggje til rette for medarbeidarar som har behov for det. 

Om det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kontaktinformasjon

• Fungerande studieleiar Eleonora Brekke, epost: eleonora.brekke@psykologi.uio.no

For spørsmål om elektronisk søknad: HR-konsulent Dordi Stavik, epost: dordi.stavik@psykologi.uio.no

Søk på stillingen