Stilling:
Studentombud
Søknadsfrist 31.03.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Studentombud
Vil du tale studentane si sak ved Universitetet i Bergen?
Det er ledig ei fast stilling som studentombod ved UiB. Studentombodet er ein uavhengig bistandsperson som har i oppgåve å gje studentane råd og hjelp i saker knytt til studiesituasjonen. Studentombodet skal sjå til at sakene vert forsvarleg og korrekt handsama slik at rettigheitane vert ivaretekne. Stillinga er ei uavhengig stilling i høve til institusjonen og er organisatorisk plassert ved HR-avdelinga, med arbeidsstad på Studentsenteret.
Arbeidsoppgåver:
- Bistand og rådgjeving for studentar
- Gjere ombodsfunksjonen kjend blant studentane
- Delta på opplæring av studenttillitsvalde om studentane sine rettigheiter og plikter
- Rapportere til rektor halvårleg og jamleg i særskilt alvorlege saker
- Kan på eige initiativ fremje saker for universitetsstyret
Kvalifikasjonar og eigenskapar:
- Søkjarar må ha utdanning på mastergradsnivå eller tilsvarande. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning
- Juridisk kompetanse
- Røynsle frå arbeid med studentrettar
- Erfaring frå universitets- og høgskulesektoren er ein føremon
- God kunnskap i norsk og engelsk, skriftleg og munnleg
- Gode kommunikasjons- og samarbeidsevner
- Evne til å arbeide sjølvstendig og å byggje relasjonar
Personlege eigenskapar som er naudsynte for stillinga vil bli vektlagt.
Vi kan tilby:
- Spennande og utviklande arbeidsoppgåver i et sterkt fagmiljø
- Stilling som rådgjevar (kode 1434) i lønssteg 65 - 70 (for tida kr 576 100 - 631 700 ) i det statlege lønsregulativet. For særs kvalifisert søkjar kan høgare løn vurderast
- Medlemsskap i Statens pensjonskasse
- Gode velferdsordningar
Generell informasjon:
Utfyllande opplysningar om stillinga kan ein få ved å vende seg til:
- Viserektor for utdanning Oddrun Samdal, tlf. nr. 970 70 904 eller
- Avdelingsdirektør ved Studieadministrativ avdeling Christen Soleim, tlf. nr. 414 79 181
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.