Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelinger. Les meir om IT-avdelinga her.
Er du nysgjerrig på ny teknologi, vil du leia arbeidet med utvikle og drifte en moderne applikasjonsplattform?
Då er det deg vi ser etter – plattformingeniør.
Kunnskap som formar samfunnet
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
Om stillinga:
Ver med å forme framtidas IT-teneste for forsking ved UiB!
Ved IT-avdelinga, Seksjon for IT-fellestenester er det ledig stilling som plattformingeniør – avdelingsingeniør/overingeniør i seksjon for IT-fellestenester.
IT-avdelinga sitt oppdrag er å levere gode IT-tenester og bidra til at UiB når sine mål. Vi leverer eit breitt spekter av IT-tenester innan utvikling, drift, forvaltning og brukarstøtte. IT-avdelinga har om lag 130 tilsette, og i tillegg lærlingar og deltidstilsette studentar. IT-avdelinga legg vekt på kontinuerleg forbetring med Lean-metodikk og nyttar ITIL-rammeverket for organisering av tenesteleveransar. Sjå meir om avdelinga her.
Stillinga inngår i Plattformgruppa. Gruppa har blant anna ansvar for drift en kubernetesbasert plattform.
Arbeidsoppgåver:
Dei viktigaste arbeidsoppgåvene vil vere:
Drift og utvikling av RAIL som er en kubernetesbasert plattform for applikasjonsdrift
Brukarstøtte til konsumentar av RAIL
Vere med på å stille krav til og utvikle Openstackløsninga RAIL kjører på (NREC)
Andre driftsoppgåver innan Linux-tjenere
Kvalifikasjonar og eigenskapar:
God kjennskap til kodedefinert infrastruktur
God kjennskap til drift av kubernetes
God kjennskap til Linux
Kjennskap til å konsumere Openstack
Utdanning innan relevant IKT-fag
Du ha minst bachelorgrad eller ingeniørutdanning frå universitet eller høgskule, eller tilsvarande kvalifikasjonar oppnådd ved relevant praksis og tilstrekkeleg etter- og vidareutdanning
Du er sjølvstendig, strukturert og kan arbeida i team
Du er nysgjerrig, opptatt av å finna gode løysingar og har god arbeidskapasitet
Forståing av informasjonstryggleik
IT-teknisk kompetent, nysgjerrig og svolten på å lære nye ting
Høy arbeidskapasitet og gjennomføringsevne
Du er god til å samarbeide og til å bygge relasjonar internt og eksternt. I tillegg evner du å forstå behova til brukarane våre
Du kommuniserer godt munnleg og skriftleg på norsk og engelsk
Vi vil vektlegge personlege eigenskapar som gjer søkjarane skikka til stillinga
Vi tilbyr:
Stilling som avdelingsingeniør (kode1085) i årsløn kr. 552 000 – 595 000, eller overingeniør (kode 1087) i årsløn kr. 615 000 – 700 000. For spesielt kvalifiserte søkarar kan det verte aktuelt med høgare løn
Eit godt og fagleg utfordrande arbeidsmiljø
Ein kunnskapsrik og engasjert organisasjon med deltaking i mange spennande aktivitetar og brei kontakt med brukarane ved universitetet
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Dei som blir tilsett kan få andre arbeidsoppgåver innan avdelinga sine arbeidsområde.
UiB er underlagt regelverket for eksportkontroll og regelverket kan komme til anvending ved behandling av søknader til stillinga.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.
