Seniorkonsulent (administrasjon og kommunikasjon) - IGS
Søknadsfrist: 10.10.2021
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Seniorkonsulent (administrasjon og kommunikasjon)
Ved Det medisinske fakultet, institutt for global helse og samfunnsmedisin (IGS), er det ledig ei fast stilling som seniorkonsulent (100 %) med tilsetjing frå 1. januar 2022. Vi søkjer ein initiativrik kommunikasjonskonsulent som også ønskjer å arbeide med varierte administrative oppgåver knytt til prosjekt.
Arbeidet vil i hovudsak omfatte planlegging, koordinering og gjennomføring av ulike kommunikasjonsoppgåver ved instituttet.
20% av stillinga skal gå til oppfølging av EQUIFINANCE, eit femårig prosjekt i BCEPS som er finansiert av Norges Forskningsråd. EQUIFINANCE ligg under Global helse som samarbeider med låginntektsland.
Arbeidsoppgåver:
kommunikasjonsoppgåver som krev stor grad av sjølvstende og problemløysing
vere instituttet sin webredaktør
planlegge og gjennomføre kommunikasjonstiltak via instituttet sine ulike informasjonskanalar: nettsider (utarbeiding og redigering), årsrapportar, infoskjermar, nyhendebrev, arrangement, SOME og profileringsmateriell
rapportering i Cristin
støtte fagområda ved IGS med formidling av forskingsresultat og formidling i samband med planlegging og avvikling av arrangement
prosjektoppfølging av EQUIFINANCE som vil omfatte kommunikasjonsoppgåver, administrativ oppfølging opp mot Norges Forskningsråd og to partnarar i India (Society for Applied Studies (SAS) og Translational Health Science and Technology Institute (THSTI)), samt organisering av møter og andre administrative oppgåver
presentere EQUIFINANCE på engelsk i ulike internasjonale samanhengar og fora
Det kan verte aktuelt å leggje andre oppgåver til stillinga.
Kvalifikasjonar og eigenskapar:
Søkjar må ha mastergrad i økonomisk-administrative fag. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning
Søkjar må ha:
- erfaring frå varierte kommunikasjonsoppgåver inkludert arbeid med nettsider og SOME
- erfaring med generelle administrative oppgåver
- interesse for og god evne til arbeid med tekst, både på norsk og engelsk, noko som føreset gode norsk- og engelskkunnskapar både skriftleg og munnleg
- evne til å ha ansvar for digitale møter og arrangement
Det er ønskjeleg at søkjar har erfaring med utarbeiding av kommunikasjonsplanar og - strategiar
Vi søkjer ein person som:
har gode kommunikasjons- og samarbeidsevner
har digital kompetanse og evnar å tileigne seg nye ferdigheiter
er sjølvstendig, initiativrik og fleksibel, og som trivst med varierte administrative oppgåver, i tillegg til kommunikasjonsoppgåver
har eit godt overblikk og evne til å prioritere
Ved vurdering av søkjaren vil vi legge stor vekt på dei personlege eigenskapane som er naudsynte for stillinga.
Vi kan tilby:
Spanande og utviklande arbeidsoppgåver i eit sterkt fagmiljø
Stilling som seniorkonsulent (kode 1363) i lønssteg 55-61 i det statlege lønsregulativet. Dette utgjer for tida brutto årslønn kr. 499 500- 553 500. For særs kvalifisert søkjar kan høgare løn vurderast.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.