Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Universitetsbiblioteket (UB) yter tenester til forsking, undervisning, formidling og vitskapleg publisering ved Universitetet i Bergen. UB gjev studentar og vitskapleg tilsette tilgang til kunnskapskjelder, og gjev undervisning og rettleiing som har som mål å heva deira digital- og informasjonskompetanse. Vidare utviklar og driftar UB digital forskingsinfrastruktur, med særleg vekt på tenester som fremjar open vitskap. Les meir om UB her.

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Om stillinga:

Universitetsbiblioteket i Bergen (UB) har ledig eit 100 % vikariat som arkivmedarbeidar (1363 seniorkonsulent) for eitt år, med moglegheit for forlenging. Stillinga er ein del av Prosjekt sikre samlingar, som er knytt til Seksjon for spesialsamlingar, men det kan også være aktuelt å arbeide i andre faglege einingar ved UB. Prosjektet arbeider med bevaring og tilgjengeleggjering av boksamlingar og arkiv ved UB, og handterer blant anna konservering/preservering, arkivering, flytting, digitalisering og samlingssikring.

Seksjon for spesialsamlingar forvaltar og formidlar kulturhistorisk viktige samlingar som fotografi, antikvariske bøker, manuskript- og arkiv, avissamlingar og kart. Ei av samlingane står på UNESCOs Memory of the World liste, fleire andre er del av Norges dokumentarv.

Vi søker ein strukturert og engasjert medarbeidar som trivest med praktisk og systematisk arbeid med arkiv og samlingar.

Arbeidsstad er for tida HF-Bygget, Sydnesplassen 7, Bergen og UB-Depot, Damsgårdsveien 106, men andre arbeidsstader kan også bli aktuelle.

Arbeidsoppgåver:

• Preservering, lettare konservering av arkiv- og boksamlingar
• Ordning og ompakking av arkiv
• Flytting og logistikk knytt til samlingar og arkivmateriale
• Digitalisering av materiale (skanning og katalogisering)
• Registrering og kvalitetssikring av arkiv- og boksamlingar i relevante databasar
• Anna forefallande arbeid knytt til prosjektet
• Ytterlegere arbeidsoppgåver kan bli pålagt i tråd med utvikling og behov knytt til Prosjekt sikre samlingar.

Til tider vil arbeidet vere fysisk og tidsmessig krevjande, og søkjarar må ikkje vere overfølsame for kjemikaliar og/eller støv.

Kvalifikasjonar og personlege eigenskapar:

Må ha:

• Utdanning på minst bachelornivå innan relevante fag, som historie, arkivfag eller kulturvitskap. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
• Erfaring med praktisk arkivarbeid
• Kjennskap til arkivsystem, for eksempel ASTA
• Gode norsk- og engelskkunnskapar, både skriftleg og munnleg

Ønskeleg:

• Mastergrad i relevante fag
• Erfaring med lettare konserverings- og preserveringsarbeid
• Erfaring med digitaliseringsarbeid

Personlege eigenskapar:

• Systematisk, ryddig og nøyaktig
• God gjennomføringsevne
• Lærevillig og fleksibel
• Gode kommunikasjons- og samarbeidsevner
• Gode evner til å ta initiativ og jobbe sjølvstendig

Personlege eigenskapar vil verte vektlagt.

Vi kan tilby:

• Et fagleg engasjert og godt arbeidsmiljø
• Varierte arbeidsoppgåver innan bevaring og formidling av kulturhistorisk materiale
• Løn som seniorkonsulent (kode 1363) kr. 586 100 til kr. 616 100 i det statlege lønnsregulativet etter kvalifikasjonar. For særleg kvalifiserte søkjarar kan høgare løn vurderast.
• Fleksibel arbeidstid
• Medlemskap i Statens pensjonskasse
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til:

• Seksjonsleiar Bjørn-Arvid Bagge, tlf. 988 53 148 / 55 58 25 72, epost: bjorn.bagge@uib.no eller 
• Prosjektleiar/rådgjevar Oxana Velichko, tlf. 55 58 25 22, e-post: oxana.velichko@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. 

Nærare om tilsettingsprosessen her.

Søk på stillingen