Ledig stilling ved Universitetet i Bergen
Spesialsjukepleiar / sjukepleiar (20 % fast)
Søknadsfrist: 22.09.2019
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Spesialsjukepleiar/sjukepleiar (20 % fast)
Ved Det medisinske fakultet, Institutt for klinisk odontologi, er det ledig ei 20 % fast stilling som spesialsjukepleier/sjukepleiar med tilsetjing så snart som mogleg ved Seksjon for oral kirurgi og oral medisin. Arbeidsdagar vil inntil vidare vere onsdagar
Arbeidsoppgåver:
- ta del i operasjonsverksemd og poliklinisk verksemd i studentklinikken og spesialistklinikken
- omsorg for pasientar, rettleiing og undervisning
- ved behov delta i drifta av seksjonens sterilsentral
Det kan verte aktuelt å leggje andre oppgåver til stillinga.
Kvalifikasjonar og eigenskapar:
- utdanning og autorisasjon som sjukepleiar
- spesialutdanning som operasjonssjukepleiar er ønskjeleg
- for søkjarar utan spesialutdanning som operasjonssjukepleiar vert det kravd relevant erfaring
- erfaring med verksemd innan oral kirurgi/kjevekirurgi er ein føremon
- gode norsk kunnskapar, vere fleksibel og serviceinnstilt, ansvarsmedviten og ha gode kommunikasjons- og samarbeidsevner
Ved vurdering av søkjaren vil vi leggje vekt på dei personlege eigenskapar som er naudsynte for stillinga.
Vi kan tilby:
- eit godt og fagleg utfordrande arbeidsmiljø
- stilling som spesialsjukepleier (kode 810) i lønssteg 59 (for tida kr 523 200 for ei fulltidsstilling) eller sjukepleiar (kode 807) i lønssteg 54 (for tida 479 600 for ei fulltidsstilling). For særs kvalifisert søkjar kan høgare løn vurderast.
- medlemsskap i Statens pensjonskasse
- gode velferdsordningar
Generell informasjon:
Utfyllande opplysningar om stillinga kan ein få ved å vende seg til:
- Seksjonssjukepleiar Linda Ljones, tlf.: 55 58 66 11 eller
- Professor Trond Inge Berge, tlf.: 55 58 65 92
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.