Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Universitetsbiblioteket (UB) yter tenester til forsking, undervisning, formidling og vitskapleg publisering ved Universitetet i Bergen. UB gjev studentar og vitskapleg tilsette tilgang til kunnskapskjelder, og gjev undervisning og rettleiing som har som mål å heva deira digital- og informasjonskompetanse. Vidare utviklar og driftar UB digital forskingsinfrastruktur, med særleg vekt på tenester som fremjar open vitskap. Les meir om UB her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Om stillinga:
Ved Universitetsbiblioteket (UB) er det ledig eit 100 % vikariat som arkivmedarbeidar (1363 seniorkonsulent) for seks månader med moglegheit for forlenging.
Den tilsette vil jobbe med arkivfaglege arbeidsoppgåver, saksbehandling og forefallande arbeid ved Skeivt arkiv.
Skeivt arkiv er ei av dei fire einingane ved Seksjon for spesialsamlingar ved UB. Seksjonen forvaltar og formidlar kulturhistorisk viktige samlingar som fotografi, antikvariske bøker, manuskript, kart, aviser og faghistoriske arkiv. Ei av samlingane står på UNESCOs Memory of the World liste, fleire andre er del av Norges dokumentarv.
Skeivt arkiv er også det nasjonale kunnskapssenteret for historia om kjønns- og seksualitetsmangfald, og har som formål å samle inn, bevare og formidle Noregs skeive historie i vid forstand. Arkivet har sju fast tilsette.
Vi søker ein strukturert og engasjert medarbeidar som trivest med praktisk og systematisk arbeid med arkiv og samlingar.
Arbeidsstad er for tida HF-Bygget, Sydnesplassen 7, Bergen, men andre arbeidsstader kan også bli aktuelle.
Arbeidsoppgåver:
Arbeidsoppgåver:
Innsamling og ordning av arkiv
Digitalisering av materiale (skanning og katalogisering)
Saksbehandling og publikumskontakt
Preservering, lettare konservering av arkiv
Digitalisering av materiale (skanning og katalogisering)
Anna forefallande arbeid
Ytterlegere arbeidsoppgåver kan bli pålagt
Kvalifikasjonar og eigenskapar:
Må ha:
Utdanning på masternivå innan relevante fag som t.d. historie, arkivfag eller kulturvitskap. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
Erfaring med ordning av arkiv
Kjennskap til og erfaring med arkivprogrammet ASTA
Gode norsk- og engelskkunnskapar, både skriftleg og munnleg
Ønskeleg:
Erfaring med saksbehandling i Elements
Kunnskap om skeiv historie og handtering av materiale knytt til dette i kulturarvinstitusjonar
Erfaring med lettare konserverings- og preserveringsarbeid
Erfaring med digitaliseringsarbeid
Personlege eigenskapar:
Systematisk, ryddig og nøyaktig
God gjennomføringsevne
Lærevillig og fleksibel
Gode kommunikasjons- og samarbeidsevner
Gode evner til å ta initiativ og jobbe sjølvstendig
Personlege eigenskapar vil verte vektlagt.
Vi kan tilby:
Eit fagleg engasjert og godt arbeidsmiljø
Varierte arbeidsoppgåver innan bevaring og formidling av kulturhistorisk materiale
Løn som seniorkonsulent (kode 1363) kr. 586 100 til kr. 616 100 i det statlege lønnsregulativet etter kvalifikasjonar. For særleg kvalifiserte søkjarar kan høgare løn vurderast.
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
