Ledig stilling (deltid) som informasjonsmedarbeidar ved SV-info
Søknadsfrist: 11.01.2026
Publisert
Universitetet i Oslo er den eldste og høgst rangerte forskings- og utdanningsinstitusjonen i Noreg, med 26 500 studentar og 7 200 tilsette. Fagleg breidde og internasjonalt anerkjende forskingsmiljø gjer UiO til ein viktig samfunnsaktør.
Fakultetsadministrasjonen ved Det samfunnsvitskaplege fakultet støttar einingane i den daglege drifta og har samstundes eit overordna koordineringsansvar for heile fakultetet.
Fakultetsadministrasjonen er delt i fire seksjonar; Seksjon for studie, Seksjon for økonomi, Seksjon for HR og Seksjon for forsking og kommunikasjon. Fakultetet vert administrativt leia av fakultetsdirektøren, med dekanen som leiar av heile fakultetet. Fakultetsadministrasjonen har til saman rundt 65 tilsette.
Bli med i eit inkluderande team ved SV-info som informasjonsmedarbeidar! Vi tilbyr spennande oppgåver og eit godt arbeidsmiljø.
Om stillingen
Vi søkjer etter ein dyktige og omgjengelege medarbeidar til SV-info, informasjonssenteret ved Det samfunnsvitskaplege fakultet, til fast 20% stilling som konsulent (stillingskode 1065).
SV-info er kontaktpunktet for studentar og søkjarar til Det samfunnsvitskapelege fakultet, med hovudoppgåve å gje studieinformasjon og yte tenester til studentane. Vi har brei oversikt over studietilbodet og gir informasjon om oppbygging av grader, eksamen, utvekslingsmogleikar og godkjenning av annan utdanning. I tillegg skriv vi stadfestingar og tilbyr studierettleiing.
SV-info handsamar førespurnadar via skranke, e-post, telefon og chat, og har fire fulltidstilsette og seks deltidstilsette. Vi held til i første etasje i Eilert Sundts hus, Blindern. Opningstid er måndag til fredag kl. 09 -15.00.
Primær arbeidstid er ein dag i veka (20%), i tillegg vil det vere tilbod om ekstravakter ved behov. I hektiske periodar, som ved semesterstart i august, må du kunne arbeide 3-5 dagar i veka. Vi forventar òg ekstra innsats i januar, juni og desember samt ved ferieavvikling i juli.
Dine arbeidsoppgåver vil i hovudsak vere
Svare på studierelaterte førespurnader og gje informasjon pr. e-post, chat, telefon og skranke.
Enkel saksbehandling kan førekome
Hjelpe til med administrative problem og søknader
Andre oppgåver ved behov
Kvalifikasjoner
Vi ser etter deg som:
Har minst 1 års utdanning frå universitet/høgskule
Er programstudent ved UiO og har minimum eitt år igjen av studiane
Kommuniserer godt både på engelsk og norsk, skriftleg og munnleg
I tillegg er det ein fordel om du har:
Samfunnsvitskaplege fag i fagkretsen
Erfaring frå servicebransjen eller liknande type stillingar.
Kva ser vi etter i deg?
Du må ha gode samarbeidsevner
Du må være tålmodig og serviceinnstilt, og glad i å jobbe med menneske
Du må være fleksibel med tanke på ekstrajobbing
Evne å vere effektiv og samstundes levere arbeid av høg kvalitet
Du må være dyktig på å formidle komplekse bodskap på ein forståeleg måte
Du må trivses i eit ungt og hektisk miljø
Som tilsett ved SV-info vil du arbeide i ope landskap i eit team samansett av dyktige tilsette som speler kvarandre gode. Vi samarbeider også mykje med kollegaer ved andre einingar. Det er viktig at du sjølv ønskjer å bidra og arbeide i eit slikt miljø. Vi legg stor vekt på at personen vi tilset passar i stillinga.
Vi treng ulike perspektiv i arbeidet vårt
UiO er eit ope og internasjonalt breiddeuniversitet, og ønskjer å vere ein inkluderande og mangfaldig arbeidsplass og studiestad. Les meir om UiOs arbeid for likestilling, inkludering og mangfald på uio.no.
Vi løyser samfunnsoppdraget vårt best når vi tek i bruk dei ulike erfaringane, bakgrunnane og perspektiva våre. Vi ønskjer oss fleire gode kollegaer – kanskje den neste er deg?
Vi vil leggje til rette dersom du har behov for det. Aktuell tilrettelegging kan til dømes vere endring av arbeidstid, tilpassing av arbeidsoppgåver, digital, teknisk eller fysisk tilrettelegging, eller andre praktiske tilpassingar.
Har du innvandrarbakgrunn, funksjonsnedsetjing eller hol i CV-en, oppmodar vi deg til å krysse av for dette i jobbsøkarportalen. Vi kallar alltid inn minst éin kvalifisert søkjar frå kvar gruppe til intervju. Med funksjonsnedsetjing meiner vi her ein søkjar som oppgjer å ha ei funksjonsnedsetjing som vil medføre tilrettelegging på arbeidsplassen eller i arbeidsforholdet. Les meir om krava på Arbeidsgivarportalen.
Avkryssingane i jobbsøkarportalen blir brukte til anonymisert statistikk som alle statlege verksemder rapporterer i årsrapportane sine.
Vi håpar du søkjer på stillinga hos oss.
Vi kan tilby deg
Lærerik jobb som lar seg kombinere med studiar
Ordna arbeidsforhold og godt arbeidsmiljø
Verdifull erfaring frå munnleg og skriftleg kommunikasjonsarbeid
Kunnskap om universitets- og høgskolesektoren
Løn som konsulent, stillingskode 1065 i lønsspenn frå kr 445 000 til 465 000 (i 100 % stilling) - til avhengig av kompetanse og erfaring. Frå lønna vert det trekt 2 prosent i lovfesta innskot til Statens Pensjonskasse.
Søknad med vedlegg må sendast inn via vårt rekrutteringssystem Jobbnorge, klikk “Søk stillinga”.
Når du søker på stillinga, ber vi deg hente utdanningsresultata dine frå Vitnemålsportalen.no. Om utdanningsresultata dine ikkje er tilgjengelege via Vitnemålsportalen, ber vi deg laste opp kopiar av vitnemåla eller karakterutskriftene dine. All dokumentasjon må vere på engelsk eller eit skandinavisk språk.
Generell informasjon
Aktuelle søkjarar vil bli invitert til intervju.
Søkerlister kan bli offentleggjort iht. Offentleglova § 25 andre ledd. Når du søker jobb hos oss, vil namnet ditt stå på den offentlege søkarlista. Det er mogleg å be om å bli unntatt denne lista. Du må grunngje kvifor du ønskjer unntak frå offentleggjering, og vi tek deretter stilling til om vi kan innvilge ønsket ditt. Kan vi ikkje det, vil du høyre frå oss.
