Blindern og Urbygningen (Foto: Wikimedia og Colourbox)
Administrasjonskonsulent - Institutt for kulturstudium og orientalske språk
Søknadsfrist: 10.01.2024
Publisert
Universitetet i Oslo
Universitetet i Oslo er den eldste og høgst rangerte forskings- og utdanningsinstitusjonen i Noreg, med 28000 studentar og 7000 tilsette. Fagleg breidde og internasjonalt anerkjende forskingsmiljø gjer UiO til ein viktig samfunnsaktør.
Institutt for kulturstudium og orientalske språk (IKOS) er eitt av sju institutt ved Det humanistiske fakultetet. Instituttet har brei kompetanse innanfor studiet av religion og kultur og innanfor språkbaserte områdestudium med særleg vekt på Sør-Asia, Aust-Asia, Midtausten og Nord-Afrika. Instituttet har fleire studieprogram, både på bachelor- og masternivå. Av dei 110 tilsette på instituttet er 40 ph.d- og post.doc.stipendiatar.
Stillinga inngår i ein administrasjon med for tida åtte stillingar knytt til studieadministrasjon og koordinering av doktorgradsutdanning, og sju stillingar knytt til instituttet sine andre administrative oppgåver, innan forsking, økonomi, oppfølging av personale, infrastruktur og kontordrift.
Den som vert tilsett vil ha spesielt ansvar for instituttet sin romplan/logistikk og infrastruktur. Førstekonsulenten betener alle tilsette og har såleis ein sentral funksjon administrasjonen. Førstekonsulenten samarbeider tett med administrasjonen sitt forskingsteam.
Arbeidsoppgåver
Planlegging for bruk av kontorlokaler
Klargjering og rydding av kontor og utstyr
Mottak og oppfølging av nytilsette og gjester
Reisebestillingar og oppfølging av betal-meg løysinga
Bistand til PhD-utdanninga og disputasar
Oppfølging av kontormaskiner/skrivarar
Oppfølging av e-postlister og nettsider
Planlegging og gjennomføring av val til instituttstyret
HMS-arbeid og vernerapportar
Det vil vere løpande driftsoppgåver til stillinga, som oppfølging av post, rekvisita, leseplassar osv. Andre oppgåver med saksbehandling kan òg bli lagt til stillinga.
Kvalifikasjonskrav
Utdanning på bachelornivå, relevant realkompetanse kan kompensere for utdanningskravet
Gode kommunikasjonsevner, både munnleg og skriftleg, på norsk og engelsk.
Evne til og erfaring med å etablere og følgje gode rutinar og system.
Gode IT-kunnskapar og systemforståing.
Det er ein fordel med erfaring med liknande oppgåver, frå universitets- og høgskulesektoren generelt og Universitetet i Oslo spesielt.
Vi legg stor vekt på motivasjon og at personen høver stillinga.
Vi søkjer etter ein person som:
Er serviceinnstilt, praktisk, ryddig og effektiv.
Har gode samarbeidsevner og som vil bidra til eit godt arbeidsmiljø for studentar, vitskapeleg tilsette og for administrasjonen ved instituttet,
Har evne til å arbeide sjølvstendig, målretta og strukturert, og som kan etablere og følgje gode rutinar og system.
har god stressmestring og evnar å følgje opp fleire ulike oppgåver samtidig.
Vi tilbyr
lønn frå kr 502 300 til kr 565 900 per år, avhengig av kompetanse
Søknad med vedlegg må sendast inn via vårt elektroniske rekrutteringssystem, klikk “Søk stillinga”.
Andre opplysningar
Etter offentleglova § 25 andre ledd kan opplysningar om søkaren bli offentleggjort sjølv om søkaren har bedt om ikkje å bli ført opp på søkarlista. Vi viser òg til regelverk for teknisk-administrativt tilsette. UiO har ein overtakingsavtale for alle tilsette med formål å sikre rettane til forskingsresultat m.m.
UiO har eit personalpolitisk mål om å oppnå ei balansert kjønnssamansetting og rekruttere personar med innvandrarbakgrunn.
I tillegg ønsker UiO at medarbeidarane i størst mogleg grad speglar mangfaldet i befolkninga. Vi oppfordrar derfor kvalifiserte søkarar med redusert funksjonsevne til å søke stillinga. Som IA-bedrift vil vi legge til rette for medarbeidarar med nedsett funksjonsevne.
