Administrativ koordinator av Etter- og vidareutdanning ved Psykologisk institutt

Om stillinga

Psykologisk institutt ved Det samfunnsvitskaplege fakultet, har ei ledig fast stilling som rådgjevar/seniorkonsulent (SKO 1434/SKO 1363) knytt til instituttet si satsing på etter- og vidareutdanning (EVU). Det er ynskje om at den som blir tilsett kan tiltre i stillinga snarast råd.

Denne stillinga vil inngå i instituttet si studieavdeling med omlag 10 tilsette med studieleiar som næraste leiar. Dette er ei nyoppretta prosjektstilling knytt til ei ekstern tildeling i ein periode på fem år for eit nasjonalt utdanningsprogram for bornefagleg sakkyndig arbeid, faglege oppdateringsaktivitetar og kunnskapsformidling. Den som blir tilsett vil få hovudansvar for administrering, koordinering og drift av programmet i tett samarbeid med programansvarleg, oppdragsgjevar og styringsgruppa. 

Meir om Psykologisk institutt (PSI)Psykologisk institutt er eit institutt med høg aktivitet. PSI er Noreg sitt høgast rangerte miljø for psykologi, og våre forskarar hevdar seg med eit aktivt forskingsmiljø med høg søknadsaktivitet og ein innhaldsrik prosjektportefølje inkludert fleire ERC-prosjekt. Instituttet har opplevd sterk vekst og får eit stadig meir internasjonalt miljø som stiller høge krav til vår administrasjon. Studietilbodet er eit av Noreg sine mest populære og omfattar ei årseining i psykologi, profesjonsstudiet i psykologi, samt eit bachelor- og mastergradsprogram. I tillegg har instituttet ei forskarutdanning (Ph.D.-grad). 

Dine arbeidsoppgåver vil i hovudsak vere

• Ansvar for koordinering, administrering og drift av EVU, som inneber
  • Opptak og studieadministrativ oppfølging av studentar.
  • Organisering av undervising, rettleiing, samt oppfølging av eksamensgjennomføring og sensur, og kvalitetssikring og evaluering av kurs og program.
  • Oppfølging av kontrakt og honorering av eksterne undervisarar.
• Oppfølging av økonomi og budsjettrapportering.
• Være støttefunksjon og knutepunkt mellom instituttet, oppdragsgivar og styringsgruppa. Dette inneber å koordinere og delta i møter, hjelpe i prosessar og saksførebuing, samt sikre god informasjonsflyt mellom aktørane.
• Ansvar for gjennomføring av konferansar og andre arrangement knytt til programmet.
• Marknadsføring og informasjonsarbeid, samt oppdatering av innhald på nettsider.

Andre oppgåver kan bli lagt til stillinga dersom omsynet til instituttets verksemd tilseier dette. 

Kvalifikasjonar

Kvalifikasjonskrav

• Høgare utdanning på minimum bachelornivå. Dokumentert relevant realkompetanse med relevans for dei aktuelle oppgåvene kan i særskilte tilfelle kompensere for utdanningskravet.
• Relevant arbeidserfaring frå universitets- og høgskulesektoren innan studieadministrativt arbeid eller forskingsadministrasjon.
• God skriftleg og munnleg framstillingsevne på norsk og engelsk.
• Kjennskap til og erfaring med UiO-arbeidsverktøy, mellom anna Felles Studentsystemt (FS), EpN, TP, Canvas, Vortex, m.m.
• Kjennskap til eller erfaring med instituttet sine fagområde og studieprogram.

Kompetanse og erfaring som vil vere ein fordel

• Erfaring med prosjektkoordinering, budsjettstyring og økonomirapportering.
• Kompetanse eller erfaring med kommunikasjonsarbeid, vedlikehald av nettsider og utarbeiding av informasjonsmateriell. 
• Erfaring med oppgåver som studentrekruttering, marknadsføring, planlegging og gjennomføring av møter, konferansar og nettverksarrangement. 
• Det vil være positivt med erfaring i bruk av Tjenester for Sensitive Data (TSD) og DFØ-system.

Personlege eigenskapar

• Du er strukturert og sjølvstendig med evne til å håndtere flere oppgåver samstundes. 
• Du har gode organisatoriske og koordinerande eigenskapar.
• Du er nøyaktig, detaljorientert og har god gjennomføringsevne.
• Du er løysingsorientert og har gode samarbeidsevner. 
• Du er serviceinnstilt og profesjonell i din kommunikasjon med ulike aktørar. 

