Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen.
Sentraladministrasjonen er organisert i sju avdelinger. Les meir om kommunikasjonsavdelinga her.
Kommunikasjonsavdelinga søker ein dyktig frontend-utviklar
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Rådgjevar
Utviklaren skal ha ei sentral rolle i arbeidet med utviklinga av UiB sine nettsider
Som frontend-utviklar vil du være med å skape eit moderne og brukarvenleg nettstad i lag med dyktige designarar, interaksjonsdesignarar, programmerarar og kommunikasjonsrådgjevarar.
Våre nettsider skal ha ein standard som bygger opp under vårt faglege ambisjonsnivå for forsking, utdanning, formidling og innovasjon. Nettstaden skal ha eit heilskapleg preg i design og struktur, og med brukarvenlege tenester som er tilpassa målgruppene. UiB brukar Drupal som CMS.
Arbeidsoppgåver:
Utvikle/videreutvikle uib.no (Drupal)
Lage gode brukargrensesnitt
Utvikle ny funksjonalitet
Delta i stort pågående utviklingsprosjekt for UiBs nettsider
Kvalifikasjonar og eigenskapar:
Erfaring med Drupal
Erfaring med html, css/sass og javascript
Kunnskap om brukaroppleving, interaksjonsdesign og universell utforming
Høgare utdanning på minimum bachelornivå. Relevant erfaring kan kompensere for manglande formell utdanning.
Evne til å kommunisere på norsk og engelsk
Det er eit stort pluss om du har
Eit analytisk blikk på digitale plattformar
Erfaring med utvikling av store nettsteder
Erfaring med designsystem
Personlege eigenskapar og gode samarbeidsevner vil bli vektlagt
Vi kan tilby:
Løn som rådgjevar (kode 1434) med ei årslønn mellom kr 570 000 og kr 700 000, avhengig av erfaring og kvalifikasjonar. For særskilt kvalifiserte søkjarar kan det vurderast høgare løn.
Ein spennande jobbkvardag og utviklande arbeidsoppgåver i eit av Vestlandets største fagmiljø for kommunikasjonsarbeid
Fleksibel arbeidstid med moglegheit for noko heimekontor
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
