Stilling:
Vitskapleg assistent (50 %) i skulptur og installasjon
Søknadsfrist 24.03.2019
UiB - Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Vitskapleg assistent (50 %) i skulptur og installasjon
Ved Kunstakademiet – Institutt for samtidskunst er det ledig ei mellombels stilling (50 %) som vitskapleg assistent for to år knytt til fokusområdet skulptur og installasjon.
Vi søker etter ein vitskapleg assistent som i hovudssak vil ha oppgåver knytt til styrking av fokusområdet skulptur og installasjon. Assistenten vil få delta i ei spennande fase for fokusområdet og inngå i eit dynamisk forskingsmiljø og få gode utviklingsmoglegheiter.
Vitskapleg assistent er ei rekrutteringsstilling der hovudoppgåva er å vere ein støttespelar for den faglege staben i deira undervisnings- og forskingsverksemd. Stillinga skal gi høve til innsikt i kunstnarleg utviklingsarbeid og metode. Samla tilsetjingstid kan ikkje overstige to år.
Om prosjektet/arbeidsoppgåver:
- Ta del i skulptur og installasjon sine forskingsprosjekt gjennom eigen forsking
- Undervise studentar i fokusområdet og andre relaterte kunstnarlege teknikkar
- Bidra til ei vidare utvikling av studietilbodet i skulptur og installasjon og i området sine støttefunksjoner.
- Ha kjennskap til relevante emner som er aktuelle og viktig for KMD si utvikling på feltet
Kvalifikasjonar og eigenskapar:
- Mastergrad, fortrinnsvis innan relevant tematikk for fokusområdet
- Kjennskap til forsking relatert til fokusområdet.
- God språkkunnskap og formuleringsevne i engelsk og norsk, munnleg og skriftlig
Personlege eigenskapar
- Arbeide sjølvstendig, vere ansvarsbevisst og fleksibel
- Vere serviceinnstilt og imøtekommande
- Ha gode samarbeidsevner og ei strukturert arbeidsform
Vi tilbyr:
- Spennande og utviklande arbeidsoppgåver i eit sterkt fagmiljø
- Stilling som vitskapleg assistent (kode 1020) i lønnssteg 42 - 47 (for tida kr. 391.800 - 421.700 brutto i fulltidsstilling). For særleg kvalifiserte søkjarar kan det bli aktuelt å vurdere høgare løn
- Medlemsskap i Statens pensjonskasse
- Gode velferdsordningar
Søknaden skal innehalde:
- CV
- Vitnemål som visar at du har relevant utdanning
- Relevante attestar
- Liste over kunstnarlege produksjonar som har relevans for stillinga
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge. Det vil vere aktuelt med intervju før tilsetjing.
Generell informasjon:
Utfyllande opplysningar om stillinga kan ein få ved å vende seg til:
- Instituttleiar Aashild Grana på tlf. + 47 - 55 58 73 00
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.