Det vil bli lagt vekt på at ein er personleg eigna til stillinga. Denne stillinga inneber mykje nybrotsarbeid og vi ser derfor etter ein fleksibel, sjølvgåande og motivert kollega.

Plassering i stilling som seniorkonsulent eller rådgjevar vil avhenge av heilskapleg vurdering av søkarens utdanning, kompetanse og erfaring. For å tilsettast som rådgjevar krevst særleg relevant kompetanse og erfaring tilpassa stillingas funksjonar. Ved tilsetting som rådgjevar vil ein til stillinga kunne leggja til utviklingsoppgåver og meir koordinering av tenester og/eller andre oppgåver som føreset særleg spisskompetanse innan tilsvarande felt som seniorkonsulent.

Vi kan tilby deg

• Spennande og meiningsfulle arbeidsoppgåver i ei verksemd med eit viktig samfunnsoppdrag, som bidreg til kunnskapsutvikling, utdanning og opplysing som fremjar ei berekraftig, rettferdig og kunnskapsbasert samfunnsutvikling.
• Engasjerte kollegaer i eit godt arbeidsmiljø.
• Fleksibel arbeidstid og gode velferdsordningar.
• Moglegheit for inntil 1,5 time i veka med trening i arbeidstida.
• Ein arbeidsplass med gode utviklings- og karrieremoglegheiter.
• Medlemskap i Statens Pensjonskasse, som er ein av Noregs beste pensjonsordningar med gunstige bustadlån og gode forsikringsordningar.
• Lønn for stillingane fastsetjast etter individuell vurdering innanfor følgjande spenn:
  • For seniorkonsulent (SKO 1363): mellom kr 580 000 og 640 000, avhengig av utdanning, kompetanse og erfaring.
  • For rådgjevar (SKO 1434): mellom kr 630 000 og 710 000, avhengig av utdanning, kompetanse og erfaring.

Les meir om fordelane med å jobbe i staten i Arbeidsgjevarportalen.

Inkluderande arbeidsliv og mangfald ved UiO

Inkludering og mangfald er ein styrke. UiO har eit personalpolitisk mål om å oppnå ein balansert kjønnsfordeling og rekruttere personar med innvandrarbakgrunn. Vidare ynskjer vi medarbeidarar med ulike kompetansar, fagkombinasjonar, livserfaring og perspektiv. Vi vil tilretteleggje for medarbeidarar som har behov for det.

Dersom det er kvalifiserte søkjarar med funksjonsnedsetjing, hull i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Vi håpar du søker på stillinga hos oss.

Søknad

Søknaden skal inneholde:

• Søknadsbrev.
• CV.
• Vitnemål og attester.
• Kontaktinformasjon til 2-3 referanser.

Søknad med vedlegg må sendes inn via vårt rekrutteringssystem Jobbnorge, klikk “Søk stillingen”.

Når du søker på stillingen, ber vi deg hente utdanningsresultatene dine fra Vitnemålsportalen.no. Om utdanningsresultatene dine ikke er tilgjengelige via Vitnemålsportalen, ber vi deg laste opp kopier av vitnemålene eller karakterutskriftene dine. All dokumentasjon må være på engelsk eller et skandinavisk språk.

Generell informasjon

Aktuelle søkjarar vil bli invitert til intervju.

Søkerlister kan bli offentleggjort iht. Offentleglova § 25 andre ledd. Når du søker jobb hos oss, vil namnet ditt stå på den offentlege søkarlista. Det er mogleg å be om å bli unntatt denne lista. Du må grunngje kvifor du ønskjer unntak frå offentleggjering, og vi tek deretter stilling til om vi kan innvilge ønsket ditt. Kan vi ikkje det, vil du høyre frå oss.

Søk stillingen

Spørsmål om stillinga

• Gunnar Andre Malmin (Kontorsjef), g.a.malmin@psykologi.uio.no
• Håvard Norgård Berger - HR-konsulent (For spørsmål om elektronisk søknad), h.n.berger@psykologi.uio.no
• Eleonora Brekke (Fungerande studieleiar), eleonora.brekke@psykologi.uio.no